ಐಸಿಸಿ ಹೊಸ ಹಣಕಾಸು ಮಾದರಿಯಲ್ಲಿ ಬಿಸಿಸಿಐ ಬಾಸ್ – ಲೆಕ್ಕಕ್ಕೇ ಇಲ್ಲ ಆಸೀಸ್, ಇಂಗ್ಲೆಂಡ್ : ಬಿಸಿಸಿಐ ಆದಾಯ ಪಿಸಿಬಿಗಿಂತ 7 ಪಟ್ಟು ಹೆಚ್ಚು..!!
- ಕ್ರೀಡಾ ಸುದ್ದಿ
- May 12, 2023
- No Comment
- 290
ನ್ಯೂಸ್ ಆ್ಯರೋ : ಜಗತ್ತಿನ ಶ್ರೀಮಂತ ಕ್ರಿಕೆಟ್ ಮಂಡಳಿ ಬಿಸಿಸಿಐಗೆ ಐಸಿಸಿ ವಾರ್ಷಿಕ 1,889 ಕೋಟಿ ರೂ. ಪಾವತಿಸಲಿದೆ. ಈ ಮೂಲಕ ಭಾರತದ ಕ್ರಿಕೆಟ್ ಮಂಡಳಿಯ ಬ್ಯಾಂಕ್ ಬ್ಯಾಲೆನ್ಸ್ ಇನ್ನಷ್ಟು ಹೆಚ್ಚಲಿದೆ.
ಐಸಿಸಿ ತನ್ನ ನೂತನ ಹಣಕಾಸು ಮಾದರಿ ಬಿಡುಗಡೆ ಮಾಡಿದ್ದು, ವಾರ್ಷಿಕ ಆದಾಯ 4,925 ಕೋಟಿ ರೂ. ಎಂದು ತಿಳಿದು ಬಂದಿದೆ. ಈ ಪೈಕಿ ಬಿಸಿಸಿಐ ಅತೀ ಹೆಚ್ಚು ಅಂದರೆ ಒಟ್ಟು ಗಳಿಕೆಯ ಶೇ. 38.5ರಷ್ಟು ಪಾಲು ಪಡೆಯಲಿದೆ. ಇದು ನಾಲ್ಕು ವರ್ಷ(2024-2027)ಗಳ ಹಣಕಾಸು ಮಾದರಿಯಾಗಿದೆ.
ಬಿಸಿಸಿಐ ನಂತರ ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ ಮತ್ತು ಕ್ರಿಕೆಟ್ ಆಸ್ಟ್ರೇಲಿಯಾ ಮಂಡಳಿ ಹೆಚ್ಚು ಗಳಿಸುತ್ತವೆ. ಇಂಗ್ಲೆಂಡ್ 339 ಕೋಟಿ ರೂ., ಆಸ್ಟ್ರೇಲಿಯಾ 308 ಕೋಟಿ ರೂ. ಪಡೆಯಲಿದೆ.
ಬಿಸಿಸಿಐಗೆ ಪಾಕ್ ಕ್ರಿಕೆಟ್ ಮಂಡಳಿಗಿಂತ 7 ಪಟ್ಟು ಹೆಚ್ಚು ಆದಾಯ
ಇನ್ನು ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಟಾಪ್ ಗಳಿಕೆ ತಂಡಗಳ ಪಟ್ಟಿಯಲ್ಲಿ 4ನೇ ಸ್ಥಾನದಲ್ಲಿದೆ. ಪಾಕಿಸ್ತಾನದ ಒಟ್ಟು ಗಳಿಕೆಯು ಸುಮಾರು 283 ಕೋಟಿ ರೂ. ಅಂದರೆ ಪಾಕ್ ಕ್ರಿಕೆಟ್ ಮಂಡಳಿಗಿಂತ ಬಿಸಿಸಿಐ ಸುಮಾರು 7 ಪಟ್ಟು ಹೆಚ್ಚು ಆದಾಯ ಗಳಿಸಲಿದೆ.
ಈ ಮಧ್ಯೆ ಐಸಿಸಿಯ ಹೊಸ ಹಣಕಾಸು ಮಾದರಿಯು ಎಲ್ಲಾ ರಾಷ್ಟ್ರೀಯ ಕ್ರಿಕೆಟ್ ಮಂಡಳಿಗಳಿಂದ ಇನ್ನೂ ಪ್ರತಿಕ್ರಿಯೆಯನ್ನು ಪಡೆದಿಲ್ಲ. ಒಮ್ಮತ ಪಡೆದ ನಂತರ, ಹಣಕಾಸು ಮಾದರಿಯ ಬಗ್ಗೆ ಐಸಿಸಿ ಅಂತಿಮ ನಿರ್ಧಾರವನ್ನು ತೆಗೆದುಕೊಳ್ಳಲಿದೆ.