ಮುಸ್ಲಿಂ ರಾಜಕಾರಣಿಯನ್ನು ಮದುವೆಯಾದ ನಟಿ ಸ್ವರಾ ಭಾಸ್ಕರ್: ಸಿಎಎ ಕಾಯ್ದೆ ವಿರೋಧಿಸುವಾಗ ಹುಟ್ಟಿದ ಪ್ರೀತಿಗೆ ಮದುವೆಯ ಮುದ್ರೆ
- ಮನರಂಜನೆ
- February 17, 2023
- No Comment
- 262
ನ್ಯೂಸ್ಆ್ಯರೋ : ಕೇಂದ್ರ ಸರ್ಕಾರದ ವಿರುದ್ಧ ಹೇಳಿಕೆ ನೀಡುತ್ತಾ ವಿವಾದಕ್ಕೆ ಗುರಿಯಾಗುತ್ತಲೇ ಇರುವ ನಟಿ ಸ್ವರಾ ಭಾಸ್ಕರ್ ಅವರು ಮುಸ್ಲಿಂ ರಾಜಕಾರಣಿಯನ್ನು ಮದುವೆಯಾಗಿದ್ದಾರೆ. ಈ ವಿಷಯವನ್ನು ನಟಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಸಮಾಜವಾದಿ ಪಕ್ಷದ ಮಹಾರಾಷ್ಟ್ರ ಯುವ ಘಟಕದ ಅಧ್ಯಕ್ಷರಾಗಿರುವ ಫಹಾದ್ ಜಿರಾರ್ ಅಹ್ಮದ್ ಅವರನ್ನು ಮದುವೆಯಾಗಿದ್ದಾರೆ.
ಈ ಬಗ್ಗೆ ಟ್ವಿಟರ್ ನಲ್ಲಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ಮೊದಲ ಬಾರಿ ಸಿಎಎ ಕಾಯ್ದೆಯನ್ನು ವಿರೋಧಿಸುವಾಗ ಪರಸ್ಪರ ಇಬ್ಬರು ಭೇಟಿಯಾದ ಕ್ಷಣ, ಪರಸ್ಪರರ ಪೋಟೋ ಹಾಗೂ ಪ್ರತಿಭಟನೆ ಮಾಡಿ ಕಾಯ್ದೆಯನ್ನು ವಿರೋಧಿಸಿದನ್ನು ತೋರಿಸಲಾಗಿದೆ. ಇದಲ್ಲದೇ ಜ. 6 ರಂದು ಕೋರ್ಟಿನಲ್ಲಿ ಮದುವೆಯಾದ ಕ್ಷಣವನ್ನು ಅದರಲ್ಲಿ ತೋರಿಸಲಾಗಿದೆ.
ಟ್ವೀಟ್ನ ಅಡಿಬರಹದಲ್ಲಿ ‘ಕೆಲವೊಮ್ಮೆ ನಮ್ಮ ಪಕ್ಕದಲ್ಲೇ ಏನಾದರೂ ಇದ್ದರೂ, ಅದನ್ನು ನಾವು ಇನ್ನೆಲ್ಲೋ ದೂರದಲ್ಲಿ ಹುಡುಕುತ್ತೇವೆ. ನಾವು ಪ್ರೀತಿಯನ್ನು ಹುಡುಕುತ್ತಿದ್ದೆವು. ಆದರೆ ಮೊದಲು ಸ್ನೇಹವನ್ನು ಕಂಡುಕೊಂಡು, ನಮ್ಮನ್ನು ಅರ್ಥೈಸಿಕೊಂಡೆವು. ನನ್ನ ಹೃದಯಕ್ಕೆ ಸ್ವಾಗತ ಫಹಾದ್’ ಎಂದು ಸ್ವರಾ ಬರೆದುಕೊಂಡಿದ್ದಾರೆ.
ಕೇಂದ್ರ ಸರ್ಕಾರದ ಸಿಎಎ (ಪೌರತ್ವ ಕಾಯ್ದೆ) ಕಾಯ್ದೆ ಸೇರಿದಂತೆ, ಸರ್ಕಾರದ ಅನೇಕ ವಿಚಾರಗಳನ್ನು ವಿರೋಧಿಸಿ ಟ್ರೋಲ್ ಗೆ ಒಳಗಾಗಿ, ಸಾಮಾಜಿಕ ಜಾಲತಾಣದಲ್ಲಿ ಸದಾ ಸ್ವರಾ ಭಾಸ್ಕರ್ ಚರ್ಚೆಯಲ್ಲಿದ್ದಾರೆ.
ಇತ್ತೀಚೆಗೆ ‘ದಿ ಕಾಶ್ಮೀರ್ ಫೈಲ್ಸ್’ ಸಿನಿಮಾದ ಬಗ್ಗೆ ನಡಾವ್ ಲಪಿಡ್ ನೀಡಿದ ಹೇಳಿಕೆಗೆ ಸ್ವರಾ ಭಾಸ್ಕರ್ ಬೆಂಬಲವನ್ನು ನೀಡಿ ಟ್ರೋಲ್ ಗೆ ಒಳಗಾಗಿದ್ದರು
‘ತನು ವೆಡ್ಸ್ ಮನು’, ‘ಪ್ರೇಮ್ ರಥನ್ ಧನ್ ಪಾಯೋ’, ‘ಅನಾರ್ಕಲಿ ಆಫ್ ಆರಾ’, ‘ವೀರೇ ದಿ ವೆಡ್ಡಿಂಗ್ʼ ಮುಂತಾದ ಸಿನಿಮಾಗಳಲ್ಲಿ ಸ್ವರಾ ನಟಿಸಿದ್ದಾರೆ.