ದುಬೈಯಿಂದ ಬರುವ ಮಗಳಿಗೆ ತಾಯಿ ಕೇಳಿದ ಗಿಫ್ಟ್ ಏನ್ ಗೊತ್ತಾ? – ತಾಯಿಯ ಆಸೆ ತೀರಿಸಿದ ಮಗಳು, ಟ್ವೀಟ್ ವೈರಲ್…!!
- ವೈರಲ್ ನ್ಯೂಸ್
- July 21, 2023
- No Comment
- 114
ನ್ಯೂಸ್ ಆ್ಯರೋ : ಬೆಲೆ ಏರಿಕೆಯಿಂದ ದುಬಾರಿಯಾಗಿರುವ ಟೊಮ್ಯಾಟೋ ಸದ್ಯ ದೇಶಾದ್ಯಂತ ಚರ್ಚೆಗೆ ಗ್ರಾಸವಾಗಿದೆ. ಟೊಮ್ಯಾಟೋ ಕುರಿತಾದ ಮೀಮ್ಸ್ ಗಳು ಹರಿದಾಡುತ್ತಿವೆ. ಈ ಮಧ್ಯೆ ದುಬೈಯಿಂದ ಬೆಂಗಳೂರಿಗೆ ಆಗಮಿಸಿದ ಮಹಿಳೆಯೊಬ್ಬರು 10 ಕೆಜಿ ಟೊಮ್ಯಾಟೋ ತಂದು ತಾಯಿಯ ಆಸೆ ಪೂರೈಸಿದ್ದಾರೆ. ಸದ್ಯ ಈ ವಿಚಾರ ವೈರಲ್ ಆಗಿದೆ.
ವೈರಲ್ ಆದ ಟ್ವೀಟ್
ದುಬೈಯಲ್ಲಿ ವಾಸಿಸುತ್ತಿರುವ ಮಹಿಳೆ ರಜೆಗಾಗಿ ಭಾರತಕ್ಕೆ ಹೊರಟಿದ್ದರು. ಈ ಸಂದರ್ಭದಲ್ಲಿ ಅವರು ತನ್ನ ತಾಯಿ ಬಳಿ ಏನು ತರಬೇಕೆಂದು ಕೇಳಿದ್ದರು. ಅದಕ್ಕೆ ತಾಯಿ, ಇಲ್ಲಿ ಟೊಮ್ಯಾಟೋ ಬೆಲೆ ಏರಿಕೆಯಾಗಿದೆ. ಹೀಗಾಗಿ ಅದನ್ನೇ ತರಲು ಹೇಳಿದ್ದಾರೆ. ಅದರಂತೆ ಮಹಿಳೆ 10 ಕೆಜಿ ಟೊಮ್ಯಾಟೋ ವನ್ನು ಸೂಟ್ ಕೇಸ್ ನಲ್ಲಿ ಹಿಡಿದುಕೊಂಡು ಬಂದಿದ್ದಾರೆ. ಇದನ್ನು ಮಹಿಳೆಯ ಸಹೋದರಿ ಟ್ವೀಟ್ ನಲ್ಲಿ ಬಹಿರಂಗ ಪಡಿಸಿದ್ದು, ವೈರಲ್ ಆಗಿದೆ.
ಸದ್ಯ ಈ ಟ್ವೀಟ್ 50 ಸಾವಿರಕ್ಕೂ ಹೆಚ್ಚಿನ ವ್ಯೂಸ್ ಪಡೆದಿದೆ. ಅನೇಕರು ತಮಾಷೆಯಾಗಿ ಕಮೆಂಟ್ ಮಾಡಿದ್ದಾರೆ. ಕೆಲವರಂತೂ ಟೊಮ್ಯಾಟೋ ಸಂಗ್ರಹಣೆ ಮತ್ತು ಕಸ್ಟಮ್ಸ್ ನಿಯಮಗಳ ಕುರಿತಾದ ಸಂದೇಹ ಕೇಳಿದ್ದಾರೆ.
ಹವಾಮಾನ ವೈಪರೀತ್ಯದಿಂದ ದೇಶದೆಲ್ಲೆಡೆ ಟೊಮ್ಯಾಟೋ ಬೆಲೆ ಏರಿಕೆಯಾಗಿದೆ. ಕೆಲವು ರಾಜ್ಯಗಳಲ್ಲಿ ಕೆಜಿಗೆ 250 ರೂ. ದಾಟಿದೆ. ಬೆಲೆ ನಿಯಂತ್ರಣಕ್ಕೆ ಕೆಲವು ದಿನ ಬೇಕಾಗಬಹುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.