ಮದುವೆಯ ಶುಭವೇಳೆಯಲ್ಲೇ ಅಗ್ನಿಯ ರೌದ್ರನರ್ತನ – ನೋಡನೋಡುತ್ತಲೇ ಸಜಿವ ದಹನವಾದ್ರೂ ನೂರಕ್ಕೂ ಅಧಿಕ ಮಂದಿ : ವಿಡಿಯೋ ವೈರಲ್..!!
- ಅಂತಾರಾಷ್ಟ್ರೀಯ ಸುದ್ದಿ
- October 5, 2023
- No Comment
- 145
ನ್ಯೂಸ್ ಆ್ಯರೋ : ಮದುವೆ ಮಂಟಪದಲ್ಲಿ ಬೆಂಕಿ ಅವಘಡ ಸಂಭವಿಸಿ 100ಕ್ಕೂ ಅಧಿಕ ಮಂದಿ ಸಾವನ್ನಪ್ಪಿ, 150ಕ್ಕೂ ಅಧಿಕ ಮಂದಿ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಉತ್ತರ ಇರಾಕ್ ನಲ್ಲಿ ಕೆಲದಿನಗಳ ಹಿಂದೆ ನಡೆದಿದ್ದು, ಈ ಭಯಾನಕ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ವಿಶ್ವವೇ ಬೆಚ್ಚಿ ಬಿದ್ದಿದೆ.
ವಿಡಿಯೋದಲ್ಲಿ ವಧು-ವರ ಒಟ್ಟಿಗೆ ನೃತ್ಯ ಮಾಡುತ್ತಿರುವಾಗ ಮೇಲ್ಛಾವಣಿಯಿಂದ ಬೆಂಕಿಯ ಕಿಡಿ ಬೀಳಲು ಶುರುವಾಗುದೆ. ಇದನ್ನು ನೋಡಿದ ಜನರು ಭಯದಿಂದ ಪ್ರಾಣ ಉಳಿಸಿಕೊಳ್ಳಲು ಹೊರಕ್ಕೆ ಓಡಲು ಶುರು ಮಾಡಿದ್ದಾರೆ. ನೋಡ ನೋಡುತ್ತಿದ್ದ ಹಾಗೇ ಬೆಂಕಿ ಇಡೀ ಹಾಲ್ ಅನ್ನು ಆವರಿಸಿಕೊಂಡು, 100ಕ್ಕೂ ಅಧಿಕ ಮಂದಿಯನ್ನು ಬಲಿ ಪಡೆದಿದೆ. ಈ ಎಲ್ಲ ದೃಶ್ಯಗಳು ವಿಡಿಯೋದಲ್ಲಿ ಸೆರೆಯಾಗಿದೆ.
ಈ ದಾರುಣ ಘಟನೆ ಇರಾಕ್ನ ಕರಾಕೋಶ್ ಗ್ರಾಮದ ಸಮೀಪವಿರುವ ಮದುವೆ ಮಂಟಪದಲ್ಲಿ ನಡೆದಿದೆ. ಕ್ರಿಶ್ಚಿಯನ್ ಸಮುದಾಯದ ಮದುವೆ ನಡೆಯುತ್ತಿದ್ದ ವೇಳೆ ಈ ಅವಘಡ ಸಂಭವಿಸಿದೆ. ಮದುವೆ ಮಂಟಪದ ಮೇಲ್ಭಾಗದಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ಅದು ಕ್ಷಣಾರ್ಧದಲ್ಲೆ ಇಡೀ ಹಾಲ್ ಅನ್ನು ಆವರಿಸಿಕೊಂಡಿದೆ.
ರಕ್ಷಣಾ ಅಧಿಕಾರಿಗಳು ಕಾರ್ಯಚರಣೆ ನಡೆಸಿದ್ದಾರೆ. ನಂತರ ಪ್ರತಿಕ್ರಿಯಿಸಿದ ಅವರು ಮದುವೆ ಹಾಲ್ ಅನ್ನು ಕಡಿಮೆ ವೆಚ್ಚದ ಸಾಮಾಗ್ರಿಗಳಿಂದ ನಿರ್ಮಾಣ ಮಾಡಲಾಗಿದೆ. ಅದಲ್ಲದೆ ಅಲಂಕಾರಕ್ಕೆ ಬಳಸಿದ ವಸ್ತುಗಳು ಹೆಚ್ಚು ಸುಡುವ ವಸ್ತುಗಳಾಗಿದ್ದು ಇದು ದೇಶದಲ್ಲಿ ಕಾನೂನು ಬಾಹಿರವಾಗಿದೆ. ಇದರಿಂದ ಇಷ್ಟು ದೊಡ್ಡ ಮಟ್ಟದ ಅವಘಡ ಸಂಭವಿಸಿದೆ ಎಂದು ಅವರು ವಿವರಿಸಿದರು.
ಈ ಘಟನೆ ದೇಶವನ್ನೇ ಬೆಚ್ಚಿಬೀಳಿಸಿದ್ದು, ಅನೇಕ ಮಂದಿ ಸಾಮಾಜಿಕ ಜಾಲತಾಣದಲ್ಲಿ ಸಂತಾಪವನ್ನು ಸೂಚಿಸಿದ್ದಾರೆ.