ಅಬ್ಬ! ಈತ ಲಿಫ್ಟ್ ಕೇಳಿಯೇ ಸಂಚರಿಸಿದ್ದು ಬರೋಬ್ಬರಿ 20 ಸಾವಿರ ಕಿ.ಮೀ.! – ಯಾರಿದು ಸಾಹಸಿ? ಎಲ್ಲಿ ಎಲ್ಲಾ ಸುತ್ತಾಡಿದ್ದ ಗೊತ್ತಾ?
- ಕೌತುಕ-ವಿಜ್ಞಾನ
- August 14, 2023
- No Comment
- 153
ನ್ಯೂಸ್ ಆ್ಯರೋ : ನಾವು ಎಲ್ಲಿಗಾದರೂ ನಡೆದುಕೊಂಡು ಹೋಗುವಾಗ ಅಥವಾ ಬಸ್ ಸಿಗದಿದ್ದರೆ ಯಾವುದಾದರೂ ವಾಹನದಲ್ಲಿ ಲಿಫ್ಟ್ ಕೇಳುತ್ತೇವೆ. ಆದರೆ ಇಲ್ಲೊಬ್ಬ ಇಂತಹ ಲಿಫ್ಟ್ ನಿಂದಲೇ ಪ್ರವಾಸ ಮಾಡಿದ್ದಾನೆ. ಬರೋಬ್ಬರಿ 20 ಸಾವಿರ ಕಿ.ಮೀ.ಯನ್ನು ಕೇವಲ ಲಿಫ್ಟ್ ನಿಂದಲೇ ಪಯಣಿಸಿದ್ದಾನೆ ಎಂದರೆ ನೀವು ನಂಬಲೇ ಬೇಕು.
ಯಾರು ಈ ಸಾಹಸಿ?
ಫ್ರಾನ್ಸ್ ಮೂಲದ 23ರ ಹರೆಯದ ಲುಕಾಸ್ ವೆನ್ನಾರ್ ಇಂತಹ ಸಾಹಸ ಕೈಗೊಂಡ ಯುವಕ. ಫೆಬ್ರವರಿ 4ರಂದು ಫ್ರಾನ್ಸ್ ನಿಂದ ಪ್ರಯಾಣ ಆರಂಭಿಸಿದ ಲುಕಾಸ್ ಎಲ್ಲಿಯೂ ಟಿಕೆಟ್ ಖರೀದಿಸಿಲ್ಲವಂತೆ. ಇತ್ತೀಚೆಗೆ ಅವರು ಮೈಸೂರಿಗೂ ಭೇಟಿ ನೀಡಿದ್ದ.
ಹಡಗು, ಕಾರು, ಬೈಕ್, ಸ್ಕೂಟರ್, ಟ್ರಕ್ ಹೀಗೆ ನಾನಾ ವಾಹನಗಳ ಮೂಲಕ ಲುಕಾಸ್ ಪ್ರವಾಸ ಸಾಗಿದೆ. ಆಫ್ರಿಕಾ, ಚೀನಾ, ಟಿಬೇಟ್, ಖಜಕಿಸ್ತಾನ, ಅಘ್ಫಾನಿಸ್ತಾನ, ಬಾಂಗ್ಲಾದೇಶ, ಭಾರತ ಸೇರಿ ಈಗಾಗಲೇ 14 ದೇಶಗಳಲ್ಲಿ ಸಂಚರಿಸಿದ್ದಾನೆ. ಇತ್ತೀಚೆಗೆ ಮೈಸೂರು ಅರಮನೆಗೆ ಭೇಟಿ ನೀಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದ.
ಇದೀಗ ಭಾರತ ಪ್ರವಾಸ ಮುಗಿಸಿರುವ ಲುಕಾಸ್ ಮುಂದಿನ ಗುರಿ ಶ್ರೀಲಂಕಾ. ಸ್ವಿಟ್ಜರ್ ಲ್ಯಾಂಡ್ ತನಕ ಲಿಫ್ಟ್ ಮೂಲಕವೇ ಸಂಚರಿಸಬೇಕೆಂಬ ಗುರಿ ಹೊಂದಿದ್ದಾನೆ.