ATMನಿಂದ ಹಣ ಪಡೆಯಲು ಡೆಬಿಟ್ ಕಾರ್ಡ್ ಬೇಕಿಲ್ಲ – UPI ಅಪ್ಲಿಕೇಶನ್ ಮೂಲಕ ATM ನಿಂದ ಹಣ ಪಡೆಯಬಹುದು ; ಇಲ್ಲಿದೆ ಮಾಹಿತಿ…
- ಟೆಕ್ ನ್ಯೂಸ್
- January 2, 2023
- No Comment
- 204
ನ್ಯೂಸ್ ಆ್ಯರೋ : ನಗದು ವಿತ್ಡ್ರಾ ಮಾಡಬೇಕೆಂದರೆ ತಕ್ಷಣ ನೆನಪಾಗುವುದು ಎಟಿಎಂ. ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ಬಳಸಿಕೊಂಡು ಎಟಿಎಂನಿಂದ ಹಣ ವಿತ್ಡ್ರಾ ಮಾಡುವುದು ಸಾಮಾನ್ಯ. ಆದರೆ ಈಗ ಎಸ್ಬಿಐ, ಎಚ್ಡಿಎಫ್ಸಿ ಬ್ಯಾಂಕ್, ಪಂಜಾಬ್ ನ್ಯಾಷನಲ್ ಬ್ಯಾಂಕ್ (PNB) ಸೇರಿದಂತೆ ಪ್ರಮುಖ ಬ್ಯಾಂಕ್ಗಳು ಕಾರ್ಡ್ರಹಿತ ನಗದು ವಿತ್ಡ್ರಾಕ್ಕೆ ಅವಕಾಶ ನೀಡಿದ್ದು, ಯುಪಿಐ ಆ್ಯಪ್ ಮೂಲಕವೂ ಎಟಿಎನಿಂದ ಹಣ ವಿತ್ಡ್ರಾ ಮಾಡಬಹುದಾಗಿದೆ.
ಇಂಟರ್ಆಪರೇಬಲ್ ಕಾರ್ಡ್ಲೆಸ್ ಕ್ಯಾಶ್ ವಿತ್ಡ್ರಾವಲ್ (ಐಸಿಸಿಡಬ್ಲ್ಯು) ಎಂದು ಕರೆಯಲಾಗುವ ಕಾರ್ಡ್ರಹಿತ ನಗದು ವಿತ್ಡ್ರಾ ಆಯ್ಕೆಯಲ್ಲಿ ಹಲವಾರು ಪ್ರಯೋಜನಗಳಿವೆ. ಈ ಸೌಲಭ್ಯಕ್ಕೆ ಶುಲ್ಕ ಇರುವುದಿಲ್ಲ. ಪ್ರಯಾಣದ ವೇಳೆ ಕಾರ್ಡ್ ಕೊಂಡೊಯ್ಯುವುದು ಅಥವಾ ಎಟಿಎಂ ಪಿನ್ ಸಂಖ್ಯೆ ನೆನಪಿಟ್ಟುಕೊಳ್ಳಬೇಕಾದ ಅಗತ್ಯವೂ ಇರುವುದಿಲ್ಲ. ತಪ್ಪಾದ ಪಿನ್ ಸಂಖ್ಯೆ ನಮೂದಿಸಿ ಟ್ರಾನ್ಸಾಕ್ಷನ್ ವಿಫಲವಾಗುವುದು, ಕಾರ್ಡ್ ಕಳೆದುಹೋಗುವುದು ಇತ್ಯಾದಿ ಸಮಸ್ಯೆಗಳಿಗೂ ಕಾರ್ಡ್ರಹಿತ ನಗದು ವಿತ್ಡ್ರಾ ಸೌಲಭ್ಯದಿಂದ ಪ್ರಯೋಜನ ದೊರೆಯಲಿದೆ.
ಐಸಿಸಿಡಬ್ಲ್ಯು ಸೌಲಭ್ಯವು ಗೂಗಲ್ ಪೇ, ಫೊನ್ ಪೇ ಸೇರಿದಂತೆ ಹೆಚ್ಚಿನ ಯುಪಿಐ ಆ್ಯಪ್ಗಳಲ್ಲಿ ಲಭ್ಯವಿದೆ. ಈ ಸೌಲಭ್ಯವನ್ನು ಪಡೆಯಬೇಕಾದರೆ ಮೊಬೈಲ್ ಮತ್ತು ಎಟಿಎಂ ಯಂತ್ರ ಇಂಟರ್ನೆಟ್ ಸಂಪರ್ಕ ಹೊಂದಿರಬೇಕು. ಈ ವಿಧಾನದಲ್ಲಿ ಗರಿಷ್ಠ 5,000 ರೂ.ವರೆಗೆ ಮಾತ್ರ ನಗದು ವಿತ್ಡ್ರಾ ಮಾಡಬಹುದು ಎಂಬುದನ್ನು ತಿಳಿದಿರಿ. ಯುಪಿಐ ಮೂಲಕ ನಗದು ವಿತ್ಡ್ರಾ ಮಾಡುವ ಹಂತ ಹಂತದ ಮಾಹಿತಿ ಇಲ್ಲಿದೆ.
ಯುಪಿಐ ಮೂಲಕ ಹಣ ತೆಗೆಯುವ ವಿಧಾನ :
ಇಲ್ಲಿ ತಿಳಿಸುವ ವಿಧಾನದ ಮೂಲಕ UPI ಅಪ್ಲಿಕೇಶನ್ನ ಸಹಾಯದಿಂದ ಮಾತ್ರ ಡೆಬಿಟ್ ಕಾರ್ಡ್ ಇಲ್ಲದೆ ಹಣವನ್ನು ಪಡೆಯುವುದು ಸಾಧ್ಯವಾಗುತ್ತದೆ.
1.ಮೊದಲನೆಯದಾಗಿ, ನಿಮ್ಮ ಸ್ಮಾರ್ಟ್ಫೋನ್ನಲ್ಲಿ Google Pay, PhonePe, Paytm, WhatsApp Pay ಮತ್ತು Amazon Pay ಹೀಗೆ ಯಾವುದಾದರೂ ಒಂದು UPI ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಿ.
- ಈ ವೈಶಿಷ್ಟ್ಯವನ್ನು ಬಳಸುವಾಗ ಫೋನ್ನಲ್ಲಿ ಇಂಟರ್ನೆಟ್ ಅನ್ನು ಸಕ್ರಿಯಗೊಳಿಸಬೇಕು.
- ಈಗ ನೀವು ಎಟಿಎಂಗೆ ಹೋಗಬೇಕು ಮತ್ತು ವಿತ್ ಡ್ರಾ ಕ್ಯಾಶ್ ಮೇಲೆ ಕ್ಲಿಕ್ ಮಾಡಬೇಕು. ಈಗ ಯುಪಿಐ ಆಯ್ಕೆ ನಿಮ್ಮ ಮುಂದೆ ಬರಲಿದೆ. ಇದನ್ನು ಕ್ಲಿಕ್ ಮಾಡಿದಾಗ, ಎಟಿಎಂ ಪರದೆಯ ಮೇಲೆ ಕ್ಯೂಆರ್ ಕೋಡ್ ಕಾಣಿಸಿಕೊಳ್ಳುತ್ತದೆ.
- ಈಗ ನಿಮ್ಮ ಫೋನ್ನಲ್ಲಿ ಯಾವುದಾದರೂ ಒಂದು UPI ಅಪ್ಲಿಕೇಶನ್ ತೆರೆಯಿರಿ ಮತ್ತು QR ಕೋಡ್ ಅನ್ನು ಸ್ಕ್ಯಾನ್ ಮಾಡಿ.
- ಇದರ ನಂತರ, ಎಟಿಎಂನಿಂದ ಹಣ ಪಡೆಯುವುದು ಸಾಧ್ಯವಾಗುತ್ತದೆ. ಹಣ ಪಡೆಯಬೇಕಾದರೆ ವಿಡ್ರಾ ಮಾಡಬೇಕಾದ ಮೊತ್ತ ಎಷ್ಟು ಎನ್ನುವುದನ್ನು ಇಲ್ಲಿ ನಮೂದಿಸಿ.
6.ಈ ವೈಶಿಷ್ಟ್ಯದ ಅಡಿಯಲ್ಲಿ, ನೀವು 5 ಸಾವಿರ ರೂಪಾಯಿಗಳಿಗಿಂತ ಹೆಚ್ಚು ಹಣವನ್ನು ಪಡೆಯುವುದು ಸಾಧ್ಯವಾಗುವುದಿಲ್ಲ ಎನ್ನುವುದು ನೆನಪಿರಲಿ. ಮೊತ್ತವನ್ನು ನಮೂದಿಸಿದ ನಂತರ, ಪ್ರೋಸೆಸ್ದ್ ಮೇಲೆ ಕ್ಲಿಕ್ ಮಾಡಿ. - ಈಗ ಪಿನ್ ಕೇಳಲಾಗುತ್ತದೆ, ನಿಮ್ಮ UPI ಪಿನ್ ಅನ್ನು ಇಲ್ಲಿ ನಮೂದಿಸಿ.
ಇದಾದ ನಂತರ ಎಟಿಎಂನಿಂದ ಹಣವನ್ನು ಪಡೆಯಬಹುದು.