ಗುಟ್ಟಾಗಿ ಹಸೆಮಣೆ ಏರಿದ್ರಾ ಅನುಷ್ಕಾ ಶೆಟ್ಟಿ? – ಮದುವೆಯ ಬಗ್ಗೆ ಕರಾವಳಿ ಬೆಡಗಿ ಹೇಳಿದ್ದೇನು ಗೊತ್ತಾ?

‌ನ್ಯೂಸ್‌ ಆ್ಯರೋ : ಕರಾವಳಿಯ ಮೂಲದ ಬಹುಭಾಷಾ ನಟಿ ಅನುಷ್ಕಾ ಶೆಟ್ಟಿ ಬಾಲಿವುಡ್, ಟಾಲಿವುಡ್ ನಲ್ಲಿ ದೊಡ್ಡಮಟ್ಟದ ಹೆಸರನ್ನು ಗಳಿಸಿದವರು. ಅರುಂಧತಿ, ಬಾಹುಬಲಿ, ಸಿಂಗಂ ಚಿತ್ರದ ಮೂಲಕ ಎಲ್ಲರ ಮನಗೆದ್ದವರು. ಬಾಹುಬಲಿ 2 ಚಿತ್ರದ ನಂತರ ಅವರ ಸಿನಿಮಾಗಳಿಗಿಂತ ಅವರ ಮದುವೆಯ ಬಗ್ಗೆಯೇ ಜಾಸ್ತಿ ಚರ್ಚೆಯಾಗುತ್ತಿದೆ.

ಬಾಹುಬಲಿ ಚಿತ್ರದ ಬಳಿಕ ನಟ ಪ್ರಭಾಸ್ ಅವರ ಅನುಷ್ಕಾ ಡೇಟಿಂಗ್‌ ನಡೆಸುತ್ತಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಬಹುತೇಕ ಅಭಿಮಾನಿಗಳು ಈ ಜೋಡಿ ಮದುವೆಯಾದರೆ ಚೆನ್ನಾಗಿದೆ, ಆದಷ್ಟು ಬೇಗ ಮದುವೆಯಾಗಲಿ ಎಂದು ಹಾರೈಸಿದ್ದರು. ಆದರೆ, ನಂತರ ಈ ಸುದ್ದಿ ತೆರೆಮರೆಗೆ ಜಾರಿತು.

ಈ ಮಧ್ಯೆ ಅನುಷ್ಕಾ ಗುಟ್ಟಾಗಿ ಮದುವೆಯಾಗಿದ್ದಾರೆ ಎಂದು ಗಾಸಿಪ್ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡಿತ್ತು. ಈ ಬಗ್ಗೆ ಮೌನ ಮುರಿದ ಅನುಷ್ಠಾ ಇತ್ತೀಚೆಗೆ ನಡೆದ ಸಂದರ್ಶನವೊಂದರಲ್ಲಿ ತಮ್ಮ ಮದುವೆ ಬಗ್ಗೆ ಅವರೇ ಮಾತಾಡಿದ್ದಾರೆ.

ನಾನು ಗುಟ್ಟಾಗಿ ಮದ್ವೆ ಆಗಿದ್ದೇನೆ, ಡೇಟಿಂಗ್‌ನಲ್ಲಿದ್ದೇನೆ ಎಂದು ಏನೆಲ್ಲ ಅಸಭ್ಯ ತೆರನಾದ ಸುದ್ದಿ ನನ್ನ ಕಿವಿಗೆ ಬಿದ್ದಿದೆ, ಅದರೆ ಈ ವಿಚಾರ ನನಗೆ ಕಾಮಿಡಿ ಆಗುತ್ತದೆ, ಈ ಮೂಲಕ ತಾನು ಯಾರನ್ನು ಇಷ್ಟ ಪಟ್ಟಿಲ್ಲ, ಇದೆಲ್ಲ ಗಾಸಿಪ್ ಅಷ್ಟೆ. ಮನೆಯವರಿಗೆ ಹಾಗೂ ನನಗೆ ಇಷ್ಟ ಆಗುವ ವರ ಸಿಕ್ಕಿದ ಮೇಲೆ ಖಂಡಿತವಾಗಿಯೂ ಮದುವೆ ವಿಚಾರ ಹೇಳ್ತೀನಿ ಅಂದಿದ್ದಾರೆ.

ಈ ಮೂಲಕ ಅನುಷ್ಕಾ ಅವರ ಮದುವೆ ವಯಸ್ಸು ದಾಟುತ್ತಿದ್ದರೂ ಇನ್ನು ಮದುವೆಗೆ ಮನಸ್ಸು ಮಾಡದಿರುವುದು ಅಭಿಮಾನಿಗಳ ಬೇಸರಕ್ಕೂ ಕಾರಣ ಆಗಿದೆ. ಈ ನಡುವೆ ಈ ಗಾಸಿಪ್ ಕೂಡ ಹರಿದಾಡುತ್ತಿದೆ. ಸದ್ಯ ಅವರು ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿ ಇದ್ದಾರೆ. ಸದ್ಯ ಅಭಿಮಾನಿಗಳಿಗಂತೂ ಅನುಷ್ಕಾ ಅವರ ಮದುವೆಯದ್ದೇ ಚಿಂತೆ ಎಂದರೂ ತಪ್ಪಾಗಲಾರದು.