ವಾಟ್ಸಾಪ್ ನಲ್ಲಿ ಇನ್ಮುಂದೆ ಶಾರ್ಟ್ ವಿಡಿಯೋ ಸಂದೇಶವನ್ನೂ ಶೇರ್ ಮಾಡ್ಬೋದು – ಹೇಗೆ ಗೊತ್ತಾ?
- ಟೆಕ್ ನ್ಯೂಸ್
- July 28, 2023
- No Comment
- 112
ನ್ಯೂಸ್ ಆ್ಯರೋ : ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್ ವಾಟ್ಸಾಪ್ ಹೊಸ ವೈಶಿಷ್ಟ್ಯಗಳನ್ನು ನೀಡುವ ಮೂಲಕ ಬಳಕೆದಾರರ ಅನುಭವವನ್ನು ಸುಧಾರಿಸುತ್ತಿದೆ. ಇತ್ತೀಚೆಗೆ ಬಹಳಷ್ಟು ವೈಶಿಷ್ಟ್ಯಗಳನ್ನು ವಾಟ್ಸಾಪ್ ಪರಿಚಯಿಸಿದೆ. ಇದೀಗ ಮತ್ತೆ ವಿಡಿಯೋ ಸಂದೇಶದ ಕಳುಹಿಸಬಹುದಾದ ಫೀಚರ್ ಅನ್ನು ಹೊರತರಲಿದೆ.
ಇದರ ಸಹಾಯದಿಂದ ಬಳಕೆದಾರರು ಈಗ ವಿಡಿಯೋವನ್ನು ಸಹ ಸಂದೇಶವಾಗಿ ಕಳುಹಿಸಬಹುದಾಗಿದ್ದು, ಪ್ರಸ್ತುತ, ವಾಟ್ಸಾಪ್ ವಾಯ್ಸ್ ಮೆಸೇಜಿಂಗ್ ವೈಶಿಷ್ಟ್ಯವನ್ನು ನೀಡುತ್ತಿದೆ. ಅದೇ ರೀತಿ ಚಾಟ್ ಬಾಕ್ಸ್ನ ಬಲಭಾಗದಲ್ಲಿರುವ ಐಕಾನ್ ಅನ್ನು ಹಿಡಿದಿಟ್ಟುಕೊಳ್ಳುವ ಮೂಲಕ ನೀವು ವಾಯ್ಸ್ ರೆಕಾರ್ಡರ್ ಮೆಸೇಜ್ಗಳನ್ನು ಕಳುಹಿಸಬಹುದು. ಆದರೆ ಶೀಘ್ರದಲ್ಲೇ ಬಳಕೆದಾರರು ಅದೇ ರೀತಿಯಲ್ಲಿ ವಿಡಿಯೋ ಸಂದೇಶಗಳನ್ನು ಸಹ ಕಳುಹಿಸಬಹುದು.
ಟೆಸ್ಟ್ಫೈಟ್ ಅಪ್ಲಿಕೇಶನ್ನಲ್ಲಿ ಲಭ್ಯವಿರುವ iOS 23.12.0.71 WhatsApp ಬೀಟಾ ಆವೃತ್ತಿಯಲ್ಲಿ ವಿಡಿಯೋ ಸಂದೇಶಗಳನ್ನು ಕಳುಹಿಸಲು ನಿಮಗೆ ಅನುಮತಿಸುವ ಹೊಸ ವೈಶಿಷ್ಟ್ಯವನ್ನು ಬಿಡುಗಡೆ ಮಾಡಲಾಗಿದ್ದು, ಇದು ಗೂಗಲ್ ಪ್ಲೇ ಸ್ಟೋರ್ನಲ್ಲಿ ಆಂಡ್ರಾಯ್ಡ್ 2.23.13.4 ಅಪ್ಡೇಟ್ನಲ್ಲಿಯೂ ಲಭ್ಯವಿದೆ.
ವಾಟ್ಸಾಪ್ ಟ್ರಾಕರ್ WABetalnfo ಪ್ರಕಾರ, ವಿಡಿಯೋ ಮೆಸೇಜ್ಗಳನ್ನು ರೆಕಾರ್ಡ್ ಮಾಡುವ ಮತ್ತು ಕಳುಹಿಸುವ ಈ ಹೊಸ ವೈಶಿಷ್ಟ್ಯವು ಈ ವಾಟ್ಸಾಪ್ ಬೀಟಾ ಆವೃತ್ತಿಗಳನ್ನು ಸ್ಥಾಪಿಸಿದ ಕೆಲವು ಜನರಿಗೆ ಲಭ್ಯವಿದೆ. ಪ್ರಮಾಣಿತ ಆವೃತ್ತಿಯ ಬಳಕೆದಾರರಿಗೆ ಈ ವೈಶಿಷ್ಟ್ಯವನ್ನು ಇನ್ನೂ ಬಿಡುಗಡೆ ಮಾಡಲಾಗಿಲ್ಲ. ಸದ್ಯದಲ್ಲೇ ಬಿಡುಗಡೆಯಾಗುವ ಸಾಧ್ಯತೆ ಇದೆ ಎಂದು WhatsApp Beta Info ಹೇಳಿದೆ.
ಈ ವಿಡಿಯೋ ಸಂದೇಶಗಳನ್ನು 60 ಸೆಕೆಂಡುಗಳಲ್ಲಿ ರೆಕಾರ್ಡ್ ಮಾಡಬಹುದು ಮತ್ತು ಕಳುಹಿಸಬಹುದು. ಇದುವರೆಗೆ ವಾಟ್ಸಾಪ್ನಲ್ಲಿ ಪಠ್ಯ ಅಥವಾ ಧ್ವನಿ ಸಂದೇಶಗಳ ರೂಪದಲ್ಲಿ ಮಾತ್ರ ಸಂವಹನ ನಡೆಸಲು ಸಾಧ್ಯವಿತ್ತು. ಆದರೆ ಇನ್ಮುಂದೆ ಶೀಘ್ರದಲ್ಲೇ ಎಲ್ಲಾ ಬಳಕೆದಾರರು ವಿಡಿಯೋ ಸಂದೇಶಗಳೊಂದಿಗೆ ಸಂವಹನ ಮಾಡಬಹುದಾಗಿದೆ.
ಇನ್ನು ವಾಟ್ಸಾಪ್ನಲ್ಲಿ ಈ ಅಪ್ಲೇಟ್ ಲಭ್ಯವಿದೆಯಾ ಎಂದು ತಿಳಿಯಲು ವಾಟ್ಸಾಪ್ನಲ್ಲಿ ಯಾವುದೇ ಚಾಟ್ ಬಾಕ್ಸ್ ಓಪನ್ ಮಾಡಿ. ನಂತರ ಚಾಟ್ ಬಾಕ್ಸ್ನ ಬಲಭಾಗದಲ್ಲಿ ಗೋಚರಿಸುವ ಮೈಕ್ರೋಫೋನ್ ಐಕಾನ್ ಮೇಲೆ ಕ್ಲಿಕ್ ಮಾಡಿ. ನಂತರ ಆ ಐಕಾನ್ ಬದಲಾದರೆ ಮತ್ತು ವಿಡಿಯೋ ಕ್ಯಾಮೆರಾ ಐಕಾನ್ ಕಾಣಿಸಿಕೊಂಡರೆ, ಬಳಕೆದಾರರು ಈ ವೈಶಿಷ್ಟ್ಯವನ್ನು ಬಳಸಬಹುದಾಗಿದೆ.