ಅದೃಷ್ಟ ಲಕ್ಷ್ಮಿ ಈತನ ಮನೆ ಬಾಗಿಲಿಗೆ ಬಂದು ಬಿದ್ದೇ ಬಿಟ್ಳು – ಲಾಟರಿಯಲ್ಲಿ ಈತ ಗಳಿಸಿದ್ದೆಷ್ಟು ತಿಳಿದರೆ ತಲೆ ತಿರುಗೋದು ಗ್ಯಾರಂಟಿ…!
- ಅಂತಾರಾಷ್ಟ್ರೀಯ ಸುದ್ದಿ
- July 21, 2023
- No Comment
- 329
ನ್ಯೂಸ್ ಆ್ಯರೋ : ಅದೃಷ್ಟ ಎಂದರೆ ಹೀಗಿರಬೇಕು ಎಂದು ಪ್ರತಿಯೊಬ್ಬರೂ ಅಂದುಕೊಳ್ಳುವ ಘಟನೆಯೊಂದು ಅಮೆರಿಕ ಲಾಸ್ ಏಂಜೆಲ್ಸ್ ನಲ್ಲಿ ನಡೆದಿದೆ. ವ್ಯಕ್ತಿಯೊಬ್ಬರಿಗೆ ಜಾಕ್ ಪಾಟ್ ಡ್ರಾದಲ್ಲಿ 1 ಶತಕೋಟಿ ಡಾಲರ್ ಅಂದರೆ ಬರೋಬ್ಬರಿ 8,206 ಕೋಟಿ ರೂ. ಲಭಿಸಿದೆ..!
ಬೃಹತ್ ಮೊತ್ತ
ಈ ಜಾಕ್ ಪಾಟ್ ಒಲಿಯುವುದು ಅತೀ ಅಪರೂಪ. ಅಷ್ಟು ಅದೃಷ್ಟ ಇದ್ದವರಿಗೆ ಮಾತ್ರ ಇದು ಒಲಿಯುತ್ತದೆ. ಇದೀಗ ತೆರಿಗೆ ಎಲ್ಲಾ ಕಡಿತವಾಗಿ ಅದೃಷ್ಟಶಾಲಿಗೆ 558.1 ಮಿಲಿಯನ್ ಡಾಲರ್ ಎಂದರೆ ಸುಮಾರು 4,582 ಕೋಟಿ ರೂ. ಸಿಗಲಿದೆ.
ಮೂರನೇ ಬಾರಿ
ಪವರ್ ಬಾಲ್ ಇತಿಹಾಸದಲ್ಲಿ ಬಹುಮಾನದ ಮೊತ್ತ ಒಂದು ಶತಕೋಟಿ ಡಾಲರ್ ದಾಟುವುದು ಇದು ಮೂರನೇ ಬಾರಿ. 1992ರಲ್ಲಿ ಈ ಆಟ ಆರಂಭವಾಗಿತ್ತು. 2015ರಲ್ಲಿ ನಿಯಮಗಳಲ್ಲಿ ಬದಲಾವಣೆ ಮಾಡಿದ ಬಳಿಕ ಜಾಕ್ ಪಾಟ್ ಗೆಲುವು ಸವಾಲಿನಿಂದ ಕೂಡಿತ್ತು.
2022ರಲ್ಲಿ ವ್ಯಕ್ತಿಯೊಬ್ಬರಿಗೆ 16,886 ಕೋಟಿ ರೂ. ಒಲಿದಿದ್ದರೆ 2016ರಲ್ಲಿ ವ್ಯಕ್ತಿಯೊಬ್ಬರು 10,646 ಕೋಟಿ ರೂ. ಗಳಿಸಿದ್ದರು. ಇದೀಗ ಈ ಜಾಕ್ ಪಾಟ್ ಹೊಡೆದ ವ್ಯಕ್ತಿಯ ಅದೃಷ್ಟ ಕಂಡು ಎಲ್ಲರೂ ಮೂಗಿನ ಮೇಲೆ ಬೆರಳಿಟ್ಟಿದ್ದಾರೆ.