ದುಬೈನ ಅತೀ ಎತ್ತರದ ಹೋಟೆಲ್ ನ ತುತ್ತತುದಿಯಲ್ಲಿ ವಿಮಾನ ಲ್ಯಾಂಡಿಂಗ್ – ಹೇಗಿತ್ತು ಗೊತ್ತಾ ಆ ಕ್ಷಣ? ವೈರಲ್ ವಿಡಿಯೋ ನೋಡಿ..
- ಕೌತುಕ-ವಿಜ್ಞಾನ
- March 16, 2023
- No Comment
- 1882
ನ್ಯೂಸ್ ಆ್ಯರೋ : ದುಬೈನ ಅತ್ಯಂತ ಎತ್ತರ ಹೋಟೆಲ್ಗಳಲ್ಲಿ ಒಂದಾದ ಬುರ್ಜ್ ಅಲ್ ಅರಬ್ ಹೋಟೆಲ್ನ ತುತ್ತ ತುದಿಯಲ್ಲಿರುವ ಹೆಲಿಪ್ಯಾಡ್ ಮೇಲೆ ಪೋಲ್ಯಾಂಡ್ನ ಪೈಲೆಟ್ವೊಬ್ಬರು ಯಶಸ್ವಿಯಾಗಿ ವಿಮಾನವನ್ನು ಲ್ಯಾಂಡ್ ಮಾಡಿಸಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ.
ಈ ರೀತಿ ಹೆಲಿಪ್ಯಾಡ್ ಮೇಲೆ ವಿಮಾನವೊಂದನ್ನು ಲ್ಯಾಂಡ್ ಮಾಡಿಸಿದ್ದು ವಿಶ್ವದಲ್ಲೇ ಇದು ಮೊದಲು ಎಂದು ಹೇಳಲಾಗಿದೆ. ಅಂದಹಾಗೇ, ಪೋಲ್ಯಾಂಡ್ನ ಈ ಸಾಹಸಿ ಪೈಲೆಟ್ ಹೆಸರು ಲ್ಯೂಕ್ ಜೆಪಿಯೆಲಾ. ಅವರಿಗೆ 39 ವರ್ಷ. 27 ಮೀಟರ್ ಅಗಲ ಇರುವ, ವಿಶೇಷವಾಗಿ ಮಾರ್ಪಾಡು ಮಾಡಲಾದ ವಿಮಾನವನ್ನು ಪೈಲೆಟ್ ಲ್ಯೂಕ್ ಅವರು ಅತಿ ಎತ್ತರದ ಹೋಟೆಲ್ನ ಹೆಲಿಪ್ಯಾಡ್ ಮೇಲೆ ಲ್ಯಾಂಡ್ ಮಾಡಿಸಿ, ಮತ್ತೆ ಅಲ್ಲಿಂದ ಟೇಕ್ ಆಫ್ ಆಗುವ ವಿಡಿಯೊ ವೈರಲ್ ಆಗಿದ್ದು, ದೃಶ್ಯ ಮೈ ಜುಂ ಎನ್ನುವಂತಿದೆ.
ಹೆಲಿಪ್ಯಾಡ್ ಮೇಲೆ ಹೆಲಿಕಾಪ್ಟರ್ ಲ್ಯಾಂಡ್ ಮಾಡಿಸಬಹುದೇ ಹೊರತು, ವಿಮಾನಗಳನ್ನು ಲ್ಯಾಂಡ್ ಮಾಡಿಸಲು ಆಗದು. ವಿಮಾನಗಳು ಲ್ಯಾಂಡ್ ಆಗಲು ರನ್ ವೇ ಬೇಕು. ಹೀಗಾಗಿ ಪೋಲ್ಯಾಂಡ್ ಪೈಲೆಟ್ ಲ್ಯೂಕ್ ಜೆಪಿಯೆಲಾ ಅವರು, ಒಂದು ಚಿಕ್ಕದಾದ ವಿಮಾನವನ್ನು ಅಷ್ಟೆತ್ತರದ ಹೋಟೆಲ್ ಮೇಲಿನ ಹೆಲಿಪ್ಯಾಡ್ ಮೇಲೆ ಲ್ಯಾಂಡ್ ಮಾಡಿಸಿದ್ದು ಸಾಹಸವೇ ಸೈ.. ಅಂದಹಾಗೇ, ಇವರು ಇದೊಂದು ಸಾಹಸಕ್ಕಾಗಿ ಕಳೆದ ಎರಡು ವರ್ಷಗಳಿಂದ ಸಿದ್ಧತೆ ನಡೆಸಿದ್ದರು ಎನ್ನಲಾಗಿದೆ.
ಒಂದು ಕೃತಕ ದ್ವೀಪದ ಮೇಲೆ ನಿಂತಿರುವ ಬುರ್ಜ್ ಅಲ್ ಅರಬ್ ಹೋಟೆಲ್ 212 ಮೀಟರ್ ಎತ್ತರವಿದೆ. ಒಟ್ಟು 56 ಫ್ಲೋರ್ಗಳು ಇವೆ. ಈ ಐತಿಹಾಸಿಕ ಕಟ್ಟಡದ ತುತ್ತತುದಿಯಲ್ಲಿ ಪೈಲೆಟ್ ವಿಮಾನವನ್ನು ಲ್ಯಾಂಡ್ ಮಾಡಿಸಿದ ವಿಡಿಯೊವನ್ನು ರೆಡ್ ಬುಲ್ ಮೋಟರ್ಸ್ಪೋರ್ಟ್ಸ್ ಇನ್ಸ್ಟಾಗ್ರಾಂ ಅಕೌಂಟ್ನಲ್ಲಿ ಶೇರ್ ಮಾಡಿಕೊಂಡಿದೆ. ಮೈ ಜುಂ ಎನ್ನಿಸುವ ವಿಡಿಯೋ ಇಲ್ಲಿದೆ ನೋಡಿ…
