Sunny Leone : ಸನ್ನಿ ಲಿಯೋನ್ ನೀಲಿಚಿತ್ರ ಲೋಕಕ್ಕೆ ಬಂದಿದ್ದು ಏಕೆ? – ಎಲ್ಲರಿಗೂ ಗೊತ್ತಿಲ್ಲದ ಅವರ ಕಹಿ ಬದುಕಿನ ಪಯಣದ ಕಥೆ ಇಲ್ಲಿದೆ..
- ಮನರಂಜನೆ
- May 15, 2023
- No Comment
- 262
ನ್ಯೂಸ್ ಆ್ಯರೋ : ಸನ್ನಿ ಲಿಯೋನ್ ಸದ್ಯ ಬಾಲಿವುಡ್ ನ ಬೇಡಿಕೆಯ ನಟಿಯರಲ್ಲಿ ಒಬ್ಬರು. ಕನ್ನಡ ಚಿತ್ರಗಳ ವಿಶೇಷ ಹಾಡಿನಲ್ಲೂ ಹೆಜ್ಜೆ ಹಾಕಿರುವ ಅವರಿಗೆ ಅನೇಕ ಅಭಿಮಾನಿಗಳಿದ್ದಾರೆ. ಕೆನಡಾದಲ್ಲಿ ಜನಿಸಿದ ಅವರ ಜೀವನ ಪಯಣವೇ ಒಂದು ಸಿನಿಮಾ ಕಥೆಯಂತಿದೆ.
ಸನ್ನಿ ಲಿಯೋನ್ ಕೆನಡಾದ ಸಿಖ್ ಕುಟುಂಬದಲ್ಲಿ ಮೇ 13, 1981ರಂದು ಜನಿಸಿದರು. ಅವರ ನಿಜವಾದ ಹೆಸರು ಕರಂಜೀತ್ ಸಿಂಗ್ ಕೌರ್. ಅವರಿಗೆ 15 ವರ್ಷ ಇದ್ದಾಗ ಕುಟುಂಬ ಕ್ಯಾಲಿಫೋರ್ನಿಯಾಗೆ ಶಿಫ್ಟ್ ಆಯಿತು. ಆಗ ಅವರ ಕುಟುಂಬಕ್ಕೆ ಹಣದ ಕೊರತೆ ಎದುರಾಗಿತ್ತು. ಈ ವೇಳೆ ಅವರಿಗೆ ಮ್ಯಾಗಜಿನ್ ಒಂದರಲ್ಲಿ ಮಾಡೆಲ್ ಆಗಲು ಅವಕಾಶ ಸಿಕ್ಕಿತು. ಅದು ಅಡಲ್ಟ್ ಮ್ಯಾಗಜಿನ್ ಎನ್ನುವ ಮಾಹಿತಿ ಇಲ್ಲದ ಸನ್ನಿ ಲಿಯೋನ್ ಕಾಣಿಸಿಕೊಳ್ಳಲು ಒಪ್ಪಿದರು.
ಆ ಬಳಿಕ ಅವರು ಪೋರ್ನ್ ಇಂಡಸ್ಟ್ರಿಗೆ ತೆರೆದುಕೊಂಡರು. ಈ ವಿಚಾರ ಸಹೋದರನಿಗೆ ಗೊತ್ತಿತ್ತು. ಆತ ಸನ್ನಿಯನ್ನು ಬೆಂಬಲಿಸಿದ. ಕುಟುಂಬದವರಿಗೆ ಈ ವಿಚಾರ ಗೊತ್ತಾದಾಗ ಇದನ್ನು ಸಹಿಸಿಕೊಳ್ಳಲು ಆಗಲೇ ಇಲ್ಲ. ಸನ್ನಿ ಅಮ್ಮ ಖಿನ್ನತೆಗೆ ಒಳಗಾದರು. ಕರಂಜೀತ್ ಎಂದಿದ್ದ ಹೆಸರು ಸನ್ನಿ ಎಂದು ಬದಲಾಯಿತು.
ಅಡಲ್ಟ್ ಸ್ಟಾರ್ ಆಗಿದ್ದ ಡ್ಯಾನಿಯಲ್ ವೇಬರ್ ಜೊತೆ ಮಾತ್ರ ಸನ್ನಿ ಲಿಯೋನ್ ತೆರೆ ಹಂಚಿಕೊಂಡಿದ್ದರು ಎನ್ನುವುದು ವಿಶೇಷ. ಇಬ್ಬರ ಮಧ್ಯೆ ಪ್ರೀತಿ ಹುಟ್ಟಿದ್ದರಿಂದ ಇಬ್ಬರೂ ಮದುವೆಯಾದರು. ಬಳಿಕ ಸನ್ನಿ ನೀಲಿ ಚಿತ್ರದಿಂದ ಹೊರ ಬಂದರು. 2012ರಲ್ಲಿ ‘ಜಿಸ್ಮ್ 2’ ಮೂಲಕ ಬಾಲಿವುಡ್ ಪ್ರವೇಶಿಸಿದರು. ಬಿಗ್ ಬಾಸ್ ರಿಯಾಲಿಟಿ ಷೋನಲ್ಲೂ ಸ್ಪರ್ಧಿಸಿದರು. ಹಿಂದಿ ಜೊತೆಗೆ ಕನ್ನಡ, ತಮಿಳು, ತೆಲುಗು ಚಿತ್ರಗಳಲ್ಲೂ ಕಾಣಿಸಿಕೊಂಡು ಈಗ ಭಾರತದ ಬೇಡಿಕೆಯ ನಟಿಯಾಗಿದ್ದಾರೆ.