ಸಚಿನ್ ತೆಂಡೂಲ್ಕರ್ ದಾಖಲೆ ಸರಿಗಟ್ಟಿದ ಪುತ್ರ ಅರ್ಜುನ್ ತೆಂಡೂಲ್ಕರ್ – ಚೊಚ್ಚಲ ರಣಜಿ ಪಂದ್ಯದಲ್ಲೇ ಮಿಂಚಿದ ಮರಿ ತೆಂಡೂಲ್ಕರ್
- ಕ್ರೀಡಾ ಸುದ್ದಿ
- December 15, 2022
- No Comment
- 152
ನ್ಯೂಸ್ ಆ್ಯರೋ : ವೃತ್ತಿ ಜೀವನದ ಪ್ರಥಮ ರಣಜಿ ಪಂದ್ಯಾಟದಲ್ಲೇ ಶತಕ ಸಿಡಿಸುವ ಮೂಲಕ ಅರ್ಜುನ್ ತೆಂಡೂಲ್ಕರ್ ಕ್ರಿಕೆಟ್ ಬದುಕನ್ನು ಅಮೋಘವಾಗಿ ಶುರುಮಾಡಿದ್ದಾರೆ.
ಅರ್ಜುನ್ ರಣಜಿ ಟ್ರೋಫಿಯಲ್ಲಿ ಗೋವಾ ಪರ ಆಕ್ರಮಣಕಾರಿ ಇನ್ನಿಂಗ್ಸ್ ಆಡುವ ಮೂಲಕ ರಾಜಸ್ಥಾನ ಬೌಲರ್ಸ್ಗಳನ್ನು ಬೆಂಡೆತ್ತಿ ಅಪ್ಪನ ದಾಖಲೆಯನ್ನು ಮುರಿದಿದ್ದಾರೆ.
23 ವರ್ಷದ ಅರ್ಜುನ್ 178 ಬಾಲ್ನಲ್ಲಿ ಸೆಂಚುರಿ ಸಿಡಿಸಿದರು. ಬರೋಬ್ಬರಿ 12 ಫೋರ್, ಬ್ಯಾಕ್ ಟು ಬ್ಯಾಕ್ 2 ಭರ್ಜರಿ ಸಿಕ್ಸರ್ ಬಾರಿಸಿದರು. ಈ ಮೂಲಕ ಗೋವಾ ಮೊದಲ ಇನ್ನಿಂಗ್ಸ್ನಲ್ಲಿ 400 ರನ್ ಗಳಿಸಿತು.
ಸಚಿನ್ ತೆಂಡೂಲ್ಕರ್ ತನ್ನ ಮೊದಲ ಪಂದ್ಯದಲ್ಲಿ ಗುಜರಾತ್ ವಿರುದ್ಧ 100 ರನ್ ಗಳಿಸಿದ್ದರು. ಮಗ ಅರ್ಜುನ್ ಈಗ ಮೊದಲ ಪಂದ್ಯದಲ್ಲೇ 104 ರನ್ ಗಳಿಸೋ ಮೂಲಕ ತಂದೆ ಸಚಿನ್ ದಾಖಲೆಯನ್ನು ಮುರಿದಿದ್ದಾರೆ.
ಅರ್ಜುನ್ ತೆಂಡೂಲ್ಕರ್ ಉತ್ತಮ ಆಲ್ ರೌಂಡರ್. ಕೇವಲ ಬ್ಯಾಟ್ಸ್ಮನ್ ಮಾತ್ರವಲ್ಲ ಎಡಗೈ ವೇಗದ ಬೌಲರ್ ಕೂಡ ಹೌದು. ಸದ್ಯ ಅರ್ಜುನ್ ಅವರಿಗೆ ಟೀಂ ಇಂಡಿಯಾದ ಮಾಜಿ ಆಟಗಾರ ಯುವರಾಜ್ ಸಿಂಗ್ ಅವರ ತಂದೆ ಯೋಗರಾಜ್ ಸಿಂಗ್ ಅವರು ತರಬೇತಿ ನೀಡುತ್ತಿದ್ದಾರೆ.