2025ರೊಳಗೆ ಭಾರತದಲ್ಲಿ ವಾಲುವ ರೈಲು ಸೇವೆ ಆರಂಭ: ವಂದೇ ಭಾರತ್ ಯಶಸ್ಸಿನ ಬೆನ್ನಲ್ಲೇ ಮತ್ತೊಂದು ಯೋಜನೆಗೆ ರೈಲ್ವೆ ಇಲಾಖೆ ಚಿಂತನೆ

ನ್ಯೂಸ್ ಆ್ಯರೋ: ಭಾರತೀಯ ರೈಲ್ವೆ ಇಲಾಖೆಯಲ್ಲಿ ಅನೇಕ ಬದಲಾವಣೆಗಳನ್ನು ಕೇಂದ್ರ ಸರ್ಕಾರ ಮಾಡಿದ್ದು, ಇದೀಗ ವಂದೇ ಭಾರತ್ ರೈಲುಗಳ ನಂತರ ಭಾರತಕ್ಕೆ 2025ರೊಳಗೆ ವಾಲುವ ರೈಲುಗಳನ್ನು ಪರಿಚಯಿಸಲು ರೈಲ್ವೆ ಇಲಾಖೆ ಚಿಂತನೆ ನಡೆಸಿದೆ.

2025ರ ಸಮಯದಲ್ಲಿ ಭಾರತದಲ್ಲಿ ರೈಲು ಪ್ರಯಾಣ ವೇಗವನ್ನು ವೃದ್ಧಿಸುವ ನಿಟ್ಟಿನಲ್ಲಿ ವಾಲುವ ರೈಲುಗಳನ್ನು ಪರಿಚಯಿಸಲು ರೈಲ್ವೆ ಇಲಾಖೆ ಚಿಂತನೆ ನಡೆಸಿದೆ.

ಯಾಕೆ ಈ ಹೆಸರು: ಬೈಕ್ ಮಾದರಿಯಲ್ಲೇ ಸಂಚರಿಸುವ ವೇಳೆ ತಿರುವುಗಳಲ್ಲಿ ವಾಲುವುದರಿಂದ ಈ ರೈಲುಗಳನ್ನು ವಾಲುವ ರೈಲುಗಳು ಎಂದು ಕರೆಯಲಾಗುತ್ತದೆ.

ವಂದೇ ಭಾರತ್ ರೈಲುಗಳನ್ನು ಸಿದ್ಧಪಡಿಸುತ್ತಿರುವ ಕಂಪನಿ ಇದೀಗ 100 ವಂದೇ ಭಾರತ್ ರೈಲುಗಳಲ್ಲಿ ವಾಲುವ ತಂತ್ರಜ್ಞಾನವನ್ನು ಅಳವಡಿಸಲು ಭಾರತೀಯ ರೈಲ್ವೆ ಇಲಾಖೆ ಚಿಂತನೆ ನಡೆಸಿದ್ದು, 2025ರ ವೇಳೆಗೆ ಭಾರತದಲ್ಲಿ ಮೊದಲ ಬಾರಿಗೆ ಈ ವಾಲುವ ರೈಲುಗಳು ಸಂಚಾರ ಆರಂಭಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಈ ಸಂಬಂಧ ಭಾರತೀಯ ರೈಲ್ವೆ ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು ಮಾತನಾಡಿ, ನಾವು ವಾಲುವ ರೈಲುಗಳ ತಂತ್ರಜ್ಞಾನ ಸಂಸ್ಥೆ ಜೊತೆ ಮಾತುಕತೆ ನಡೆಸಲಾಗಿದೆ. ವಂದೇ ಭಾರತ್ ರೈಲುಗಳಲ್ಲಿ ಈ ತಂತ್ರಜ್ಞಾನ ಅಳವಡಿಸಲು ಚಿಂತನೆ ನಡೆದಿದ್ದು, ಮುಂದಿನ ಎರಡು ಅಥವಾ ಮೂರು ವರ್ಷಗಳಲ್ಲಿ ವಾಲುವ ರೈಲುಗಳಿಗೆ ಚಾಲನೆ ನೀಡಲಾಗುವುದು ಎಂದರು.

ವಾಲುವ ರೈಲು ಮಾದರಿ ಭಿನ್ನ ರೈಲುಗಳನ್ನು ಭಾರತಕ್ಕೆ ಪರಿಚಯಿಸುವ ಪ್ರಯತ್ನಗಳನ್ನು ಭಾರತೀಯ ರೈಲ್ವೆ ಇಲಾಖೆ ಬಹಳ ಹಿಂದೆನೇ ಚಿಂತನೆ ನಡೆಸಿತ್ತು. ಆದರೆ ಈ ಬಗ್ಗೆ ಅಂತಿಮ ತೀರ್ಮಾನ ಆಗಿರಲಿಲ್ಲ. ಇದೀಗ ಸ್ಪೇನ್ ನ ಕಂಪನಿಯೊಂದರ ಜೊತೆ ಮಾತುಕತೆ ನಡೆದಿದ್ದು, ಶೀಘ್ರದಲ್ಲೇ ಒಪ್ಪಂದ ಆಗುವ ಸಾಧ್ಯತೆ ಇದೆ ಎಂದು ತಿಳಿಸಿದೆ.

ವಾಲುವ ರೈಲು ಹೇಗೆ ಕಾರ್ಯನಿರ್ವಹಿಸುತ್ತದೆ ಗೊತ್ತಾ?

ವಾಲುವ ರೈಲಾಗಿರುವುದರಿಂದ ಪ್ರಯಾಣಿಕರು ರೈಲು ಚಲಾಯಿಸುವಾಗ ಬೀಳುವ ಹಾಗೂ ಅಕ್ಕಪಕ್ಕದ ಸ್ಥಳಗಳಿಗೆ ಹಾನಿಯಾಗುವ ಸಾಧ್ಯತೆಗಳಿವೆ. ಅಲ್ಲದೇ ನಿಂತಿರುವ ಪ್ರಯಾಣಿಕರು ಸಮತೋಲನ ಕಳೆದುಕೊಳ್ಳುವ ಸಾಧ್ಯತೆ ಇರುತ್ತದೆ. ಆದ್ದರಿಂದ ಅವರ ಸುರಕ್ಷತೆ ಹಾಗೂ ರೈಲಿನ ಒಳಗೆ ಸಮತೋಲನ ಕಾಯ್ದುಕೊಳ್ಳುವ ತಂತ್ರಜ್ಞಾನವನ್ನು ಅಳವಡಿಸಿ ರೈಲನ್ನು ಹೊರತರಲಾಗುತ್ತದೆ.