ಕ್ರಿಕೆಟ್ ದೇವರ ಪ್ರತಿಮೆ ಲೋಕಾರ್ಪಣೆಯ ಅದ್ಧೂರಿ ಕಾರ್ಯಕ್ರಮ – ಪ್ರತಿಮೆ ನಿರ್ಮಿಸಿದ್ದೆಲ್ಲಿ? ಯಾಕಾಗಿ ನಿರ್ಮಾಣ ಗೊತ್ತಾ?

ನ್ಯೂಸ್ ಆ್ಯರೋ : ಭಾರತ ಕಂಡ ಅದ್ಭುತ ಆಟಗಾರ, ಕ್ರಿಕೆಟ್ ದೇವರು ಎಂದೇ ಕರೆಯಲ್ಪಡುವ ಸಚಿನ್ ತೆಂಡೂಲ್ಕರ್ ಎಂದರೆ ಯಾರಿಗಿಷ್ಟವಿಲ್ಲ. ಒಮ್ಮೆಯಾದರೂ ಅವರನ್ನು ನೋಡಬೇಕು ಎನ್ನುವ ಆಸೆ ಎಲ್ಲರಿಗೂ ಇದ್ದೇ ಇರುತ್ತದೆ.

ಕ್ರಿಕೆಟ್ ಕ್ರೇತ್ರದಲ್ಲಿ ಸಾಕಷ್ಟು ದಾಖಲೆಗಳನ್ನು ನಿರ್ಮಿಸಿರುವ ಸಚಿನ್ ಕ್ರಿಕೆಟ್​ಗೆ ವಿದಾಯ ಹೇಳಿ ಹಲವು ವರ್ಷಗಳೇ ಕಳೆದರೂ ಅವರ ಮೇಲೆ ಭಾರತೀಯರೆಲ್ಲರ ಅಭಿಮಾನ, ಪ್ರೀತಿ ಇನ್ನೂ ಹಾಗೆಯೇ ಇದೆ.

ಹೀಗಾಗಿಯೇ ಈ ಕ್ರಿಕೆಟ್​ ದೇವರ ಪ್ರತಿಮೆಯನ್ನು ವಾಣಿಜ್ಯ ನಗರಿ ಮುಂಬಯಿನ ಐತಿಹಾಸಿಕ ವಾಂಖೆಡೆ ಕ್ರಿಕೆಟ್‌ ಮೈದಾನದಲ್ಲಿ ನಿರ್ಮಿಸಲಾಗಿದೆ. ವಾಂಖೆಡೆ ಕ್ರೀಡಾಂಗಣ ತೆಂಡೂಲ್ಕರ್ ಅವರ ತವರು ಮೈದಾನ ಮಾತ್ರವಲ್ಲ ಅವರು ತಮ್ಮ ಅಂತಿಮ 200ನೇ ಟೆಸ್ಟ್ ಪಂದ್ಯವನ್ನು 2013ರ ನವೆಂಬರ್‌ನಲ್ಲಿ ಇಲ್ಲೇ ಆಡಿದ್ದರು. ಹೀಗಾಗಿಯೇ ಅವರಿಗೆ ಗೌರವಾರ್ಥವಾಗಿ ಎಂಸಿಸಿಯು ಇಲ್ಲೇ ಪ್ರತಿಮೆ ನಿರ್ಮಾಣ ಮಾಡಿ ಗೌರವ ಸಲ್ಲಿಸಿದೆ.

ತೆಂಡೂಲ್ಕರ್​ ಅವರ 50 ವರ್ಷಗಳ ಸವಿ ನೆನಪಿಗಾಗಿ ಮುಂಬಯಿನ ಕ್ರಿಕೆಟ್ ಅಸೋಸಿಯೇಷನ್ ಈ ಪ್ರತಿಮೆಯನ್ನು ಇಲ್ಲಿ ಸ್ಥಾಪಿಸಿದ್ದು, ಅದ್ದೂರಿ ಕಾರ್ಯಕ್ರಮದ ಮೂಲಕ ಬುಧವಾರ ಅನಾವರಣಗೊಳಿಸಿದೆ.

200 ಟೆಸ್ಟ್ ಪಂದ್ಯಗಳಲ್ಲಿ ಆಡಿರುವ ಸಚಿನ್ ಅವರದೇ ಗಾತ್ರದ ಪ್ರತಿಮೆಯನ್ನು ವಾಂಖೆಡೆ ಸ್ಟೇಡಿಯಂನಲ್ಲಿಯೇ ಸಚಿನ್ ಕ್ರಿಕೆಟ್‌ಗೆ ವಿದಾಯ ಹೇಳಿದ್ದರಿಂದ ಅಲ್ಲಿ ಅವರ ಹೆಸರಿನ ಸ್ಟ್ಯಾಂಡ್ ಇದೆ. ಈ ಸ್ಟ್ಯಾಂಡ್ ಬಳಿಯೇ ಸಚಿನ್ ಪ್ರತಿಮೆ ಈಗ ನಿರ್ಮಿಸಲಾಗಿದೆ.

ಕಳೆದ ಏಪ್ರಿಲ್‌ನಲ್ಲಿ 50ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಂಡ ಸಚಿನ್ ಅವರ 50 ವರ್ಷಗಳ ಅರ್ಥಪೂರ್ಣ ಬದುಕಿಗೆ ಇದನ್ನು ಸಮರ್ಪಿಸಲಾಗಿದೆ.

ಕ್ರಿಕೆಟ್‌ನಲ್ಲಿ ತೆಂಡೂಲ್ಕರ್‌ ಮಾಡಿರುವ ಹಲವು ದಾಖಲೆಗಳು ಯಾರೂ ಮಾಡಿಲ್ಲ. ಮುಖ್ಯವಾಗಿ ಟೆಸ್ಟ್ ಕ್ರಿಕೆಟ್‌ನಲ್ಲಿ ಬರೋಬ್ಬರಿ 15,921 ರನ್‌ಗಳು ಹಾಗೂ ಏಕದಿನ ಸ್ವರೂಪದಲ್ಲಿ 18,426 ರನ್‌ಗಳನ್ನು ಸಿಡಿಸಿರುವ ಸಚಿನ್ ದಾಖಲೆಗಳನ್ನು ಇನ್ನೂ ಯಾರೂ ಮುರಿಯಲು ಸಾಧ್ಯವಾಗಿಲ್ಲ.

ಪ್ರತಿಮೆ ಅನಾವರಣ ಕಾರ್ಯಕ್ರಮದಲ್ಲಿ ಸಚಿನ್ ತೆಂಡೂಲ್ಕರ್, ಮಹಾರಾಷ್ಟ್ರ ಸಿಎಂ ಏಕನಾಥ್ ಶಿಂಧೆ, ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ, ಎನ್​ಸಿಎ ಮುಖ್ಯಸ್ಥ ಶರದ್ ಪವಾರ್, ಬಿಸಿಸಿಐನ ಉಪಾಧ್ಯಕ್ಷ ರಾಜೀವ್ ಶುಕ್ಲಾ, ಎಂಸಿಎ ಪ್ರೆಸಿಡೆಂಟ್ ಅಮೋಲ್ ಕಾಳೆ ಸೇರಿದಂತೆ ಅನೇಕರು ಪಾಲ್ಗೊಂಡಿದ್ದರು.