Ankitha Kundu : ಅಶ್ಲೀಲ ಫೋಟೋ ಪೋಸ್ಟ್ ಮಾಡಿದ ಗಾಯಕಿಗೆ ನೆಟ್ಟಿಗರ ತಪರಾಕಿ – ಬಿಚ್ಚಮ್ಮ ಆಗೋಕೆ ನೀನು ಲಾಯಕ್ಕಲ್ಲ ಎಂದ ನೆಟ್ಟಿಗರು…!!
- ಮನರಂಜನೆ
- April 26, 2023
- No Comment
- 423
ನ್ಯೂಸ್ ಆ್ಯರೋ : ಸರಿಗಮಪ ಲಿಟ್ಲ್ ಚಾಂಪ್ 2015 ರಲ್ಲಿ ತನ್ನ ಅಭೂತಪೂರ್ವ ಹಾಡಿನ ಮೂಲಕ ಕನ್ನಡಿಗರ ಮನಗೆದ್ದು, ಬಳಿಕ ಸ್ಯಾಂಡಲ್ ವುಡ್ ನ ಹಿನ್ನೆಲೆ ಗಾಯಕಿಯಾಗಿ ಹೆಸರು ಮಾಡುತ್ತಿರುವ ಅಂಕಿತಾ ಕುಂಡು ಅವರ ಫೇಸ್‌ಬುಕ್‌ ಪೋಸ್ಟ್ ಕನ್ನಡಿಗರ ಆಕ್ರೋಶಕ್ಕೆ ಕಾರಣವಾಗಿದೆ.
ಇತ್ತೀಚಿನ ದಿನಗಳಲ್ಲಿ ತನ್ನ ಫೇಸ್‌ಬುಕ್‌ ಖಾತೆಯಲ್ಲಿ ಅಶ್ಲೀಲ ಫೋಟೋಗಳನ್ನು ಪೋಸ್ಟ್ ಮಾಡುತ್ತಿದ್ದ ಅಂಕಿತಾ ಕುಂಡು ಅವರಿಗೆ ಅವರ ಅಭಿಮಾನಿಗಳು ಆಗಾಗ ಬುದ್ದಿವಾದ ಹೇಳುತ್ತಿದ್ದರು. ಆದರೆ ಇತ್ತೀಚೆಗೆ ವಿಪರೀತ ರೀತಿಯ ಅಶ್ಲೀಲ ಫೋಟೋಗಳನ್ನು ಪೋಸ್ಟ್ ಮಾಡುವುದನ್ನೇ ಖಯಾಲಿ ಮಾಡಿಕೊಂಡಿರುವ ಅಂಕಿತಾ ಕುಂಡು ಅವರ ನಡೆಗೆ ಅಭಿಮಾನಿಗಳು ಸಕತ್ ಆಗಿಯೇ ಬೆವರಿಳಿಸಿದ್ದಾರೆ.
2015 ರ ಸರಿಗಮಪ ಲಿಟ್ಲ್ ಚಾಂಪ್ಸ್ ನಲ್ಲಿ ತನ್ನದೇ ಸುಮಧುರ ಹಾಡಿನ ಮೂಲಕ ರನ್ನರ್ ಅಪ್ ಪ್ರಶಸ್ತಿ ಪಡೆದು ಮನೆಮಾತಾದ ಅಂಕಿತಾ ಹುಟ್ಟಿದ್ದು ದೆಹಲಿಯಲ್ಲಿ. ಮೂಲತಃ ಬೆಂಗಾಳಿಯಾಗಿರುವ ತಂದೆ ಅಮಿತಾಭ್ ಕುಂಡು, ತಾಯಿ ಸುರಸ್ರಿ ಕುಂಡು. ಒಬ್ಬ ಸಹೋದರಿಯನ್ನು ಹೊಂದಿರುವ ಅಂಕಿತಾ ಈಗಾಗಲೇ ಕನ್ನಡಿಗರಿಗೆ ಪರಿಚಿತ ಮುಖ. ಹಲವು ಸಿನಿಮಾ ಹಾಡುಗಳಿಗೆ ಧ್ವನಿಯಾದವರು ಅಂಕಿತಾ ಕುಂಡು.
ಸ್ಯಾಂಡಲ್ ವುಡ್ ನ ಹಿಟ್ ಚಿತ್ರಗಳಾದ ರಿಕಿ, ತ್ರಿವಿಕ್ರಮ, ಡಿಸೆಂಬರ್ 24, ಒಲವೇ ಮಂದಾರ 2, ಜೇಮ್ಸ್, ಲವ್ ಸ್ಟೋರಿ 1998 ಮುಂತಾದ ಸಿನಿಮಾಗಳಲ್ಲಿ ತನ್ನದೇ ಗಾಯನದ ಮೂಲಕ ಹೆಸರುವಾಸಿಯಾಗಿರುವ ಅಂಕಿತಾ ಕುಂಡು ಸದ್ಯ ಫೇಸ್‌ಬುಕ್‌ ನಲ್ಲಿ ತನ್ನ ಅಸಭ್ಯ ಫೋಟೋ ಪೋಸ್ಟ್ ಮಾಡುವ ಮೂಲಕ ಚರ್ಚೆಗೆ ಆಹಾರವಾಗಿದ್ದಾರೆ.
ಅಂಕಿತಾ ಅವರ ಫೇಸ್‌ಬುಕ್‌ ಖಾತೆಯಲ್ಲಿ ಹಾಕಲಾದ ಹಲವು ಫೋಟೋಗಳಿಗೆ ನೆಟ್ಟಿಗರು ಗರಂ ಆಗಿದ್ದು, ನಿಮ್ಮ ಗಾಯನಕ್ಕೆ ಬೆಲೆ ಇದೆ, ಅದನ್ನು ಮಾತ್ರ ಮಾಡಿ. ಅದನ್ನು ಬಿಟ್ಟು ಬಿಚ್ಚಮ್ಮ ಆಗಬೇಡಿ ಎಂದಿದ್ದಾರೆ. ಕೆಲವರಂತೂ ನಿನ್ನ ದೇಹದ ಮೈಮಾಟ ತೋರಿಸ್ಬೇಡ, ನೀನು ಗಾಯಕಿಯಾಗೋಕೆ ಮಾತ್ರ ಲಾಯಕ್ಕು ಎಂದು ಖಾರವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ.
