ಚಿತ್ರೀಕರಣದ ವೇಳೆ ನಟ ಅಮಿತಾಬ್ಗೆ ಗಾಯ: ‘ಜಲ್ಸಾ’ಮನೆಗೆ ಬರಬೇಡಿ ಎಂದಾ ಬಿಗ್ ಬಿ
- ಮನರಂಜನೆ
- March 6, 2023
- No Comment
- 170
ನ್ಯೂಸ್ ಆ್ಯರೋ : ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದ ಬಾಲಿವುಡ್ ನ ಹಿರಿಯ ನಟ ಅಮಿತಾಬ್ ಬಚ್ಚನ್ ಬಿದ್ದು ಗಾಯಗೊಂಡಿದ್ದಾರೆಂದು ತಿಳಿದುಬಂದಿದೆ.
ನಾಗ್ ಅಶ್ವಿನ್ ಅವರ ಮುಂಬರುವ ‘ಪ್ರಾಜೆಕ್ಟ್ ಕೆ’ ಚಿತ್ರೀಕರಣಕ್ಕೆ ಹೈದಾಬಾದ್ಗೆ ತೆರಳಿದ್ದರು. ಶೂಟಿಂಗ್ ಸಂದರ್ಭದಲ್ಲಿ ಗಾಯಗೊಂಡು, ವಿಶ್ರಾಂತಿ ಪಡೆದು ಚೇತರಿಸಿಕೊಳ್ಳುತ್ತಿದ್ದೇನೆ ಎಂದು ನಟ ಅಮಿತಾಬ್ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.
ಪೋಸ್ಟ್ನಲ್ಲಿ ಏನು ಬರೆದುಕೊಂಡಿದ್ದಾರೆ. ‘ಹೈದರಾಬಾದ್ನಲ್ಲಿ ‘ಪ್ರಾಜೆಕ್ಟ್ ಕೆ’ ಚಿತ್ರೀಕರಣದ ಸಮಯದಲ್ಲಿ, ಆಕ್ಷನ್ ಶಾಟ್ ಸಮಯದಲ್ಲಿ ನಾನು ಗಾಯಗೊಂಡಿದ್ದೇನೆ. ಬಿದ್ದಾ ಏಟಿಗೆ ಪಕ್ಕೆಲುಬಿನ ಸ್ನಾಯುಗೆ ಹೊಡೆತ ಬಿದ್ದಿದೆ. ವೈದ್ಯರು ವಿಶ್ರಾಂತಿಯನ್ನು ಪಡೆಯುವಂತೆ ಸಲಹೆ ಕೊಟ್ಟಿದ್ದಾರೆ. ನಡೆಯುವಾಗ ಹಾಗೂ ಉಸಿರಾಡುವಾಗ ನೋವಾಗುತ್ತಿದೆ’ ಎಂದು ನಟ ಬರೆದುಕೊಂಡಿದ್ದಾರೆ.
‘ಸದ್ಯ ಎಲ್ಲ ಕೆಲಸಗಳಿಂದ ಬ್ರೇಕ್ ನೀಡಿ, ಜಲ್ಸಾ ಮನೆಯಲ್ಲಿ ವಿಶ್ರಾಂತಿಯಲ್ಲಿದ್ದೇನೆ. ಅಗತ್ಯ ಕೆಲಸಗಳಿಗೆ ಮೊಬೈಲ್ ಅನ್ನು ಮಾತ್ರ ಬಳಸುತ್ತಿದ್ದೇನೆ. ಸದ್ಯ ಅನಾರೋಗ್ಯದ ಹಿನ್ನೆಲೆ ಇಂದು ಸಂಜೆ ಯಾರನ್ನೂ ಜಲ್ಸಾ ಮನೆಯಲ್ಲಿ ಭೇಟಿಯಾಗಲು ಆಗುತ್ತಿಲ್ಲ. ಯಾರೂ ಮನೆ ಮುಂದೆ ಬಂದು ಕಾಯಬೇಡಿ’ಎಂದು ತಮ್ಮ ಅಭಿಮಾನಿಗಳಲ್ಲಿ ಹೇಳಿಕೊಂಡಿದ್ದಾರೆ.