ಈ ‘ಸ್ಟವ್’ ಮನೆಯಲ್ಲಿದ್ದರೆ ಯಾವುದೇ ಖರ್ಚಿಲ್ಲದೆ ಫ್ರೀಯಾಗಿ ಅಡುಗೆ ಮಾಡಬಹುದು – ಈ ಸೋಲಾರ್ ಸ್ಟವ್ ಬಗ್ಗೆ ನಿಮಗೆ ಗೊತ್ತಾ…!?
- ಟೆಕ್ ನ್ಯೂಸ್
- April 18, 2023
- No Comment
- 1775
ನ್ಯೂಸ್ ಆ್ಯರೋ : ದಿನದಿಂದ ದಿನಕ್ಕೆ ಅಡುಗೆ ಅನಿಲದ ಬೆಲೆ ಏರುತ್ತಿದೆ. ಬಡ ಹಾಗೂ ಮಧ್ಯವರ್ಗಕ್ಕೆ ಈ ಗ್ಯಾಸ್ ಬೆಲೆ ಏರಿಗೆ ದೊಡ್ಡ ಹೊಡೆತವಾಗಿದೆ. ಇದರೊಂದಿಗೆ ವಿದ್ಯುತ್ ಸ್ಟವ್ ಗಳ ಅಡುಗೆಯೂ ಕೂಡ ತುಸು ದುಬಾರಿಯೆ ಆಗಿದೆ. ಅದಕ್ಕಾಗಿ ಕೆಲವರು ಇಂಡಕ್ಷನ್ ಸ್ಟವ್, ಓವನ್ ಗಳನ್ನು ಬಳಸುತ್ತಿದ್ದಾರೆ. ಈ ಬೆಲೆ ಏರಿಕೆಯ ನಡುವೆ ಕಂಡು ಇನ್ನು ಹೇಗಪ್ಪಾ ಜೀವನ ಎಂದು ಚಿಂತಿಸುವವರಿಗೆ ಒಂದು ಗುಡ್ ನ್ಯೂಸ್ ಇದೆ.
ಗ್ಯಾಸ್ ಬೆಲೆ ಏರಿಕೆಯಿಂದ ಕಂಗಾಲಾಗಿರುವವರು ಇನ್ನು ಚಿಂತಿಸಬೇಕಾಗಿಲ್ಲ. ಈ ಎಲ್ಲಾ ಸಮಸ್ಯೆಯಿಂದ ನಿಮ್ಮನ್ನು ಪಾರು ಮಾಡುವಂತಹ ಒಂದು ಅತ್ಯಾಧುನಿಕ ಒಲೆ ಇದೀಗ ಮಾರುಕಟ್ಟೆಗೆ ಬಂದಿದೆ. ಇದಕ್ಕೆ ಗ್ಯಾಸ್ ಅಥವಾ ಇಂಡಕ್ಷನ್ ಅಗತ್ಯವಿಲ್ಲ. ಈ ನೂತನ ಸ್ಟವ್ ಅನ್ನು ನೀವು ಒಮ್ಮೆ ಖರೀದಿಸಿದರೆ ಸಾಕು ಜೀವನ ಪೂರ್ತಿ ಉಚಿತವಾಗಿ ಆಹಾರ ಬೇಯಿಸಿ ತಿನ್ನಬಹುದಾಗಿದೆ. ಇನ್ನೊಂದು ಖುಷಿಯ ವಿಚಾರ ಅಂದ್ರೆ ಈ ಒಲೆಯ ಬೆಲೆಯೂ ಕೂಡ ತುಂಬಾ ಕಡಿಮೆ!.
ಈ ಜನಸ್ನೇಹಿ ಸೋಲಾರ್ ಸ್ಟವ್ ಯಾವುದು?
ಬೆಲೆ ಏರಿಕೆ, ಹಣದುಬ್ಬರದಿಂದ ಬಳಲುತ್ತಿರುವ ಜನರಿಗಾಗಿ ಸರ್ಕಾರವು ಈ ಅತ್ಯಾಧುನಿಕ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿದೆ. ಈ ಒಲೆಯ ಹೆಸರು ಸೂರ್ಯ ನೂತನ್ ಸೋಲಾರ್ ಸ್ಟವ್. ಇದನ್ನು ಬಳಸುವುದರಿಂದ ಜೀವನಪೂರ್ತಿ ಗ್ಯಾಸ್ ಅಥವಾ ವಿದ್ಯುತ್ ಬಳೆಕೆಯಿಲ್ಲದೇ ನೀವು ಸುಲಭ ಮತ್ತು ಉಚಿತವಾಗಿ ಅಡುಗೆ ಮಾಡಬಹುದಾಗಿದೆ. ಈ ವಿಶೇಷ ಸ್ಟವ್ ಅನ್ನು ಇಂಡಿಯನ್ ಆಯಿಲ್ ಕಾರ್ಪೊರೇಶನ್ ಲಿಮಿಟೆಡ್ ಬಿಡುಗಡೆ ಮಾಡಿದೆ.
24×7 ಇದು ಕೆಲಸ ಮಾಡುತ್ತದೆ!
ಇನ್ನು ಇದು ಸೋಲಾರ್ ನಿಂದ ಕೆಲಸ ಮಾಡುವ ಒಲೆ ಕೇವಲ ಹಗಲು ಮಾತ್ರ ಕೆಲಸ ಮಾಡುತ್ತದೆ ಅಂದರೆ ನಿಮ್ಮ ಕಲ್ಪನೆ ತಪ್ಪು. ಯಾಕೆಂದರೆ ಈ ಸ್ಟವ್ ದಿನದ 24 ಗಂಟೆಯೂ ಕೆಲಸ ಮಾಡುತ್ತದೆ. ಇದು ಹಳೆಯ ಸೌರ ಓವನ್ ಗಿಂತ ಸಂಪೂರ್ಣ ಬಿನ್ನವಾಗಿದೆ. ಈ ಸ್ಟವ್ ನಲ್ಲಿ ಎರಡು ಘಟಕಗಳು ಲಭ್ಯವಿದೆ. ಒಂದನ್ನು ಅಡುಗೆ ಮನೆಯಲ್ಲಿ ಹಾಗೂ ಇನ್ನೊಂದನ್ನು ಬಿಸಿಲಿನಲ್ಲಿ ಇಡಬೇಕು. ಈ ರೀತಿಯ ವೈಶಿಷ್ಟ್ಯತೆ ಇರುವ ಕಾರಣ ಈ ಸ್ಟವ್ ಮೂಲಕ ನೀವು ಹಗಲು-ರಾತ್ರಿ ಅಡುಗೆ ಮಾಡಬಹುದು.
ಬೆಲೆ ಎಷ್ಟಿದೆ?
ಅತ್ಯಾಧುನಿಕ ವೈಶಿಷ್ಟ್ಯ ಹೊಂದಿರುವ ಈ ಸೂರ್ಯ ನೂತನ್ ಸೋಲಾರ್ ಸ್ಟವ್ ಎರಡು ರೂಪಾಂತರಗಳಲ್ಲಿ ಲಭ್ಯವಿರಲಿದೆ. ಎರಡು ವಿಭಿನ್ನ ಬೆಲಯಲ್ಲಿ ಇದು ಲಭ್ಯವಾಗಲಿದೆಯಂತೆ. ಒಂದು ವೇರಿಯಂಟ್ 12,000 ರೂಪಾಯಿಗೆ ಹಾಗೂ ಇನ್ನೊಂದು 23,000 ರೂಪಾಯಿಗೆ ಲಭ್ಯವಾಗಲಿದೆ. ಈ ಸೂಪರ್ ಒಲೆಯನ್ನು ಇಂಡಿಯನ್ ಆಯಿಲ್ ಕಾರ್ಪೊರೇಶನ್ ಲಿಮಿಟೆಡ್ ಇನ್ನೂ ಕೂಡ ಮಾರುಕಟ್ಟೆಗೆ ಬಿಡುಗಡೆ ಮಾಡಿಲ್ಲ. ಆದರೆ ಸದ್ಯದಲ್ಲೇ ಇದು ಮಾರುಕಟ್ಟೆಗೆ ಲಗ್ಗೆ ಇಡಲಿದ್ದು, ಜನ ಸಾಮಾನ್ಯರಿಗೆ ಇಂಡಿಯನ್ ಆಯಿಲ್ ಗ್ಯಾಸ್ ಏಜನ್ಸಿ ಹಾಗೂ ಪೆಟ್ರೋಲ್ ಪಂಪ್ ಗಳಲ್ಲಿ ದೊರೆಯಲಿದೆ.