Aadhaar Card : ವ್ಯಕ್ತಿ ಸತ್ತ ನಂತರ ಆಧಾರ್ ನಂಬರ್ ಬೇರೆಯವರಿಗೆ ಸಿಗುತ್ತಾ? – ಆಧಾರ್ ನಿಯಮಗಳು ಏನೇನಿವೆ ಅಂತಾ 90% ಜನರಿಗೆ ಗೊತ್ತೇ ಇಲ್ಲ..!!
- ಟಾಪ್ ನ್ಯೂಸ್
- November 4, 2023
- No Comment
- 82
ನ್ಯೂಸ್ ಆ್ಯರೋ : ಮನುಷ್ಯನಿಗೆ ಪ್ರಮುಖ ದಾಖಲೆಗಳಲ್ಲಿ ಆಧಾರ್ ಕಾರ್ಡ್ ಒಂದು. ಎಲ್ಲ ಪ್ರಕ್ರಿಯೆಗಳಲ್ಲೂ ಆಧಾರ್ ಕಾರ್ಡ್ ಬೇಕೆ ಬೇಕು. ವ್ಯಕ್ತಿಯ ಹೆಸರು, ಹುಟ್ಟಿದ ದಿನಾಂಕ, ವಿಳಾಸ ಮುಂತಾದ ಮಾಹಿತಿಗಳನ್ನು ಆಧಾರ್ ಕಾರ್ಡ್‌ನಲ್ಲಿ ದಾಖಲಿಸಲಾಗಿದೆ. ಇಂದು ಆಧಾರ್ ಸಂಖ್ಯೆಯನ್ನು ಇತರ ಹಲವು ಪ್ರಮುಖ ದಾಖಲೆಗಳೊಂದಿಗೆ ಲಿಂಕ್ ಮಾಡಲಾಗಿದೆ.
ಸರ್ಕಾರ ನೀಡುವ ಸಬ್ಸಿಡಿ ಕೂಡ ಈಗ ಆಧಾರ್‌ಗೆ ಲಿಂಕ್ ಮಾಡಿದ ಬ್ಯಾಂಕ್ ಖಾತೆಗಳಲ್ಲಿ ಮಾತ್ರ ಬರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ವ್ಯಕ್ತಿಯ ಮರಣದ ನಂತರ ಆಧಾರ್ ಸಂಖ್ಯೆಯನ್ನು ರದ್ದುಗೊಳಿಸಬಹುದೇ ಎಂಬ ಪ್ರಶ್ನೆ ಉದ್ಭವಿಸುವುದು ಸಹಜ. ಈ ಬಗ್ಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ.
ಒಬ್ಬ ವ್ಯಕ್ತಿ ಸತ್ತ ನಂತರ ಆತನ ಆಧಾರ್ ಸಂಖ್ಯೆ ಬೇರೆಯವರಿಗೆ ನೀಡಬಹುದೇ?
ಒಬ್ಬ ಸತ್ತ ವ್ಯಕ್ತಿಯ ಆಧಾರ್ ಕಾರ್ಡ್ ಅನ್ನು ಹೇಗೆ ರದ್ದುಗೊಳಿಸುವುದು? ಕ್ಯಾನ್ಸಲ್ ಮಾಡಲು ಸಾಧ್ಯವೇ? ಅಥವಾ UIDAI ಮೃತರ ಆಧಾರ್ ಸಂಖ್ಯೆಯನ್ನು ಇನ್ನೊಬ್ಬ ವ್ಯಕ್ತಿಗೆ ನೀಡಬಹುದೇ? ಒಬ್ಬ ವ್ಯಕ್ತಿಯ ಮರಣದ ನಂತರ ಆತನ ಆಧಾರ್ ಕಾರ್ಡ್ ಅನ್ನು ವಂಚನೆಗೆ ಬಳಸಿಕೊಂಡ ಇಂತಹ ಹಲವು ಪ್ರಕರಣಗಳು ಬೆಳಕಿಗೆ ಬಂದಿರುವುದರಿಂದ ಆಧಾರ್ ರದ್ದುಗೊಳಿಸುವ ಪ್ರಶ್ನೆಯೂ ಉದ್ಭವಿಸುತ್ತದೆ. ಆದ್ದರಿಂದ ವ್ಯಕ್ತಿಯ ಮರಣದ ನಂತರವೂ ಅವರ ಕುಟುಂಬ ಸದಸ್ಯರು ಅವರ ಆಧಾರ್ ಬಗ್ಗೆ ಎಚ್ಚರದಿಂದಿರಬೇಕು.
ಆಧಾರ್ ಕಾರ್ಡ್ ರದ್ದು ಮಾಡಬಹುದೇ?
ವ್ಯಕ್ತಿಯ ಮರಣದ ನಂತರ ಅವರ ಆಧಾರ್ ಕಾರ್ಡ್ ಅನ್ನು ನಿಷ್ಕ್ರಿಯಗೊಳಿಸಲಾಗುವುದಿಲ್ಲ. ಅಂದರೆ ಅದು ನಡೆಯುತ್ತಲೇ ಇರುತ್ತದೆ. ಪ್ರಸ್ತುತ UIDAI ಆಧಾರ್ ಸಂಖ್ಯೆಯನ್ನು ರದ್ದುಗೊಳಿಸಲು ಯಾವುದೇ ನಿಬಂಧನೆಯನ್ನು ಮಾಡಿಲ್ಲ. ಅಥವಾ UIDAI ಮರಣ ಹೊಂದಿದ ವ್ಯಕ್ತಿಯ ಆಧಾರ್ ಸಂಖ್ಯೆಯನ್ನು ಯಾವುದೇ ವ್ಯಕ್ತಿಗೆ ನಂತರ ನೀಡುವುದಿಲ್ಲ. ಆದರೆ ಆಧಾರ್‌ನ ಬಯೋಮೆಟ್ರಿಕ್‌ಗಳನ್ನು ಖಂಡಿತವಾಗಿಯೂ ಲಾಕ್ ಮಾಡುವ ಅವಕಾಶವಿದೆ.
ಈ ರೀತಿಯ Aadhaar ಬಯೋಮೆಟ್ರಿಕ್ಸ್ ಅನ್ನು ಲಾಕ್ ಮಾಡಿ
ಬಯೋಮೆಟ್ರಿಕ್ಸ್ ಅನ್ನು ಲಾಕ್ ಮಾಡಲು ಒಬ್ಬರು www.uidai.gov.in ವೆಬ್‌ಸೈಟ್‌ಗೆ ಹೋಗಬೇಕು. ಇಲ್ಲಿ ಮೈ ಆಧಾರ್ ಆಯ್ಕೆ ಮಾಡಿ ನಂತರ ಆಧಾರ್ ಸೇವೆಗಳ ಮೇಲೆ ಕ್ಲಿಕ್ ಮಾಡಿ. ಇದರ ನಂತರ ಲಾಕ್/ಅನ್ಲಾಕ್ ಬಯೋಮೆಟ್ರಿಕ್ಸ್ ಮೇಲೆ ಕ್ಲಿಕ್ ಮಾಡಿ. ಈಗ 12 ಅಂಕಿಗಳ ಆಧಾರ್ ಸಂಖ್ಯೆ ಮತ್ತು ಕೊಟ್ಟಿರುವ ಕ್ಯಾಪ್ಚಾ ಕೋಡ್ ಅನ್ನು ಇಲ್ಲಿ ನಮೂದಿಸಿ. ಇದರೊಂದಿಗೆ Send OTP ಆಯ್ಕೆಯನ್ನು ಆಯ್ಕೆಮಾಡಿ. ನೋಂದಾಯಿತ ಮೊಬೈಲ್ ಸಂಖ್ಯೆಗೆ OTP ಬರುತ್ತದೆ. ಅದನ್ನು ನಮೂದಿಸಿ ಬಯೋಮೆಟ್ರಿಕ್ಸ್ ಡೇಟಾವನ್ನು ಲಾಕ್ / ಅನ್ಲಾಕ್ ಮಾಡುವ ಆಯ್ಕೆಯನ್ನು ನೀವು ಪಡೆಯುತ್ತೀರಿ. ಈ ಮೂಲಕ ಯಶಸ್ವಿಯಾಗಿ ನೀವು ನಂಬರ್ ಅನ್ನು ಲಾಕ್ ಮಾಡಬಹುದು.
ಆಧಾರ್ ಲಿಂಕ್ ಆಗಿರುವ ಸಿಮ್, ಖಾತೆ ಮತ್ತು ಯೋಜನೆಗಳು!
ಕುಟುಂಬದಲ್ಲಿ ಯಾರೇ ತೀರಿಕೊಂಡರೆ ಕೆಲವೇ ದಿನಗಳಲ್ಲಿ ಅವರ ಸಿಮ್ ಕಾರ್ಡ್ ಅನ್ನು ರದ್ದುಗೊಳಿಸುವುದು ಕಾನೂನಾಗಿದೆ. ಏಕೆಂದರೆ ಅವರ ಹೆಸರಲ್ಲಿ ಯಾವುದೇ ನಂಬರ್‌ಗಳಿಂದ ದುರುಪಯೋಗವನ್ನು ತಡೆಯಲು ಹೆಚ್ಚು ಸಹಕಾರಿಯಾಗುತ್ತದೆ. ಇದಲ್ಲದೇ ವ್ಯಕ್ತಿಯು ಸಾಯುವ ಮೊದಲು ಆಧಾರ್ ಕಾರ್ಡ್ ಮೂಲಕ ಸಕ್ರಿಯವಾಗಿರುವ ಯಾವುದೇ ಖಾತೆ, ಯೋಜನೆಗಳು ಅಥವಾ ಸಹಾಯಧನದ ಪ್ರಯೋಜನವನ್ನು ಪಡೆಯುತ್ತಿದ್ದರೆ ಕುಟುಂಬದ ಸದಸ್ಯರು ಈ ವ್ಯಕ್ತಿಯ ಸಾವಿನ ಬಗ್ಗೆ ಸಂಬಂಧಿಸಿದ ಇಲಾಖೆಗೆ ದಾಖಲೆಗಳೊಂದಿಗೆ ಮಾಹಿತಿ ನೀಡಿ ಅವನ್ನು ಬಂದ್ ಮಾಡಿಸಬೇಕಾಗುತ್ತದೆ. ಈ ಮೂಲಕ ಮುಂದಿನ ದಿನಗಳಲ್ಲಿ ಆಗುವಂತಹ ಅನಾಹುತಗಳನ್ನು ತಪ್ಪಿಸಿಕೊಳ್ಳಬಹುದು.
