ರಿವೀಲ್ ಆಯ್ತು ಪ್ರಭಾಸ್ ನಟನೆಯ ಮುಂದಿನ ಚಿತ್ರದ ಟೈಟಲ್! – ‘ಪ್ರಾಜೆಕ್ಟ್ K’ ಅಂದ್ರೆ ಏನ್ ಗೊತ್ತಾ?

ನ್ಯೂಸ್ ಆ್ಯರೋ : ಸಾಲು ಸಾಲು ಸೋಲುಗಳ ನಂತರ ಯಂಗ್ ರೆಬಲ್ ಸ್ಟಾರ್ ಪ್ರಭಾಸ್ ಅವರಿಗೆ ತುಸು ಧೈರ್ಯ ತುಂಬಿದ್ದು ಇತ್ತೀಚೆಗಷ್ಟೇ ರಿಲೀಸ್ ಆದ ಸಲಾರ್ ಚಿತ್ರದ ಟೀಸರ್. ಇದಾದ ಬಳಿಕ ಬಿಗ್ ಬಜೆಟ್ ಸಿನಿಮಾ ಒಂದರಲ್ಲಿ ನಟಿಸುವುದಾಗಿ ಪ್ರಭಾಸ್ ಹೇಳಿಕೊಂಡಿದ್ದು, ಅದನ್ನು ‘ಪ್ರಾಜೆಕ್ಟ್ K’ ಎಂದು‌ ಕರೆಯಲಾಗಿತ್ತು. ಆದರೆ ‘ಪ್ರಾಜೆಕ್ಟ್ K’ ಎಂದರೆ ಏನು? ಎಂಬ ಪ್ರಶ್ನೆ ಎಲ್ಲರನ್ನೂ ಕೂಡ ಕಾಡುತ್ತಿತ್ತು. ಸದ್ಯ, ಅಭಿಮಾನಿಗಳ ಪ್ರಶ್ನೆಗೆ ಚಿತ್ರತಂಡ ಉತ್ತರಿಸಿದ್ದು, ಟೈಟಲ್ ರಿವೀಲ್ ಮಾಡಿದೆ.

‘ಪ್ರಾಜೆಕ್ಟ್-ಕೆ’ ಅಂದರೇನು?

‘ಪ್ರಾಜೆಕ್ಟ್-ಕೆ’ ಎಂದರೆ ‘ಕಲ್ಕಿ 2898 ಕ್ರಿ.ಶ’ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಇದೇ ಸಿನಿಮಾದ ಅಧಿಕೃತ ಟೈಟಲ್ ಎಂದು ಘೋಷಣೆ ಮಾಡಲಾಗಿದೆ. ಈ ಸಿನಿಮಾ ಮಾಡಲು ಬರೋಬ್ಬರಿ 600 ಬಂಡವಾಳ ಹೂಡಲಾಗಿದೆ. ಈ ಬಿಗ್ ಬಜೆಟ್ ಚಿತ್ರದಲ್ಲಿ ಪ್ರಭಾಸ್ ಅವರೊಂದಿಗೆ ಬಿಗ್ ಬಿ ಅಮಿತಾಭ್ ಬಚ್ಚನ್, ಬಾಲಿವುಡ್ ಬೆಡಗಿ ದೀಪಿಕಾ ಪಡುಕೋಣೆ, ದಿಶಾ ಪಠಾಣಿ ಹಾಗೂ ದಕ್ಷಿಣ ಭಾರತದ ಸೂಪರ್ ಸ್ಟಾರ್ ಕಮಲ್ ಹಾಸನ್ ನಟಿಸುತ್ತಿರುವುದು ಪಕ್ಕಾ ಎನ್ನಲಾಗಿದೆ.

ಅಮೆರಿಕಾದಲ್ಲಿ ಟೈಟಲ್, ಟೀಸರ್ ರಿಲೀಸ್!

ಈ ಬಿಗ್ ಬಜೆಟ್ ಚಿತ್ರವನ್ನು ಮಹಾನಟಿ ಖ್ಯಾತಿಯ ನಾಗ್ ಅಶ್ವಿನಿ ನಿರ್ದೇಶನ ಮಾಡುತ್ತಿದ್ದಾರೆ. ‘ಸಲಾರ್’ ನಂತರ ಈ ಚಿತ್ರ ವಿಶ್ವದಾದ್ಯಂತ ತೆರೆಗಪ್ಪಳಿಸಲಿದ್ದು, ಚಿತ್ರಕ್ಕೆ ‘ಕಲ್ಕಿ 2898 ಕ್ರಿ.ಶ’ ಎಂದು ಹೆಸರಿಡಲಾಗಿದೆ. ಈ ಚಿತ್ರದ ಟೈಟಲ್ ಹಾಗೂ ಟೀಸರ್ ಅನ್ನು ಅಮೆರಿಕಾದ
ಸ್ಯಾನ್ ಡಿಯಾಗೋ ಕಾಮಿಕ್ ಕಾನ್​ನಲ್ಲಿ ಚಿತ್ರದ ನಾಯಕ ಪ್ರಭಾಸ್ ಹಾಗೂ ಖಳನಾಯಕ ಕಮಲ್ ಹಾಸನ್ ರಿಲೀಸ್ ಮಾಡಿದ್ದಾರೆ‌.

ಭರ್ಜರಿ ರೆಸ್ಪಾನ್ಸ್ ಪಡೆದ ಟೀಸರ್!

ಪ್ರಭಾಸ್ ನಟನೆಯ ಬಹು ನಿರೀಕ್ಷಿತ ಚಿತ್ರ ಎನ್ನಲಾದ ‘ಕಲ್ಕಿ 2898 ಕ್ರಿ.ಶ’ ಸಿನಿಮಾದ ಟೀಸರ್ 12 ಗಂಟೆಗಳಲ್ಲಿ 55 ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡಿದೆ. ಇದಕ್ಕೂ ಮೊದಲು ಸೂಪರ್ ಹಿರೋ ಮಾದರಿಯಲ್ಲಿರುವ ಪ್ರಭಾಸ್ ಅವರ ಫಸ್ಟ್ ಲುಕ್ ರಿಲೀಸ್ ಮಾಡಲಾಗಿತ್ತು. ಸಿನಿಮಾವು ಭಾರತದ ಪುರಾಣ-ವೈಜ್ಞಾನಿಕ ಮಹಾಕಾವ್ಯಗಳ ಆಧಾರಿತವಾಗಿದ್ದು, ಅತ್ಯಾಧುನಿಕ ತಂತ್ರಜ್ಞಾನಗಳ ಮೂಲಕ ಅದ್ಭುತ ದೃಶ್ಯಕಾವ್ಯ ಹೆಣೆಯಲಾಗಿದೆಯಂತೆ. ಬಿಡುಗಡೆಯಾದ ಟೀಸರ್ ಸಕ್ಕತ್ ಸೌಂಡ್ ಮಾಡುತ್ತಿದೆ.