2018ರ ಸೇನಾ ಶಿಬಿರದ ದಾಳಿಯ ಮಾಸ್ಟರ್ ಮೈಂಡ್ ಖ್ವಾಜಾ ಶಾಹೀದ್ ಶವವಾಗಿ ಪತ್ತೆ – ಶಿರಚ್ಛೇದನಗೈದ ಸ್ಥಿತಿಯಲ್ಲಿ POKಯಲ್ಲಿ ಪತ್ತೆಯಾಯ್ತು ಮೃತದೇಹ..!!
- ಅಂತಾರಾಷ್ಟ್ರೀಯ ಸುದ್ದಿ
- November 6, 2023
- No Comment
- 112
ನ್ಯೂಸ್ ಆ್ಯರೋ : ಲಷ್ಕರ್ ಭಯೋತ್ಪಾದಕ ಖ್ವಾಜಾ ಶಾಹಿದ್ ಶವ ಕಳೆದ ಭಾನುವಾರ ತಡರಾತ್ರಿ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿ ಪತ್ತೆಯಾಗಿದೆ.
2018ರಲ್ಲಿ ಜಮ್ಮುವಿನ ಸೇನಾ ಶಿಬಿರದ ಮೇಲೆ ದಾಳಿಗೆ ಕಾರಣವಾಗಿದ್ದ ಮಾಸ್ಟರ್ ಮೈಂಡ್ ಖ್ವಾಜಾ ಶಾಹಿದ್ ಶವದ ಶಿರಚ್ಛೇದ ಮಾಡಲಾಗಿದ್ದು, ಕೆಲವು ದಿನಗಳ ಹಿಂದೆಯಷ್ಟೇ ಆತನ ಅಪಹರಣ ನಡೆಸಲಾಗಿತ್ತು ಎನ್ನಲಾಗಿದೆ.
ಜಮ್ಮುವಿನ ಸುಂಜುವನ್ ಸೇನಾ ಶಿಬಿರದ ಮೇಲೆ ಭಯೋತ್ಪಾದಕ ದಾಳಿ ನಡೆಸಲು ಯೋಜನೆಯನ್ನೂ ಶಾಹಿದ್ ರೂಪಿಸಿದ್ದ. ಈ ದಾಳಿಯಲ್ಲಿ ಆರು ಜವಾನರು, ಒಬ್ಬ ಸೇನಾಧಿಕಾರಿ, ಓರ್ವ ನಾಗರಿಕ ಮೃತಪಟ್ಟಿದ್ದರು.
ಅಕ್ಟೋಬರ್ ನಲ್ಲಿ ಜೈಶ್ ಮುಖ್ಯಸ್ಥ ಮಸೂದ್ ಅಜರ್ ಅವರ ವಿಶ್ವಾಸಾರ್ಹ ಬುಡಕಟ್ಟು ನಾಯಕ ದಾವುದ್ ಮಲಿಕ್ ನನ್ನು ಉತ್ತರ ವಜೀರಿಸ್ತಾನದಲ್ಲಿ ಅಪರಿಚಿತ ಬಂದೂಕುಧಾರಿಗಳು ಹಾಡಹಗಲೇ ಗುಂಡಿಕ್ಕಿ ಕೊಂದಿದ್ದರು. ಬಳಿಕ ಕರಾಚಿಯಯಲ್ಲಿ ಹಫೀಜ್ ಸಯೀದ್ ನ ನಿಕಟವರ್ತಿ ಮುಫ್ತಿ ಖೈಸರ್ ಫಾರೂಕ್ ನನ್ನು ಕೊಲೆ ಮಾಡಲಾಗಿತ್ತು. ಬಳಿಕ ಈಗ ಈ ಘಟನೆ ನಡೆದಿದೆ.
ಡೇರಾ ಇಸ್ಮಾಯಿಲ್ ಖಾನ್ ಮೂಲದ ಫಾರೂಕ್, ಜಾಗತಿಕವಾಗಿ ನಿಯೋಜಿತ ಭಯೋತ್ಪಾದಕ ಹಫೀಜ್ ಸಯೀದ್ ನೊಂದಿಗೆ ನಿಕಟ ಸಂಪರ್ಕ ಹೊಂದಿದ್ದನು.
ಐಸಿ-814 ವಿಮಾನದ ಅಪಹರಣಕಾರ, ಜೈಶ್-ಎ-ಮೊಹಮ್ಮ ದ್ (ಜೆಎಂ) ಕಾರ್ಯ ಕರ್ತ ಮಿಸ್ತ್ರಿ ಜಹೂರ್ ಇಬ್ರಾಹಿಂ ಅಲಿಯಾಸ್ ಜಾಹಿದ್ ಅಖೂಂಡ್ ಹತ್ಯೆ ಯೊಂದಿಗೆ ಪಾಕಿಸ್ತಾನದಲ್ಲಿ ಭಾರತ ವಿರೋಧಿ ಭಯೋತ್ಪಾದಕರು ಮತ್ತು ಕಾರ್ಯಕರ್ತರ ನಿರಂತರ ಹತ್ಯೆಗಳ ಸರಣಿ ಆರಂಭವಾಗಿದೆ. ಜೈಶ್-ಎ-ಮೊಹಮ್ಮದ್ ಸಂಘಟನೆಯ ಸದಸ್ಯ ಜಾಹಿದ್ ಅಖೂಂಡ್ ನನ್ನು ಅಪರಿಚಿತ ಬಂದೂಕುಧಾರಿಗಳು ಗುಂಡಿಕ್ಕಿ ಕೊಂದಿದ್ದಾರೆ.