ರೊಟ್ಟಿ ಮಾಡಲು‌ ಹೋಗಿ ಮತ್ತೇನೋ ಮಾಡಿದ ಬಿಲ್ ಗೇಟ್ಸ್ – ವಿಚಿತ್ರಾಕಾರದ ರೊಟ್ಟಿ ನೋಡಿ ಕಾಲೆಳೆದ ನೆಟ್ಟಿಗರು : ವಿಡಿಯೋ ನೋಡಿ‌‌..

ರೊಟ್ಟಿ ಮಾಡಲು‌ ಹೋಗಿ ಮತ್ತೇನೋ ಮಾಡಿದ ಬಿಲ್ ಗೇಟ್ಸ್ – ವಿಚಿತ್ರಾಕಾರದ ರೊಟ್ಟಿ ನೋಡಿ ಕಾಲೆಳೆದ ನೆಟ್ಟಿಗರು : ವಿಡಿಯೋ ನೋಡಿ‌‌..

ನ್ಯೂಸ್ ಆ್ಯರೋ : ಬಿಲ್ ಗೇಟ್ಸ್ ಎಂದರೆ ಯಾರಿಗೆ ತಾನೆ ಗೊತ್ತಿಲ್ಲಾ ಹೇಳಿ. ಮೈಕ್ರೋಸಾಫ್ಟ್ ಸಹ ಸಂಸ್ಥಾಪಕ, ಖ್ಯಾತ ಉದ್ಯಮಿ, ಜಗತ್ತಿನ ಶ್ರೀಮಂತ ವ್ಯಕ್ತಿಗಳಲ್ಲಿ ಒಬ್ಬರು, ಅಷ್ಟೇ ಅಲ್ಲದೆ ಕೊಡುಗೈ ದಾನಿಯೂ ಹೌದು. ಆದರೆ ಇದೇ ಬಿಲ್ ಗೇಟ್ಸ್ ಸದ್ಯ, ಭಾರತೀಯ ಶೈಲಿಯಂತೆ ಹಿಟ್ಟು ಕಲಸಿ, ಅದನ್ನು ಲಟ್ಟಣಿಗೆಯಿಂದ ಲಟ್ಟಿಸಿ, ರೊಟ್ಟಿ ತಯಾರಿಸಿ ಸಾಮಾಜಿಕ‌ ಜಾಲತಾಣದಲ್ಲಿ ಸುದ್ದಿಯಲ್ಲಿದ್ದಾರೆ.

ಖ್ಯಾತ ಬಾಣಸಿಗ ಹಾಗೂ ವ್ಲಾಗರ್ ಆಗಿರುವ ಐಟಾನ್ ಬರ್ತನ್ ಅವರು ಬಿಲ್ ಗೇಟ್ಸ್ ಜೊತೆ ಸೇರಿ ರೊಟ್ಟಿ ಮಾಡಿರುವ ವಿಡಿಯೋವನ್ನು ಟ್ವಿಟ್ಟರ್ ಮೂಲಕ ಹರಿಬಿಟ್ಟಿದ್ದಾರೆ. ಜೊತೆಗೆ ‘ಬಿಲ್ ಗೇಟ್ಸ್ ಮತ್ತು‌ ನಾನು ಜೊತೆಯಾಗಿ ಸೇರಿ ಭಾರತೀಯ ರೊಟ್ಟಿ ತಯಾರಿಸಿದ್ದೇವೆ’ ಎಂದು ಕ್ಯಾಪ್ಟನ್ ಬರೆದಿದ್ದಾರೆ. ಜೊತೆಗೆ ‘ನಾನು ಇತ್ತೀಚೆಗೆ ಭಾರತದ ಬಿಹಾರ ರಾಜ್ಯಕ್ಕೆ ಭೇಟಿ ನೀಡಿದ್ದೆ. ಅಲ್ಲಿ ನೂತನ‌ ತಂತ್ರಜ್ಞಾನ ಬಳಸಿ ಗೋಧಿ ಬೆಳೆದು ಅಧಿಕ ಇಳುವರಿ ಪಡೆಯುತ್ತಿರುವುದನ್ನು ಗಮನಿಸಿದೆ. ಜೊತೆಗೆ ರೊಟ್ಟಿ ಮಾಡುವುದರಲ್ಲಿ ಪಳಗಿದ ಮಹಿಳೆಯೊಬ್ಬರನ್ನು ಭೇಟಿ ಮಾಡಿದೆ’ ಎಂದು ಬರೆದುಕೊಂಡಿದ್ದಾರೆ.

ವಿಡಿಯೋದಲ್ಲಿ ಏನಿದೆ?

ಬಿಲ್ ಗೇಟ್ಸ್ ಹಾಗೂ ಐಟಾನ್ ಬರ್ತನ್ ಇರುವ ವಿಡಿಯೋದಲ್ಲಿ ಇವರಿಬ್ಬರು ಮಾತನಾಡುತ್ತಾ ರೊಟ್ಟಿ ತಯಾರಿಸುವುದನ್ನು ಗಮನಿಸಬಹುದು. ಬಿಲ್ ಗೇಟ್ಸ್ ಹಿಟ್ಟು ಕಲಸಿದರೆ, ಬರ್ತನ್ ವೃತ್ತಾಕಾರದ ರೊಟ್ಟಿ ತಯಾರಿಸಿದರು. ಆದರೆ ಬಿಲ್ ಗೇಟ್ಸ್ ರೊಟ್ಟಿ ಲಟ್ಟಿಸಿದಾಗ ಅದು ವೃತ್ತಾಕಾರದಲ್ಲಿರದೆ, ವಿಚಿತ್ರ‌ ಆಕಾರ ಪಡೆಯಿತು. ಇದನ್ನು ಗಮನಿಸಿದ ಅವರು ‘ನಾನು ಅಡುಗೆ ಮಾಡದೇ ಬಹಳಷ್ಟು ಸಮಯವಾಯಿತು. ಈಗೆನಿದ್ದರೂ ಸೂಪ್ ಸೇವಿಸುತ್ತೇನೆ’ ಎಂದರು. ಕೊನೆಗೆ ವಿಚಿತ್ರಾಕಾರದ ರೊಟ್ಟಿಯನ್ನೇ ಬೇಯಿಸಿ ಇಬ್ಬರೂ ನಗುತ್ತಾ ಸೇವಿಸಿದರು.

ಟ್ವಿಟ್ಟರ್ ನಲ್ಲಿ ವೈರಲ್ ಆದ ಈ ವಿಡಿಯೊವನ್ನು ಕಂಡು ನೆಟ್ಟಿಗರು ವಿವಿಧ ರೀತಿಯಲ್ಲಿ ಕಮೆಂಟ್ ಗಳನ್ನು ಮಾಡುತ್ತಿದ್ದಾರೆ. ಕೆಲವರು ‘ಬಿಲ್ ಗೇಟ್ಸ್ ರೊಟ್ಟಿ ತುಂಬಾ ಚೆನ್ನಾಗಿದೆ’ ಎಂದರೆ, ಮತ್ತೆ ಕೆಲವರು ‘ಹೇಗೆ ರೊಟ್ಟಿ ತಯಾರಿಸಬಾರದು ಎಂದು ಬಿಲ್ ಗೇಟ್ಸ್ ಹೇಳಿ ಕೊಡುತ್ತಿದ್ದಾರೆ’ ಎಂದು ಕಾಲೆಳೆದಿದ್ದಾರೆ.

Related post

ದಿನ‌ ಭವಿಷ್ಯ 15-04-2024 ಸೋಮವಾರ| ಇಂದಿನ ರಾಶಿಫಲ ಹೀಗಿದೆ..

ದಿನ‌ ಭವಿಷ್ಯ 15-04-2024 ಸೋಮವಾರ| ಇಂದಿನ ರಾಶಿಫಲ ಹೀಗಿದೆ..

ಮೇಷನಿಮ್ಮ ದಯಾಳು ಪ್ರಕೃತಿ ಇಂದು ಅನೇಕ ಸಂತೋಷದ ಕ್ಷಣಗಳನ್ನು ತರುತ್ತದೆ. ಲೋನ್ ತೆಗೆದುಕೊಂಡಿರುವ ಜನರಿಗೆ ಲೋನ್ ನ ಮೊತ್ತವನ್ನು ಮರುಪಾವತಿಸುವಲ್ಲಿ ತೊಂದರೆಗಳು ಉಂಟಾಗಬಹುದು. ಮನೆಯಲ್ಲಿ ನಿಮ್ಮ ಮಕ್ಕಳು ಅತಿಶಯೋಕ್ತಿಯಿರುವ…
ದಿನ‌ ಭವಿಷ್ಯ 14-04-2024 ಭಾನುವಾರ| ಇಂದಿನ ರಾಶಿಫಲ ಹೀಗಿದೆ..

ದಿನ‌ ಭವಿಷ್ಯ 14-04-2024 ಭಾನುವಾರ| ಇಂದಿನ ರಾಶಿಫಲ ಹೀಗಿದೆ..

ಮೇಷನೀವು ಧೀರ್ಘಕಾಲೀನ ಅನಾರೋಗ್ಯದಿಂದ ಬಳಲಬಹುದು. ಇಂದು ಯಾವುದೇ ಸಹಾಯವಿಲ್ಲದೆ, ನೀವು ಹಣವನ್ನು ಗಳಿಸುವಲ್ಲಿ ಸಾಮರ್ತ್ಯರಾಗಿರುತ್ತೀರಿ. ಯಾರಾದರೂ ನಿಮಗೆ ಹಾನಿ ಮಾಡಲು ಪ್ರಯತ್ನಿಸಬಹುದು – ಬಲವಾದ ಶಕ್ತಿಗಳು ನಿಮ್ಮ ವಿರುದ್ಧ…
ರಾಮೇಶ್ವರ ಕೆಫೆ ಬಾಂಬ್ ಸ್ಫೋಟ ಪ್ರಕರಣ – ಇಬ್ಬರು ಬಂಧಿತ ಉಗ್ರರನ್ನು ಬೆಂಗಳೂರಿಗೆ ಕರೆತಂದ NIA ಅಧಿಕಾರಿಗಳು

ರಾಮೇಶ್ವರ ಕೆಫೆ ಬಾಂಬ್ ಸ್ಫೋಟ ಪ್ರಕರಣ – ಇಬ್ಬರು ಬಂಧಿತ ಉಗ್ರರನ್ನು…

ನ್ಯೂಸ್ ಆ್ಯರೋ : ರಾಮೇಶ್ವರಂ ಕೆಫೆ ಬಾಂಬ್ ಬ್ಲಾಸ್ಟ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಬ್ಬರು ಉಗ್ರರನ್ನು NIA ಅಧಿಕಾರಿಗಳು ಬೆಂಗಳೂರಿಗೆ ಕರೆತಂದಿದ್ದಾರೆ. ಅಬ್ದುಲ್ ಮತೀನ್ ತಾಹಾ ಹಾಗೂ ಮುಜಾವಿರ್ ಹುಸೇನ್…

Leave a Reply

Your email address will not be published. Required fields are marked *