ಖುಲ್ಲಾಂಖುಲ್ಲಾ ಪಾರ್ಕ್ ನಲ್ಲಿ ಅಸಭ್ಯ ವರ್ತನೆ ತೋರಿದ ಜೋಡಿ ಹಕ್ಕಿಗಳು – ಪ್ರೇಮಿಗಳ ಹುಚ್ಚಾಟಕ್ಕೆ ನೆಟ್ಟಿಗರಿಂದ ಫುಲ್ ಕ್ಲಾಸ್‌‌..!

ನ್ಯೂಸ್ ಆ್ಯರೋ : ಈಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಯುವಕ ಯುವತಿಯರು ರೀಲ್ಸ್ ಅಪ್ಲೋಡ್ ಮಾಡುತ್ತಾರೆ. ಮನರಂಜನೆ ಹಾಗೂ ಹೆಚ್ಚು ವೀವ್ಸ್ ಪಡೆದುಕೊಳ್ಳಬೇಕೆಂಬ ದೃಷ್ಟಿಯಿಂದ ಆ ಟ್ರೆಂಡ್‌ಗೆ ತಕ್ಕ ಹಾಗೇ ರೀಲ್ಸ್‌ಗಳನ್ನು ಮಾಡುತ್ತಿರುತ್ತಾರೆ. ಇನ್ನೂ ಕೆಲವರು ಅಸಭ್ಯವಾಗಿ ವರ್ತಿಸಿರುವ ವಿಡಿಯೋಗಳನ್ನು ಅಪ್ಲೋಡ್ ಮಾಡಿ ನೆಟ್ಟಿಗರಿಂದ ಟೀಕೆಗೆ ಗುರಿಯಾಗುತ್ತಾರೆ.

ಅದೇ ರೀತಿ ಈಚೆಗೆ ಜೋಡಿಯೊಂದು ದೆಹಲಿ ಮೆಟ್ರೋದಲ್ಲಿ ಅಸಭ್ಯವಾಗಿ ನಡೆದುಕೊಂಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಮಹಿಳೆಯೊಬ್ಬಳು ಆಕೆಯ ಪ್ರಿಯಕರನ ತೊಡೆ ಮೇಲೆ ಮಲಗಿದ್ದಳು. ಆ ಯುವಕ ತನ್ನ ಕೈಯಲ್ಲಿದ್ದ ಹಾಲಿನ ಪ್ಯಾಕೆಟನ್ನು ಕಚ್ಚಿ ಯುವತಿಗೆ ಕುಡಿಸಿದ್ದಾನೆ. ಬಳಿಕ ಯುವತಿ ತನ್ನ ಬಾಯಲ್ಲಿದ್ದ ಹಾಲನ್ನ ಮತ್ತೆ ಆ ಹುಡುಗನ ಬಾಯಿಗೆ ವರ್ಗಾಯಿಸಿದ್ದಳು. ಈ ಘಟನೆಯಿಂದ ಸಹ ಪ್ರಯಾಣಿಕರು ಮುಜುಗರಕ್ಕೀಡಾಗಿದ್ದರು. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇದರ ಬೆನ್ನಲ್ಲೇ ಉತ್ತರ ಪ್ರದೇಶದ ಜೋಡಿಯ ವಿಡಿಯೋ ಇದೀಗ ಚರ್ಚೆಗೆ ಕಾರಣವಾಗಿದೆ. ಉತ್ತರ ಪ್ರದೇಶದ ನೋಯ್ಡಾ ಪಾರ್ಕ್​ನಲ್ಲಿ ಯುವ ಪ್ರೇಮಿಗಳು ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಅದಲ್ಲದೆ ಈ ವಿಡಿಯೋ ಭಾರೀ ಚರ್ಚೆಗೆ ಕಾರಣವಾಗಿದೆ.

ವಿಡಿಯೋದಲ್ಲಿ ಏನಿದೆ?

ಯುವತಿ ನೀರು ಕುಡಿಯುತ್ತ ಪಾರ್ಕ್​ನಲ್ಲಿ ಕುಳಿತಿರುತ್ತಾಳೆ. ಇದೇ ವೇಳೆ ಅಲ್ಲಿಗೆ ಬಂದ ಯುವಕ ರಿಂಗ್​ ಹಿಡಿದು ಮಂಡಿಯೂರಿ ಪ್ರಪೋಸ್ ಮಾಡಿದ್ದಾನೆ. ಯುವಕನ ಪ್ರೀತಿಗೆ ಸಮ್ಮತಿ ನೀಡುವಂತೆ ತನ್ನ ಬಾಯಲ್ಲಿದ್ದ ನೀರನ್ನು ಪ್ರಪೋಸ್ ಮಾಡಿದ ಹುಡುಗನ ಬಾಯಿಗೆ ಹಾಕಿದ್ದಾಳೆ. ನಂತರ ಅದೇ ನೀರನ್ನ ಆ ಹುಡುಗಿಯ ಬಾಯಿಗೆ ಹಾಕಿ ಇಬ್ಬರು ನಕ್ಕಿದ್ದಾರೆ. ಈ ವಿಡಿಯೋ ನೋಡುಗರಿಗೆ ಅಸಹ್ಯ ಹುಟ್ಟಿಸುವಂತಿದೆ.

ವಿಡಿಯೋಗೆ ಬಾರೀ ವಿರೋಧ ವ್ಯಕ್ತವಾಗಿದ್ದು, ಸಾರ್ವಜನಿಕ ಸ್ಥಳಗಳಲ್ಲಿ ಈ ರೀತಿ ನಡೆದುಕೊಳ್ಳುವುದು ಸರಿಯಲ್ಲ ಎಂದು ಪ್ರತಿಕ್ರಿಯಿಸಿದ್ದಾರೆ.