ಹಾವಿನ ಉಪಟಳದಿಂದ 16 ಸಾವಿರ ಜನರಿಗೆ ಕರೆಂಟ್ ‌ಮಿಸ್ – ಅಂಥಾದ್ದೇನಾಗಿತ್ತು ಗೊತ್ತಾ?

ನ್ಯೂಸ್ ಆ್ಯರೋ‌ : ಜಗತ್ತಿನಲ್ಲಿ ಪ್ರತಿಯೊಂದು ವ್ಯವಸ್ಥೆಯೂ ಒಂದಕ್ಕೊಂದು ಬೆಸೆದುಕೊಂಡಿರುತ್ತದೆ. ಆದ್ದರಿಂದಲೇ ಯಾವುದಾದರೂ ಒಂದು ಕಡೆ ಹೆಚ್ಚು ಕಡಿಮೆಯಾದರೆ ಒಂದಿಡೀ ಸಮೂಹವೇ ಅದರ ಪರಿಣಾಮವನ್ನು ಎದುರಿಸುತ್ತದೆ. ಇದಕ್ಕೆ ಉದಾಹರಣೆ ಇಲ್ಲಿದೆ. ವಿದ್ಯುತ್ ಇಲಾಖೆಯ ಸಬ್ ಸ್ಟೇಷನ್ ಗೆ ಹಾವೊಂದು ನುಗ್ಗಿದ ಕಾರಣ ಅಮೆರಿಕದ ಆಸ್ಟಿನ್ ನಗರದ ಸುಮಾರು 16,000 ಗ್ರಾಹಕರು ವಿದ್ಯುತ್ ಇಲ್ಲದೆ ಪರದಾಡುವಂತಾಗಿತ್ತು.

ಘಟನೆ ವಿವರ

ಹಾವೊಂದು ಸಬ್ ಸ್ಟೇಷನ್ ಗೆ ನುಗ್ಗಿತ್ತು. ಇದರಿಂದಾಗಿ ವಿದ್ಯುದ್ದೀಕರಿಸಿದ ಸರ್ಕ್ಯೂಟ್ ನೊಂದಿಗೆ ಸಂಪರ್ಕ ಸಾಧಿಸಿದಾಗ ವಿದ್ಯುತ್ ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗಿತ್ತು.

ಮೊದಲಿಗೆ ಸಮಸ್ಯೆ ಏನೆಂದು ಗೊತ್ತಾಗಿರಲಿಲ್ಲ. ಸಾಕಷ್ಟು ಪರಿಶೀಲನೆಯ ನಂತರ ಹಾವನ್ನು ಪತ್ತೆ ಹಚ್ಚಲಾಯಿತು. ಬಳಿಕ ವಿದ್ಯುತ್ ಸರಬರಾಜು ಎಂದಿನಂತೆ ನಡೆಯಿತು ಎಂದು ಮೂಲಗಳು ತಿಳಿಸಿವೆ.

ಆರಂಭದಲ್ಲಿ ವಿದ್ಯುತ್ ಗ್ರಿಡ್ ನಲ್ಲಿ ಸಮಸ್ಯೆ ಉಂಟಾಗಿದೆ ಎಂದು ಭಾವಿಸಲಾಗಿತ್ತು. ಬಳಿಕ ಹಾವು ನುಗ್ಗಿದ ಪರಿಣಾಮ ವಿದ್ಯುತ್ ಸರಬರಾಜಿಗೆ ಅಡಚಣೆ ಉಂಟಾಗಿದೆ ಎಂದು ಕಂಡು ಹಿಡಿದು ಸಮಸ್ಯೆ ಬಗೆ ಹರಿಸಲಾಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.