ಭಾರತದ 71.1ಲಕ್ಷ ವಾಟ್ಸಾಪ್ ಖಾತೆಗೆ ನಿಷೇಧ ಹೇರಿದ ಮೆಟಾ – ನಿಷೇಧಕ್ಕೆ ಕಂಪನಿ ನೀಡಿದ ಕಾರಣವೇನು ಗೊತ್ತಾ?

ನ್ಯೂಸ್ ಆ್ಯರೋ : ವಿಶ್ವದ ಕೋಟ್ಯಂತರ ಮಂದಿ ಬಳಸುವ ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್‌ ವಾಟ್ಸ್ ಆಪ್ ಭಾರತದ ಗ್ರಾಹಕರ 71.1 ಲಕ್ಷ ಖಾತೆಗಳನ್ನು ನಿಷೇಧಿಸಿದೆ.

ಹೊಸ ಐಟಿ ನಿಯಮಗಳ ಪ್ರಕಾರ ಮಾಸಿಕ ಅನುಸರಣಾ ವರದಿಯನ್ನು ಬಿಡುಗಡೆ ಮಾಡಿರುವ ವಾಟ್ಸ್ ಆಪ್ ನ ಸೆಪ್ಟೆಂಬರ್‌ ತಿಂಗಳ ವರದಿಯಲ್ಲಿ ಇದು ಬಹಿರಂಗವಾಗಿದೆ.

ಭಾರತದ ಐಟಿ ನಿಯಮಗಳ ಅನ್ವಯ ದೇಶದ ಒಟ್ಟು 71.1 ಲಕ್ಷ ಖಾತೆಗಳನ್ನು ನಿಷೇಧ ಮಾಡಿರುವುದಾಗಿ ವಾಟ್ಸ್ ಆಪ್ ಹೇಳಿದೆ.

ಐಟಿ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕೆ ಯಾವೆಲ್ಲ ಅಕೌಂಟ್‌ಗಳನ್ನು ನಿಷೇಧಿಸಲಾಗಿದೆ ಎನ್ನುವ ಮಾಹಿತಿಯನ್ನೂ ವಾಟ್ಸ್ ಆಪ್ ಹಂಚಿಕೊಂಡಿದೆ.

71.1 ಲಕ್ಷ ಖಾತೆಗಳಲ್ಲಿ ಒಟ್ಟು 25.7 ಲಕ್ಷ ಖಾತೆಗಳು ನಿಷ್ಕ್ರಿಯಗೊಂಡಿದ್ದರಿಂದ ಪೂರ್ವಭಾವಿಯಾಗಿ ಅವುಗಳನ್ನು ನಿಷೇಧಿಸಲಾಗಿದೆ. ಇದು ಬಳಕೆದಾರರ ಸುರಕ್ಷತೆ ದೃಷ್ಟಿಯಿಂದ ಕೈಗೊಂಡ ಕ್ರಮವಾಗಿದೆ.

ಸೆಪ್ಟೆಂಬರ್ 1ರಿಂದ 30ರ ನಡುವೆ ದೂರುಗಳ ಆಧಾರದಲ್ಲಿ ಆರು ಮುಖ್ಯ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ಅದರಲ್ಲಿ ಖಾತೆಯನ್ನು ಬೆಂಬಲಿಸಿ 1,03, ನಿಷೇಧಕ್ಕೆ ಮೇಲ್ಮನವಿ ಸಲ್ಲಿಸಿ 7,396, ಇತರ ಕೆಲವು ಆಯ್ಕೆಗಳನ್ನು ಬಯಸಿ 1,518, ಉತ್ಪನ್ನಗಳಿಗೆ ಪ್ರೋತ್ಸಾಹ ಬಯಸಿ 370 ಮತ್ತು ಸುರಕ್ಷತೆ ದೃಷ್ಟಿಯಿಂದ 127 ಹೀಗೆ ಎಲ್ಲ ಸೇರಿ ಒಟ್ಟು 10,442 ಬಳಕೆದಾರರ ದೂರುಗಳನ್ನು ವಾಟ್ಸ್ ಆಪ್ ಸ್ವೀಕರಿಸಿದೆ.

ಪ್ರಸ್ತುತ ನಿಷೇಧಗೊಂಡಿರುವ ಖಾತೆಗಳನ್ನು ಮತ್ತೆ ತೆರೆಯಬೇಕಾದರೆ ಬಳಕೆದಾರ ವಿನಂತಿ ಮರುಸ್ಥಾಪನೆ ಮತ್ತು ವಿನಂತಿಯ ನಿರಾಕರಣೆ ಮೂಲಕ ವರದಿಗಳನ್ನು ಪರಿಶೀಲಿಸಿರಬೇಕು.