ಪದವಿಯಲ್ಲಿ ಡಿಸ್ಟಿಂಕ್ಷನ್ ಪಡೆದ ಸಾನ್ಯಾ ಅಯ್ಯರ್ – ಟೀಕಿಸಿದವರಿಗೆ ಪಾಠ ಹೇಳಿದ ಸಾನ್ಯಾ ತಾಯಿ..!!

ನ್ಯೂಸ್ ಆ್ಯರೋ : ಪುಟ್ಟಗೌರಿ ಧಾರವಾಹಿ ಮೂಲಕ ಕನ್ನಡಿಗರಿಗೆ ಪರಿಚಯವಾದ ಸಾನ್ಯಾ ಅಯ್ಯರ್ ಮುಂದೆ, ಡ್ಯಾನ್ಸಿಂಗ್ ಸ್ಟಾರ್ ಹಾಗೂ ಬಿಗ್ ಬಾಸ್ ಮೂಲಕ ಇನ್ನಷ್ಟು ಹತ್ತಿರವಾದರು. ಬಿಗ್ ಬಾಸ್ ನಲ್ಲಿ ನಟ ರೂಪೇಶ್ ಶೆಟ್ಟಿ ಅವರೊಂದಿಗೆ ಪ್ರೀತಿಯಲ್ಲಿದ್ದಾರೆ ಎಂಬ ಸುದ್ದಿಯೂ ಕೇಳಿ ಬಂದಿತ್ತು. ಇದೀಗ ಮತ್ತೆ ಸಾನ್ಯಾ ಪದವಿ ಮುಗಿಸಿದ್ದು ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ‌.

ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿರುವ ಸಾನ್ಯಾ ಅಯ್ಯರ್ ‘ಗ್ರ್ಯಾಜುವೇಶನ್ ಗುರು’ ಎಂಬ ಅಡಿ ಬರಹದೊಂದಿಗೆ ಫೋಟೋ ಅಪ್ಲೋಡ್ ಮಾಡಿದ್ದಾರೆ.

ಇದಕ್ಕೆ ಸಾನ್ಯಾ ಅವರ ತಾಯಿ ‘ಮಾಸ್ ಮೀಡಿಯಾ ಮತ್ತು ಮಾಸ್ ಕಮ್ಯೂನಿಕೇಷನ್‌ನಲ್ಲಿ ಸಾನ್ಯಾ ಫಸ್ಟ್‌ ಕ್ಲಾಸ್‌ ವಿತ್ ಡಿಸ್ಟಿಂಕ್ಷನ್‌ನಲ್ಲಿ ಮುಗಿಸಿರುವುದಕ್ಕೆ ನಿನ್ನ ಬಗ್ಗೆ ಹೆಮ್ಮೆ ಇದೆ ಮಗಳೆ ಎಂದು ತಾಯಿ ರೂಪಾ ಅಯ್ಯರ್ ಬರೆದುಕೊಂಡಿದ್ದಾರೆ.

ಮಾತು‌ ಮುಂದುವರೆಸಿದ ಸಾನ್ಯಾ ತಾಯಿ, ನನ್ನ ಮಗಳು ಕಾಲೇಜಿಗೆ ಹೋಗಿಲ್ಲ, ಕಲಿಯುತ್ತಿರಲಿಲ್ಲ ಅಂತ ತುಂಬಾ ಜನ‌ ಕಮೆಂಟ್ ಮಾಡಿದ್ದರು. ಜೂನ್ ತಿಂಗಳಲ್ಲಿ ಆಕೆ ಪರೀಕ್ಷೆ ಬರೆದಿದ್ದಾಳೆ. ಇದೀಗ ಡಿಸ್ಟಿಂಕ್ಷನ್ ನೊಂದಿಗೆ ಆಕೆ ತೇರ್ಗಡೆಯಾಗಿದ್ದಾಳೆ’ ಎಂದು ಸ್ಪಷ್ಟನೆ ನೀಡಿದ್ದಾರೆ.

‘ಇವತ್ತು‌ ಪರೀಕ್ಷೆ ನಾಳೆ ಫಲಿತಾಂಶ ಕೊಡುವ ಕಾಲೇಜು ಯಾವುದೂ ಕೂಡ ಇಲ್ಲ. ನನ್ನ ಮಗಳು ಓದಿನ ವಿಚಾರದಲ್ಲಿ ಹಿಂದೆ ಬಿದ್ದಿಲ್ಲ. ಒಂದನೇ ತರಗತಿಯಿಂದಲೂ ಆಕೆ ಕಲಿಕೆಯಲ್ಲಿ ಮೊದಲ ಸ್ಥಾನದಲ್ಲೇ ಇದ್ದಾಳೆ’ ಎಂದಿದ್ದಾರೆ.

ಸಾನ್ಯ ಉತ್ತಮ‌ ಅಂಕಗಳೊಂದಿಗೆ ಪದವಿ ಮುಗಿಸಿರುವ ಹಿನ್ನಲೆಯಲ್ಲಿ ಬಿಗ್ ಬಾಸ್ ವಿನ್ನರ್ ರೂಪೇಶ್ ಶೆಟ್ಟಿ, ದಿವ್ಯಾ ಉರುಡುಗ, ಅನುಪಮ ಗೌಡ ಮತ್ತಿತರರು ಕಾಮೆಂಟ್ ಮೂಲಕ ವಿಶ್ ಮಾಡಿದ್ದಾರೆ‌.