ಬಿಯರ್ ನಿಂದ ಓಡುತ್ತೆ ಈ ಬೈಕ್ – ಅಚ್ಚರಿ ಅನಿಸಿದ್ರೂ ಇದು ಸತ್ಯ, ಈ ವರದಿ ಓದಿ…
- ಕೌತುಕ-ವಿಜ್ಞಾನ
- May 18, 2023
- No Comment
- 218
ನ್ಯೂಸ್ ಆ್ಯರೋ : ದುಬಾರಿ ಇಂಧನ ಬೆಲೆಯಿಂದಾಗಿ ವಾಹನ ಓಡಿಸಲು ಹಿಂದೆ ಮುಂದೆ ನೋಡಬೇಕಾಗುತ್ತದೆ ಎಂಬುದು ಬಹುತೇಕರ ಗೋಳು. ಜೊತೆಗೆ ಇಂಧನದ ಕೊರತೆಯೂ ದೊಡ್ಡ ಸಮಸ್ಯೆಯಾಗಿ ಕಾಡುತ್ತದೆ. ಇದಕ್ಕಾಗಿ ಪರ್ಯಾಯ ಮಾರ್ಗಗಳ ಅನ್ವೇಷಣೆಯಲ್ಲಿ ವಿಜ್ಞಾನಿಗಳು ತೊಡಗಿದ್ದಾರೆ. ಇದೀಗ ಅಮೆರಿಕಾದ ವ್ಯಕ್ತಿಯೊಬ್ಬರು ಪೆಟ್ರೋಲ್ ಬದಲು ಬಿಯರ್ ನಿಂದ ಓಡುವ ಬೈಕ್ ಕಂಡು ಹಿಡಿದು ಹೊಸ ಸಾಧ್ಯತೆಯ ಭರವಸೆ ಮೂಡಿಸಿದ್ದಾರೆ.
ಅಮೆರಿಕಾದ ಮೈಕೆಲ್ಸನ್ ಈ ಆವಿಷ್ಕಾರ ನಡೆಸಿದ ವ್ಯಕ್ತಿ. ಬಿಯರ್ ನಿಂದ ಚಲಿಸುವ ಈ ಬೈಕ್ ನ ಗರಿಷ್ಠ ವೇಗ ಗಂಟೆಗೆ 240 ಕಿ.ಮೀ. ಎಂದು ಮೈಕೆಲ್ಸನ್ ತಿಳಿಸಿದ್ದಾರೆ.
ಈ ಬೈಕ್ಗೆ ಅನಿಲ ಚಾಲಿತ ಎಂಜಿನ್ ಬದಲು ಹೀಟಿಂಗ್ ಕಾಯಿಲ್ ಅನ್ನು ಬಳಸಲಾಗಿದೆ. ಈ ಕಾಯಿಲ್ ಬಿಯರ್ ಅನ್ನು 300 ಡಿಗ್ರಿಗಳ ವರೆಗೆ ಬಿಸಿ ಮಾಡಿ ಬೈಕ್ ಮುಂದೆ ಚಲಿಸುವಂತೆ ಮಾಡುತ್ತದೆ ಎಂದು ಅವರು ವಿವರಿಸಿದ್ದಾರೆ.
ಮೈಕೆಲ್ಸನ್ ತಯಾರಿಸಿರುವ ಬಿಯರ್ ಚಾಲಿತ ಬೈಕ್ ಇನ್ನೂ ರಸ್ತೆಗೆ ಇಳಿದಿಲ್ಲ. ಆದರೆ ಇದು ಸ್ಥಳೀಯ ಪ್ರದರ್ಶನವೊಂದರಲ್ಲಿ ಮೊದಲ ಸ್ಥಾನವನ್ನು ಗಳಿಸಿದೆ. ಈ ಬೈಕ್ನ ಸಾಮರ್ಥ್ಯ ಪರೀಕ್ಷೆಯ ಬಳಿಕ ದೊಡ್ಡ ಮಟ್ಟದಲ್ಲಿ ಪ್ರದರ್ಶನಕ್ಕೆ ಕೊಂಡೊಯ್ಯುವ ಆಶಯವನ್ನು ಮೈಕೆಲ್ಸನ್ ವ್ಯಕ್ತಪಡಿಸಿದ್ದಾರೆ. ಮೈಕೆಲ್ಸನ್ ಈ ಬೈಕ್ ಅನ್ನು ಬ್ಲೂಮಿಂಗ್ಟನ್ನಲ್ಲಿರುವ ತನ್ನ ಗ್ಯಾರೇಜ್ನಲ್ಲಿ ನಿರ್ಮಿಸಿದ್ದಾರೆ. ”ನಾನು ಮದ್ಯಪಾನ ಮಾಡಲ್ಲ. ಹೀಗಾಗಿ ಬೈಕ್ ಚಲಿಸುವಂತೆ ಮಾಡಲು ಇಂಧನದ ಬದಲು ಬಿಯರ್ ಅನ್ನು ಬಳಸಿದರೆ ಹೇಗೆ ಎಂದು ನಾನು ಯೋಚಿಸಿದ್ದೆ” ಎಂದು ಮೈಕೆಲ್ಸನ್ ಹೇಳಿದ್ದಾರೆ.