ಖಾತೆಯಿಂದ ಹಣ ಕದಿಯುವ ಈ ಐದು ಆಪ್ ಗಳು ನಿಮ್ಮ ಮೊಬೈಲ್ ನಲ್ಲಿದೆಯಾ? – ಇದ್ದರೆ ಈಗಲೇ ಡಿಲೀಟ್ ಮಾಡಿ…!!

ನ್ಯೂಸ್ ಆ್ಯರೋ : ಇಂದಿನ ಆಧುನಿಕ ಯುಗದಲ್ಲಿ ಮೊಬೈಲ್ ಬಳಸದವರು ಯಾರೂ ಇಲ್ಲ. ಏನೇ ಬೇಕಿದ್ದರೂ ಎಲ್ಲವೂ ಈಗ ಬೆರಳ ತುದಿಯಲ್ಲೇ ಸಿಗುತ್ತದೆ. ಮನರಂಜನೆ, ಮೊಬೈಲ್ ಬ್ಯಾಂಕಿಂಗ್, ಪುಡ್ ಡೆಲಿವರಿ, ಶಾಪಿಂಗ್, ಸೋಶಿಯಲ್ ಮೀಡಿಯಾ ಹೀಗೆ ಎಲ್ಲವೂ ಮೊಬೈಲ್ ನಲ್ಲಿ ಲಭ್ಯವಿದೆ. ಆದರೆ ಕೆಲವು ಖದೀಮರು ನಿಮ್ಮ ಮೊಬೈಲ್ ಬಳಕೆಯನ್ನೇ ಬಂಡವಾಳವನ್ನಾಗಿಸಿ, ನಿಮಗೆ ತಿಳಿಯದೇ ನಿಮ್ಮನ್ನು ದೋಚುತ್ತಿದ್ದಾರೆ. ನಿಮ್ಮ ಮೊಬೈಲ್ ನಲ್ಲಿ ಈ ಆ್ಯಪ್ ಗಳಿದ್ದರೆ ನೀವು ಹಣ ಕಳೆದುಕೊಳ್ಳುವುದು ಗ್ಯಾರಂಟಿ.

ಹೌದು, ಹೆಚ್ಚಿನ ಜನರು ಆಂಡ್ರಾಯ್ಡ್ ಮೊಬೈಲ್ ಬಳಸುತ್ತಾರೆ‌. ಜೊತೆಗೆ ಎಡಿಟಿಂಗ್, ಗೇಮ್ಸ್, ಸಾಮಾಜಿಕ ಮಾಧ್ಯಮ, ಪೇಮೆಂಟ್ ಅಪ್ಲಿಕೇಶನ್ ಗಳಿಗಾಗಿ ಗೂಗಲ್ ಪ್ಲೇಸ್ಟೋರ್ ನಿಂದ ಆ್ಯಪ್ ಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳುತ್ತಾರೆ. ಇವುಗಳಲ್ಲಿ ಅದೆಷ್ಟೋ ಅನಧಿಕೃತ ಆ್ಯಪ್ ಗಳಿರುತ್ತವೆ, ಜನರನ್ನು ದೋಚುವ ಆ್ಯಪ್ ಗಳಿರುತ್ತವೆ. ನೀವು ಹಿಂದು ಮುಂದು ಯೋಚಿಸದೆ ಅವುಗಳನ್ನು ಬಳಸಿದರೆ. ಖಾತೆಯಲ್ಲಿರುವ ಹಣವೆಲ್ಲ ಖಾಲಿಯಾಗಬಹುದು. ಅಂತಹ ಐದು ಆ್ಯಪ್ ಗಳಿವೆ.

ಅಪಾಯಕಾರಿ 5 ಆ್ಯಪ್ ಗಳು

ಗೂಗಲ್ ಪ್ಲೇ ಸ್ಟೋರ್ ನಿಂದ ಡೌನ್‌ಲೋಡ್ ಮಾಡಿ ಬಳಸುವ ಈ ಐದು ಅತ್ಯಂತ ಅಪಾಯಕಾರಿ ಎಂದು ವರದಿಯಾಗಿದೆ.‌ ಈ ಆ್ಯಪ್ ಗಳ ಮೂಲಕ ಹ್ಯಾಕರ್ಸ್ ಗಳು ಸುಲಭವಾಗಿ ನಿಮ್ಮ ಮೊಬೈಲ್ ಹಿಡಿತಕ್ಕೆ ತೆಗೆದುಕೊಂಡು ನಿಮ್ಮ ಖಾತೆ ಸಂಖ್ಯೆ, ಲಾಗಿನ್ ಐಡಿ ಪಡೆದು ಖಾತೆಯಲ್ಲಿದ್ದ ಹಣವನ್ನೆಲ್ಲ ನುಂಗಿ ನೀರು‌ ಕುಡಿದು ಬಿಡುತ್ತಾರೆ.

ಇದರೊಂದಿಗೆ ವಲ್ಚರ್ ಎಂಬುದು ಆಂಡ್ರಾಯ್ಡ್ ಬ್ಯಾಂಕಿಂಗ್ ಟ್ರೋಜನ್ ಆಗಿದ್ದು, ಅದು ಸೋಂಕಿತ ಸಾಧನಗಳಿಂದ PII ಕದಿಯುವುದರಲ್ಲಿ ಮತ್ತು ಸ್ಕ್ರೀನ್-ಸ್ಟ್ರೀಮಿಂಗ್ ಸಾಮರ್ಥ್ಯಗಳನ್ನು ಬಳಸುವುದರಲ್ಲಿ ಪರಿಣತಿ ಹೊಂದಿದೆ ಎಂದು ವರದಿಯಾಗಿದೆ. ಇವುಗಳು ಕೂಡ ನಿಮ್ಮ ಖಾತೆಯಿಂದ ಹಣ ಕದಿಯುವ ಕೆಲಸ ಮಾಡಬಹುದು ಎಚ್ಚರವಾಗಿರಿ.

ಈ ಆ್ಯಪ್ ಗಳನ್ನು ಡಿಲೀಟ್ ಮಾಡಿ:

• Manager Small Lite
• My Finances Tracker
• Zetter Authentiction
• Codice Fiscale 2022
• Recover Audio
• Image and Videos