ಗರುಡ ಪುರಾಣದ ಪ್ರಕಾರ ಸಾಯೋವರೆಗೂ ಬಡವರಾಗಿಯೇ ಉಳಿಯುವ ಆ ಐದು ಮಂದಿ ಯಾರು ಗೊತ್ತಾ…!!? – ಇಲ್ಲಿದೆ ನೋಡಿ ಸಂಪೂರ್ಣ ವಿವರ…
- ಕೌತುಕ-ವಿಜ್ಞಾನ
- April 25, 2023
- No Comment
- 411
ನ್ಯೂಸ್ ಆ್ಯರೋ : ಗರುಡ ಪುರಾಣದಲ್ಲಿ ಈ ಐದು ಜನ ಸಾಯುವ ತನಕವೂ ಬಡತನದ ಬೇಗೆಯಲ್ಲಿ ನರಳುತ್ತಾರೆ ಎಂದು ತಿಳಿಸಲಾಗಿದೆ. ಈ ಐವರ ಬಗ್ಗೆ ಮಹಾವಿಷ್ಣುವೇ ಗರುಡನಿಗೆ ತಿಳಿಹೇಳಿದ್ದರಂತೆ.
ಸಾವಿನ ಹಿಂದಿನ ಹಾಗೂ ನಂತರದ ಪರಿಸ್ಥಿತಿಯನ್ನು ಗರುಡ ಪುರಾಣದಲ್ಲಿ ಉಲ್ಲೇಖಿಸಲಾಗಿದೆ. ಈ ಕಾರಣಕ್ಕಾಗಿಯೇ ಗರುಡ ಪುರಾಣವನ್ನು ಸತ್ತವರಿಗಾಗಿ ಪಠಿಸಲಾಗುತ್ತದೆ.
ಒಂದು ಬಾರಿ ಗರುಡ ದೇವನು, ವಿಷ್ಣುವಿನ ಬಳಿ ಜೀವರಾಶಿಗಳ ಸಾವು, ಯಮಲೋಕದ ಕಡೆಗಿನ ಪಯಣ, ನರಕ ಹಾಗೂ ಮೋಕ್ಷದ ಬಗ್ಗೆ ಹಲವಾರು ನಿಗೂಢ ಹಾಗೂ ಅತೀಂದ್ರಿಯ ಪ್ರಶ್ನೆಗಳನ್ನು ಕೇಳಿದನು. ವಿಷ್ಣು ಆ ಪ್ರಶ್ನೆಗಳಿಗೆ ಸವಿವರವಾದ ಉತ್ತರವನ್ನು ನೀಡಿದನು. ಗರುಡ ಕೇಳಿದ ಪ್ರಶ್ನೆಗಳಿಗೆ ನೀಡಲಾದ ವಿಷ್ಣುವಿನ ಸೂಕ್ತ ಉತ್ತರಗಳ ಸರಣಿಯನ್ನೇ ಗರುಡ ಪುರಾಣ ಎಂದು ಕರೆಯಲಾಗುತ್ತದೆ.
ಗರುಡ ಪುರಾಣದಲ್ಲಿ ಉಲ್ಲೇಖಿಸಲಾದ ಈ ಐದು ಮಂದಿ ಸಾಯೋ ತನಕವೂ ಬಡವರಾಗಿಯೇ ಉಳಿಯುತ್ತಾರೆ. ಈ ಐದು ಜನರ ಬಗ್ಗೆ ಸ್ವತಃ ಮಹಾವಿಷ್ಣವೇ ಗರುಡ ದೇವರಿಗೆ ತಿಳಿಸಿದರಂತೆ. ಹಾಗಾದರೆ ಆ ಐದು ಮಂದಿ ಯಾರು ಅನ್ನೋದರ ಬಗ್ಗೆ ವಿವರವಾದ ಮಾಹಿತಿ ಇಲ್ಲಿದೆ.
ಗರುಡ ಪುರಾಣದ ಪ್ರಕಾರ ಯಾವ ವ್ಯಕ್ತಿಯು ಸೂರ್ಯೋದಯದ ಬಳಿಕವೂ ಮಲಗಿರುತ್ತಾನೋ ಅಂತವನು ಯಾವತ್ತೂ ಶ್ರೀಮಂತನಾಗಲು ಸಾಧ್ಯವಿಲ್ಲ. ಪ್ರತೀ ಕಾರ್ಯದಲ್ಲೂ ಸೋಮಾರಿತನ ತೋರಿಸುವವನು, ಯಾವುದೇ ಸಾಧನೆಯನ್ನೂ ಮಾಡಲಾರ.ಸೂರ್ಯ ಉದಯಿಸುವ ಮೊದಲು ಹಾಸಿಗೆ ಬಿಟ್ಟು ಕೆಲಸ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳಬೇಕು.
ತಾನೇನೂ ಸಾಧನೆಯನ್ನು ಮಾಡದೆ ತನ್ನ ಪೂರ್ವಿಕರು ಅಂದರೆ ತಂದೆ,ತಾತ ಮಾಡಿದ ಆಸ್ತಿಯನ್ನೇ ಖರ್ಚು ಮಾಡುತ್ತಾ ದಿನ ದೂಡುವವ ಕೂಡ ಬಡವನಾಗಿಯೇ ಉಳಿಯುತ್ತಾನೆ. ಇಂತಹ ವ್ಯಕ್ತಿಗಳ ಬಗ್ಗೆ ಲಕ್ಷ್ಮಿಯು ಸದಾ ಅಸಮಾಧಾನವನ್ನು ಹೊಂದಿರುತ್ತಾಳೆ. ತಾನು ಉತ್ತಮನಾಗಿದ್ದುಕೊಂಡು ಇತರರ ಕಷ್ಟಗಳಿಗೆ ಸ್ಪಂದಿಸುವವರಿಗೆ ಲಕ್ಷ್ಮಿಯು ಒಲಿಯುತ್ತಾಳಂತೆ.
ಇತರರ ಬಗ್ಗೆ ಯಾವಾಗಲೂ ಚಾಡಿ ಹೇಳುತ್ತಾ, ಖಂಡಿಸುವವರು ಯಾವಾಗಲೂ ಬಡವರಾಗಿರುತ್ತಾರೆ. ಇತರರ ಕಾರ್ಯಗಳನ್ನು ಕೆಡಿಸಲು ಪ್ರಯತ್ನಿಸುವವನು ಮತ್ತು ಕಾರಣವಿಲ್ಲದೆಯೂ ಇತರರ ಮೇಲೆ ಹರಿಹಾಯ್ವಾವನೂ ಕೂಡ ಯಾವ ಕಾಲಕ್ಕೂ ಶ್ರೀಮಂತನಾಗಲಾರ.
ಕೊಳಕು ಬಟ್ಟೆಯನ್ನು ಧರಿಸುವವನೂ ಕೂಡ ಲಕ್ಷ್ಮಿಯಿಂದ ತಿರಸ್ಕಾರಕ್ಕೆ ಒಳಗಾಗುತ್ತಾನೆ. ಹಾಗಾಗಿ ನಾವು ಯಾವಾಗಲು ಶುಚಿಯಾದ ಬಟ್ಟೆಯನ್ನು ಧರಿಸಬೇಕೆಂದು ಗರುಡ ಪುರಾಣವು ಹೇಳುತ್ತದೆ. ಇಲ್ಲದಿದ್ದರೆ ಅಂತವರು ಸದಾ ದಾರಿದ್ರ್ಯವನ್ನು ಅನುಭವಿಸುತ್ತಾರಂತೆ.
ಗರುಡ ಪುರಾಣದ ಪ್ರಕಾರ ಕಠಿಣ ಪರಿಸ್ಥಿತಿಯನ್ನು ಎದುರಿಸಲಾರದೆ, ಹೆದರಿ ಓಡಿಹೋಗುವವನೂ ತನ್ನ ಜೀವನದಲ್ಲಿ ಎಂದೂ ಯಶಸ್ಸನ್ನು ಕಾಣಲಾರ. ಕಷ್ಟವನ್ನು ಎದುರಿಸಲು ಸಿದ್ದವಿಲ್ಲದವನ್ನು ಎಂದೆಂದಿಗೂ ಬಡವನಾಗಿಯೇ ಉಳಿಯುತ್ತಾನೆ ಎಂದು ಹೇಳಲಾಗಿದೆ.