ಮದುವೆ ದಿನವೇ ಪ್ರ್ಯಾಕ್ಟಿಕಲ್ ಎಕ್ಸಾಂ: ಮುಹೂರ್ತದ ಸೀರೆಯಲ್ಲಿ ಸ್ಟೆತಸ್ಕೋಫ್ ಧರಿಸಿ ಪರೀಕ್ಷೆ ಬರೆದ ವಧು
- ವೈರಲ್ ನ್ಯೂಸ್
- February 13, 2023
- No Comment
- 651
ನ್ಯೂಸ್ಆ್ಯರೋ : ಮದುವೆ ದಿನಾವೇ ವಧು ತನ್ನ ಮುಹೂರ್ತದ ಸೀರೆಯಲ್ಲಿ ಪ್ರ್ಯಾಕ್ಟಿಕಲ್ ಪರೀಕ್ಷೆಗೆ ಹಾಜರಾಗಿರುವ ವೀಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಧುವನ್ನು ಕೇರಳದ ಲಕ್ಷ್ಮಿ ಅನಿಲ್ ಎಂದು ಗುರುತಿಸಲಾಗಿದೆ. ಈಕೆ ಕೇರಳದ ಬೆಥನಿ ನವಜೀವನ್ ಕಾಲೇಜ್ ಆಫ್ ಫಿಸಿಯೋಥೆರಪಿಯ ವಿದ್ಯಾರ್ಥಿನಿಯಾಗಿದ್ದಾಳೆ. ಮದುವೆ ದಿನವೇ ಪರೀಕ್ಷೆ ಇದ್ದ ಕಾರಣ ಮದುವೆ ಸೀರೆಯಲ್ಲೇ ಲ್ಯಾಬ್ ಕೋಟ್ ಹಾಗೂ ಸ್ಟೆತಸ್ಕೋಪ್ ಧರಿಸಿ ಪರೀಕ್ಷೆಗೆ ಹಾಜರಾಗಿದ್ದಾಳೆ.
ಹಳದಿ ಸೀರೆಯನ್ನುಟ್ಟು, ಮದುವೆಯ ಆಭರಣ ಹಾಗೂ ಮೇಕಪ್ ಹಾಕಿ ಪರೀಕ್ಷಾ ಹಾಲ್ಗೆ ಪ್ರವೇಶಿಸಿದ್ದಾಳೆ. ನಂತರ ಸ್ಬೇಹಿತರನ್ನು ನೋಡಿ ನಕ್ಕು, ಮಾತಿಗೆ ನಿಂತಿದ್ದಾಳೆ. ನಂತರ ಪರೀಕ್ಷೆಯನ್ನು ಬರೆದಿದ್ದಾಳೆ.
ಈ ಸಂಬಂಧ ಪ್ರತಿಕ್ರಿಯಿಸಿದ ಆಕೆ, ಮದುವೆ ದಿನ ನಿಗದಿ ಆದ ಸ್ವಲ್ಪ ದಿನದ ಬಳಿಕ ಪರೀಕ್ಷೆ ವೇಳಾಪಟ್ಟಿ ಪ್ರಕಟವಾಯಿತು. ಹಾಗಾಗಿ ಪರೀಕ್ಷೆಯನ್ನು ಬರೆಯಲು ನಿರ್ಧರಿಸಿದೆ ಎಂದಿದ್ದಾರೆ.