ಹೆಲ್ಮೆಟ್ ಧರಿಸಿದ್ರೂ 919 ಮಂದಿ ರಸ್ತೆ ಅಪಘಾತಕ್ಕೆ ಬಲಿ – ಕಾರಣವೇನು ಗೊತ್ತಾ?
- ಆಟೋ ನ್ಯೂಸ್
- July 1, 2023
- No Comment
- 236
ನ್ಯೂಸ್ ಆ್ಯರೋ : ಬೆಂಗಳೂರು ನಗರದಲ್ಲಿ ರಸ್ತೆ ಅಪಘಾತದಲ್ಲಿ ಮೃತಪಡುವವರ ಸಂಖ್ಯೆ ಹೆಚ್ಚುತ್ತಿದೆ. ಬೆಚ್ಚಿ ಬೀಳಿಸುವ ಅಂಶ ಎಂದರೆ ಹೆಲ್ಮೆಟ್ (Helmet) ಧರಿಸಿದವರೂ ಅಸುನೀಗುತ್ತಿದ್ದಾರೆ. ಮೂರು ವರ್ಷಗಳಲ್ಲಿ ಹೆಲ್ಮೆಟ್ ಧರಿಸಿದ 919 ಮಂದಿ ಮೃತಪಟ್ಟಿದ್ದಾರೆ (Died) ಎಂದು ಅಂಕಿ ಅಂಶ (Statistics) ತಿಳಿಸಿದೆ.
ಕಳಪೆ ಹೆಲ್ಮೆಟ್ ಕಾರಣ
ಅಚ್ಚರಿ ಎಂದರೆ ಮೂರು ವರ್ಷಗಳಲ್ಲಿ ಹೆಲ್ಮೆಟ್ ಧರಿಸದ 329 ಮಂದಿ ಅಪಘಾತಕ್ಕೆ ಬಲಿಯಾಗಿದ್ದರೆ, ಹೆಲ್ಮೆಟ್ ಧರಿಸಿದ 919 ಮಂದಿ ಸಾವನ್ನಪ್ಪಿದ್ದಾರೆ. ಕಳಪೆ ಗುಣಮಟ್ಟದ ಹೆಲ್ಮೆಟ್ ಇದಕ್ಕೆ ಕಾರಣ ಎಂದು ತಜ್ಞರು ಹೇಳುತ್ತಾರೆ.
ಕಾನೂನು ಪ್ರಕಾರ ಐಎಸ್ಐ ಮಾರ್ಕ್ ಇಲ್ಲದ ಹೆಲ್ಮೆಟ್ ಮಾರುವಂತಿಲ್ಲ. ಆದರೆ ನಿಯಮ ವನ್ನು ಗಾಳಿಗೆ ತೂರಿ ಕಳಪೆ ಗುಣಮಟ್ಟದ ಹೆಲ್ಮೆಟ್ ಎಲ್ಲೆಡೆ ಖರೀದಿಗೆ ಸಿಗುತ್ತಿದೆ. ವಾಹನ ಸವಾರರು ಕೂಡ ಕಡಿಮೆ ಬೆಲೆಗೆ ಸಿಗುವ ಕಾರಣ ಇಂತಹ ಹೆಲ್ಮೆಟ್ ಮೊರೆ ಹೋಗುತ್ತಿದ್ದಾರೆ.
ನಿರ್ಲಕ್ಷ್ಯ ಸಲ್ಲ
ಕೆಲವು ದ್ವಿಚಕ್ರ ವಾಹನ ಸವಾರರು ಹೆಸರಿಗೆ ಮಾತ್ರ, ಪೊಲೀಸರ ಕಣ್ಣೆಗೆ ಮಣ್ಣೆರಚಲು ಹೆಲ್ಮೆಟ್ ಧರಿಸುತ್ತಾರೆ. ಸರಿಯಾಗಿ ಕ್ಲಿಪ್ ಹಾಕದೆ ಸಂಚರಿಸುವುದು ಕಂಡು ಬರುತ್ತಿದೆ. ಇದು ಅಪಾಯಕ್ಕೆ ಕಾರಣವಾಗುತ್ತದೆ ಎಂದು ಪೊಲೀಸರು ಹೇಳಿದ್ದಾರೆ.