ಹೆಚ್ಚಿನ ಹೃದಯಾಘಾತ ಚಳಿಗಾಲದಲ್ಲೇ ಸಂಭವಿಸುತ್ತದೆ! ಇದರಿಂದ ತಪ್ಪಿಸಿಕೊಳ್ಳುವ ಮಾರ್ಗ ಇಲ್ಲಿದೆ

ನ್ಯೂಸ್ ಆ್ಯರೋ : ಚಳಿಗಾಲದ ಶೀಲ ವಾತಾವರಣದಿಂದಾಗಿ ಕೆಮ್ಮು, ಶೀತ, ನೆಗಡಿ, ಜ್ವರ ಸೇರಿದಂತೆ ಹೆಚ್ಚಿನ ಹೃದಯಾಘಾತ ಸಂಭವಿಸುವ ಸಾದ್ಯತೆ ಇರುತ್ತದೆ. ಆದ್ದರಿಂದ ಚಳಿಗಾಲದಲ್ಲಿ ದೇಹದೊಂದಿಗೆ ಹೃದಯದ ಆರೋಗ್ಯ ಕಾಪಾಡಿಕೊಳ್ಳುವುದು ಬಹು ಮುಖ್ಯವಾಗಿದೆ‌. ನೀವು ಈ ಕೆಳಗಿರುವ ಮಾರ್ಗಗಳನ್ನು ಅನುಸರಿಸಿದರೆ ಖಂಡಿತವಾಗಿ ಚಳಿಗಾಲದಲ್ಲಿ ಉಂಟಾಗಬಹುದಾದ ಅನಿಶ್ಚಿತ ಹೃದಯಾಘಾತದಿಂದ ತಪ್ಪಿಸಿಕೊಳ್ಳಬಹುದು.

ಕೆಲವೊಂದು ಸಂಶೋಧನೆಗಳ ಪ್ರಕಾರ, ಹೆಚ್ಚು ದಪ್ಪ ಇರುವವರಲ್ಲಿ ಅಥವಾ ದೇಹದಲ್ಲಿ ಹೆಚ್ಚು ಜೊಜ್ಜು ಹೊಂದಿರುವವರಲ್ಲಿ ಅಥವಾ ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿರುವವರಲ್ಲಿ ಹೃದಯಾಘಾತ ಸಂಭವಿಸುವ ಸಾಧ್ಯತೆ ಇರುತ್ತದೆ.

ಚಳಿಗಾಲದಲ್ಲಿ ವಾತಾವರಣ ಚಳಿ ಅಥವಾ ಶೀತಗಾಳಿ ಹೆಚ್ಚಿರುವ ಕಾರಣ ನಮ್ಮ ರಕ್ತ ನಾಳಗಳು ಕಿರಿದಾಗುತ್ತವೆ. ಇದರಿಂದಾಗಿ ರಕ್ತದೊತ್ತಡ ಹೆಚ್ಚುತ್ತದೆ ಮತ್ತು ಬಿಪಿ ಹೆಚ್ಚಾಗುವುದರಿಂದ ಹೃದಯಾಘಾತ ಸಂಭವಿಸುವ ಸಾಧ್ಯತೆ ಇರುತ್ತದೆ.

ಶೀತ ವಾತಾವರಣದಲ್ಲಿ ಬೆಳಗ್ಗಿನ ಸಮಯ ಜನರ ಓಡಾಟ, ಜಾಗಿಂಗ್, ವ್ಯಾಯಾಮಗಳನ್ನು ಕೈಗೊಳ್ಳುವ ಕಾರಣ ಈ ಸಮಯದಲ್ಲೇ ಹೃದಯಾಘಾತ ಸಂಭವಿಸುವ ಸಾಧ್ಯತೆ ಇರುತ್ತದೆ. ಚಳಿಯಿಂದಾಗಿ ದೇಹದಲ್ಲಿನ ಉಷ್ಣಾಂಶ ಇಳಿಮುಖವಾಗಿ ಸಾಗುತ್ತದೆ. ಇದರಿಂದಾಗಿ ದೇಹದ ಉಷ್ಣತೆಯನ್ನು ಸಮೀಕರಿಸುವಾಗ ರಕ್ತದೊತ್ತಡ ಹೆಚ್ಚಾಗಿ ಹೃದಯಾಘಾತ ಸಂಭವಿಸುವ ಸಾಧ್ಯತೆ ಹೆಚ್ಚಿರುತ್ತದೆ ಎಂಬು ವೈದ್ಯರ ಅಭಿಪ್ರಾಯ.

ಇನ್ನೂ ಚಳಿಗಾಲದ ಬೆಳಿಗ್ಗೆ ಮನೆಯಿಂದ ಹೊರಗೆ ಹೋಗದೇ ಇರುವುದರಿಂದ, ಆಹಾರದಲ್ಲಿ ಕಡಿಮೆ ಉಪ್ಪು ತಿನ್ನುವುದರಿಂದ, ಬಿಸಿಲಿನ ತಾಪವನ್ನು ಹೆಚ್ಚು ಅನುಭವಿಸುವುದರಿಂದ, ಪ್ರತಿನಿತ್ಯ ಸ್ವಲ್ಪ ವ್ಯಾಯಾಮ ಮಾಡುವುದರಿಂದ, ಆಹಾರದ ಮೇಲಿನ ನಿಯಂತ್ರಣದಿಂದ, ದೇಹವನ್ನು ಮುಚ್ಚಿಕೊಳ್ಳುವ ಬೆಚ್ಚಗಿನ ಬಟ್ಟೆಗಳನ್ನು ಹೆಚ್ಚಾಗಿ ಧರಿಸುವುದರಿಂದ ಮತ್ತು ವೃದ್ಯರನ್ನು ಭೇಟಿಯಾಗಿ ಆರೋಗ್ಯ ತಪಾಸಣೆ ನಡೆಸುವುದರಿಂದಾಗಿ ಚಳಿಗಾಲದ ಅನಿಶ್ಚಿತ ಹೃದಯಾಘಾತದಿಂದ ತಪ್ಪಿಸಿಕೊಳ್ಳಬಹುದಾಗಿದೆ.