ಸ್ನ್ಯಾಪ್ಚಾಟ್, ಇನ್‌ಸ್ಟಾಗ್ರಾಂ ಬಳಿಕ ವಾಟ್ಸಾಪ್‌ಗೆ ಲಗ್ಗೆಯಿಟ್ಟ ಅವತಾರ್ – ಈ ಫೀಚರ್‌ನ ವಿಶೇಷತೆ ಏನ್‌ ಗೊತ್ತಾ?
- ಟೆಕ್ ನ್ಯೂಸ್
- December 10, 2022
- No Comment
- 156
ನ್ಯೂಸ್ ಆ್ಯರೋ : ಇದುವರೆಗೆ ಸ್ನ್ಯಾಪ್ಚಾಟ್, ಇನ್‌ಸ್ಟಾಗ್ರಾಂನಲ್ಲಿದ್ದ ಅವತಾರ್ ಫೀಚರ್ ಇನ್ನು ಮುಂದಿನ ದಿನಗಳಲ್ಲಿ ವಾಟ್ಸಾಪ್ ಬಳಕೆದಾರರಿಗೂ ಲಭ್ಯವಾಗುತ್ತದೆ ಎಂದು ಮೆಟಾ ಕಂಪನಿ ತಿಳಿಸಿದೆ.
ಈ ಮೂಲಕ ಅವತಾರ್ ಫೀಚರ್ ಬಳಸಿಕೊಂಡು ಬಳಕೆದಾರರು 36 ಕಸ್ಟಮ್ ಸ್ಟಿಕ್ಕರ್ಗಳನ್ನು ರಚಿಸಬಹುದಾಗಿದೆ. ಈ ರೀತಿ ರಚಿಸಿದ ಸ್ಟಿಕ್ಕರ್ಗಳನ್ನು ಪ್ರೊಫೈಲ್ ಚಿತ್ರವನ್ನಾಗಿ ಕೂಡ ಬಳಸಿಕೊಳ್ಳಲು ಅವಕಾಶ ಮಾಡಿಕೊಡಲಾಗಿದೆ.
ಶೀಘ್ರದಲ್ಲೇ ಐಒಎಸ್ ಮತ್ತು ಆಯಂಡ್ರಾಯ್ಡ್ ಡಿವೈಸ್ಗಳ ಬೀಟಾ ವರ್ಷನ್ನಲ್ಲಿ ಅವತಾರ್ ಫೀಚರ್ ಸಿಗಲಿದೆ. ನಂತರ ಎಲ್ಲ ಸ್ಮಾರ್ಟ್ಫೋನ್ ಬಳಕೆದಾರರಿಗೂ ಅವತಾರ್ ಫೀಚರ್ ದೊರೆಯಲಿದೆ ಎಂದು ಹೇಳಲಾಗಿದೆ.
ವಾಟ್ಸಾಪ್ನಲ್ಲಿ ಮೆಸೇಜ್ ಮಾಡಲು ಅವತಾರ್ ಉತ್ತಮ ಆಯ್ಕೆಯಾಗಿದ್ದು, ಇದೇ ಮೊದಲ ಬಾರಿಗೆ ವಾಟ್ಸಾಪ್ನಲ್ಲಿ ಪ್ರಾರಂಭವಾಗಲಿದೆ. ಆರಂಭದಲ್ಲಿ ಕೆಲವು ದೋಷಗಳು ಎದುರಾಗಬಹುದು ಎಂದು ವಾಬೀಟಾ ಇನ್ಫೋದ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಈ ಫೀಚರ್ಸ್‌ನಲ್ಲಿ ಏನೆಲ್ಲ ವಿಶೇಷತೆಯಿದೆ?
ಇನ್ನು ಈ ಫೀಚರ್ನಲ್ಲಿ ಲೈಟಿಂಗ್, ಹೇರ್ ಡಿಸೈನ್, ಇತರ ಡಿಸೈನ್ಗಳು, ಶೇಡಿಂಗ್ ಮತ್ತು ಇತರ ಹಲವು ಆಯ್ಕೆಗಳು ‘ಅವತಾರ್’ನಲ್ಲಿ ಲಭ್ಯವಿದ್ದು, ಎಡಿಟ್ ಮಾಡಬಹುದಾಗಿದೆ.
ಐಒಎಸ್ನಲ್ಲಿ ವಾಟ್ಸಾಪ್ ಚಾಟ್ ಓಪನ್ ಮಾಡಿ ಸ್ಟಿಕ್ಕರ್ಸ್ ಆಯ್ಕೆಯನ್ನು ಓಪನ್ ಮಾಡಬೇಕು. ಆಂಡ್ರಾಯ್ಡ್ ಮೊಬೈಲ್ನಲ್ಲಾದ್ರೆ ಇಮೋಜಿ ಸಿಂಬಲ್ ಅನ್ನು ಟ್ಯಾಪ್ ಮಾಡಿದಾಗ ಅಲ್ಲಿ ಜಿಫ್ ಆಯ್ಕೆಯ ನಂತರದಲ್ಲಿ ಸ್ಟಿಕ್ಕರ್ ಆಯ್ಕೆ ಕಾಣಿಸುತ್ತದೆ. ಅಲ್ಲಿ ಕ್ಲಿಕ್ ಮಾಡಿದಾಗ ನಿಮ್ಮ ಮೊಬೈಲ್ನಲ್ಲಿರುವಂತಹ ‘ಅವತಾರ್’ ಆಯ್ಕೆಯಲ್ಲಿ ಕಾಣಿಸುತ್ತದೆ..
ಅಲ್ಲಿ ನಿಮಗೆ ಬೇಕಾದ ಒಂದು ‘ಅವತಾರ್’ ಅನ್ನು ಸೆಲೆಕ್ಟ್ ಮಾಡಬೇಕು. ಆಗ ಹೊಸ ಪುಟ ಓಪನ್ ಆಗುತ್ತದೆ. ಅಲ್ಲಿ ‘ಗೆಟ್ ಸ್ಟಾರ್ಟೆಡ್’ ಆಯ್ಕೆ ಮಾಡುವ ಮೂಲಕ ‘ಅವತಾರ್’ ಸ್ಟಿಕ್ಕರ್ ರಚಿಸಬಹುದು. ಒಮ್ಮೆ ಸ್ಟಿಕ್ಕರ್ ರಚಿಸಿದ ನಂತರ ಅದನ್ನು ಸೇವ್ ಮಾಡಿ. ಅದನ್ನು ವಾಟ್ಸಪ್ನಲ್ಲಿ ಉಳಿಸಿಕೊಳ್ಳಬೇಕು. ನಂತರ ನಿಮ್ಮ ವಾಟ್ಸಾಪ್ ಅಕೌಂಟ್ ಅನ್ನು ಹೊಸದಾಗಿ ಕಾಣುವಂತೆ ಮಾಡಬಹುದು.
ಸ್ನ್ಯಾಪ್‌ಚಾಟ್‌ನಲ್ಲಿ ಆರಂಭವಾದ ಅವತಾರ್ ಫೀಚರ್ ನಂತರ ಇನ್‌ಸ್ಟಾಗ್ರಾಮ್‌ನಲ್ಲಿ ಬಂತು. ಇದೀಗ ಈ ಫೀಚರ್ ವಾಟ್ಸಪ್ನಲ್ಲಿ ಬರುತ್ತಿದ್ದು, ಚಾಟಿಂಗ್ ಇನ್ನಷ್ಟು ಕುತೂಹಲಕಾರಿಯಾಗಲಿದೆ.
