News Arrow November 11, 2022

IPL 2023 : CSK vs GT ಪಂದ್ಯದಲ್ಲಿ ಇಂಪ್ಯಾಕ್ಟ್ ಪ್ಲೇಯರ್ ಗಳ ಬಳಕೆ – ಏನಿದು ಹೊಸ ನಿಯಮ? ಷರತ್ತುಗಳೇನು? ಇಲ್ಲಿದೆ ಸಂಪೂರ್ಣ ವರದಿ..

ಕ್ರೀಡಾ ಸುದ್ದಿ
April 1, 2023
No Comment
621

ನ್ಯೂಸ್ ಆ್ಯರೋ‌ : 2008ರಲ್ಲಿ ಜನ್ಮತಾಳಿದ ಐಪಿಎಲ್ ಹಲವು ಬದಲಾವಣೆಗಳನ್ನ ಕಂಡಿದೆ. ಹೊಸ ರೂಲ್ಸ್ ಗಳು ಟೂರ್ನಿಗೆ ಹೊಸ ಮೆರಗು ತಂದುಕೊಟ್ಟಿವೆ. ಅಂತಯೇ ಈ ಬಾರಿಯ ಐಪಿಎಲ್ನಲ್ಲೂ ನೀವು ಹೊಸ ರೂಲ್ಸ್ ಅನ್ನು ನೋಡಬಹುದು. ನಿನ್ನೆಯಷ್ಟೇ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಆರಂಭಿಕ 11 ಆಟಗಾರರ ಪಟ್ಟಿಯಲ್ಲಿ ಇಲ್ಲದ ತುಷಾರ್ ಪಾಂಡೆ ಬೌಲಿಂಗ್ ಮಾಡಿದ್ದಾರೆ.‌ ಹಾಗಾದರೆ ಅದು ಹೇಗೆ ಗೊತ್ತಾ..!? ಅದುವೇ ಇಂಪ್ಯಾಕ್ಟ್ ಪ್ಲೇಯರ್ ರೂಲ್ಸ್.

ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಹೊಸದಾಗಿ ಪರಿಚಯಿಸಲಾದ ಇಂಪ್ಯಾಕ್ಸ್ ಪ್ಲೇಯರ್(ಪ್ರಭಾವಿ ಆಟಗಾರ) ಅವಕಾಶವನ್ನು ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಬಳಸಿಕೊಂಡಿತು. ಬಲಗೈ ಮಧ್ಯಮ ವೇಗಿ ತುಷಾರ್ ದೇಶಪಾಂಡೆ ಅವರನ್ನು ಕಣಕ್ಕಿಳಿಸಿತು. ತುಷಾರ್ ಐಪಿಎಲ್ ಇತಿಹಾಸದಲ್ಲಿ ಮೊದಲ ‘ಇಂಪ್ಯಾಕ್ಟ್ ಪ್ಲೇಯರ್’ ಎನಿಸಿಕೊಂಡರು. ಚೆನ್ನೈ ತಂಡ ಮೊದಲು ಬ್ಯಾಟ್ ಮಾಡಿ 178 ರನ್ಗಳನ್ನು ಕಲೆ ಹಾಕಿತು. ಈ ಮೊತ್ತವನ್ನು ಕಾಪಾಡಿಕೊಳ್ಳಲು ಹೆಚ್ಚುವರಿ ಬೌಲರ್ ಅನ್ನು ಕಣಕ್ಕಿಳಿಸಲು ಉದ್ದೇಶಿಸಿ, ಬ್ಯಾಟ್ ಮಾಡಿದ್ದ ಅಂಬಟಿ ರಾಯುಡು ಬದಲಾಗಿ ತುಷಾರ್ ದೇಶಪಾಂಡೆಯನ್ನು ಇಂಪ್ಯಾಕ್ಟ್ ಪ್ಲೇಯರ್ ನಿಮಯದಡಿ ಆಡಿಸಿತು. ಇದು ಐಪಿಎಲ್ ಇತಿಹಾಸದಲ್ಲಿಯೇ ಇದೇ ಮೊದಲಾಗಿದೆ.

ಇದಲ್ಲದೇ, ಗುಜರಾತ್ ಟೈಟಾನ್ಸ್ ಕೂಡ ಸಾಯಿ ಸುದರ್ಶನ್ ಅವರನ್ನು ಬಳಸಿಕೊಂಡಿತು. ಗುಜರಾತ್ ಟೈಟಾನ್ಸ್ನ ಕೇನ್ ವಿಲಿಯಮ್ಸನ್‌ ಫೀಲ್ಡಿಂಗ್ ಮಾಡುವಾಗ ಗಾಯಗೊಂಡರು. ನ್ಯೂಜಿಲೆಂಡ್ ಬ್ಯಾಟರ್ ಬದಲಿಯಾಗಿ ಬಿ.ಸಾಯಿ ಸುದರ್ಶನ್ ಅವರನ್ನು ಇಂಪ್ಯಾಕ್ಟ್ ಪ್ಲೇಯರ್ ಆಗಿ ತಂಡ ಆಯ್ಕೆ ಮಾಡಿತು. ಇದರಿಂದ ಸುದರ್ಶನ್ ಎರಡನೇ ಪ್ರಭಾವಿ ಆಟಗಾರರಾದರು.

ಆದರೆ ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಕಣಕ್ಕಿಳಿದ ಉಭಯ ತಂಡಗಳ ತುಷಾರ್ ದೇಶಪಾಂಡೆ ಮತ್ತು ಸಾಯಿ ಸುದರ್ಶನ್ ಪಂದ್ಯದಲ್ಲಿ ಪ್ರಭಾವ ಬೀರಲಿಲ್ಲ. 3.2 ಓವರ್ ಬೌಲ್ ಮಾಡಿದ ದೇಶಪಾಂಡೆ 1 ವಿಕೆಟ್ ಪಡೆದು 51 ರನ್ ನೀಡಿ ದುಬಾರಿಯಾದರು. ಇದರಲ್ಲಿ ತಲಾ 1 ವೈಡ್, ನೋಬಾಲ್ ಎಸೆದರು. ಎರಡನೇ ಇಂಪ್ಯಾಕ್ಟ್ ಪ್ಲೇಯರ್ ಸಾಯಿ ಸುದರ್ಶನ್ ಕೂಡ ಬ್ಯಾಟಿಂಗ್ನಲ್ಲಿ ಕರಾಮತ್ತು ಮಾಡಲಿಲ್ಲ. 17 ಎಸೆತಗಳಲ್ಲಿ 3 ಬೌಂಡರಿಗಳಿಂದ 22 ರನ್ ಮಾತ್ರ ಮಾಡಿದರು.

ಏನಿದು ಇಂಪ್ಯಾಕ್ಟ್ ಪ್ಲೇಯರ್ ನಿಯಮ?