ಅಗತ್ಯ ದಾಖಲೆ, ಮೊಬೈಲ್ ಕಳೆದು ಹೋದರೆ ಪೋಲಿಸ್ ಠಾಣೆಗೆ ಹೋಗಬೇಕಿಲ್ಲ – ಮನೆಯಲ್ಲೇ ಕುಳಿತು ದೂರು ನೀಡಬಹುದು : ಮಾಹಿತಿ ಇಲ್ಲಿದೆ..
- ಸರ್ಕಾರಿ ಸೇವೆಗಳು
- August 14, 2023
- No Comment
- 178
ನ್ಯೂಸ್ ಆ್ಯರೋ : ಕೆಲವೊಂದು ಬಾರಿ ಅಗತ್ಯ ದಾಖಲೆಗಳು, ಮೊಬೈಲ್ ಫೋನ್ ಕಳೆದು ಹೋಗುತ್ತವೆ. ಹಿಂದೆಲ್ಲ ಈ ಸಂದರ್ಭದಲ್ಲಿ ಪೊಲೀಸ್ ಠಾಣೆಗೆ ತೆರಳಿ ಈ ಬಗ್ಗೆ ದೂರು ನಿಡಬೇಕಾಗಿತ್ತು. ಆದರೆ ಈಗ ಅದರ ಆವಶ್ಯಕತೆ ಇಲ್ಲ. ಕುಳಿತಲ್ಲಿಂದಲೇ ದೂರು ನೀಡಬಹುದು. ಅದು ಹೇಗೆ ಎನ್ನುವುದರ ಮಾಹಿತಿ ಇಲ್ಲಿದೆ.
ಹೀಗೆ ಮಾಡಿ
ರಾಜ್ಯ ಪೊಲೀಸ್ ಇಲಾಖೆಯ ವೆಬ್ ಸೈಟ್ https://ksp.karnataka.gov.in/ಗೆ ಭೇಟಿ ನೀಡಿದಾಗ ಇ-ಲಾಸ್ಟ್(E-Lost)ಎನ್ನುವ ಆಯ್ಕೆ ಕಾಣಿಸುತ್ತದೆ. ಅಲ್ಲಿ ಕ್ಲಿಕ್ ಮಾಡಿದರೆ ಮತ್ತೊಂದು ಪುಟ ತೆರೆದುಕೊಳ್ಳುತ್ತದೆ. ಕಳೆದು ಹೋದ ವಸ್ತುವಿನ ಬಗ್ಗೆ ಅಲ್ಲಿ ಉಲ್ಲೇಖಿಸಬಹುದು.
ಮಾತ್ರವಲ್ಲ ಗೂಗಲ್ ಪ್ಲೇ ಸ್ಟೋರ್ ನಲ್ಲಿ KSP APP ಡೌನ್ ಲೋಡ್ ಮಾಡಿ, ಇ-ಲಾಸ್ಟ್ ಎಂಬ ಮೆನು ಆಯ್ಕೆ ಮಾಡಿಕೊಂಡು ಫೋನ್ ನಂಬರ್ ನಮೂದಿಸಿ ಕಳೆದುಕೊಂಡ ವಸ್ತುವಿನ ಬಗ್ಗೆ ದೂರು ನೀಡಿ, ರಶೀದಿ ಪಡೆದುಕೊಳ್ಳಬಹುದು.
ಯಾವೆಲ್ಲ ದಾಖಲೆ ಕಳೆದು ಹೋದರೆ ದೂರು ನೀಡಬಹುದು?
ಕ್ರೆಡಿಟ್, ಡೆಬಿಟ್ ಕಾರ್ಡ್, ಡ್ರೈವಿಂಗ್ ಲೈಸೆನ್ಸ್, ಚೆಕ್, ಡಿಡಿ, ವೋಟರ್ ಐಡಿ, ಟ್ಯಾಬ್, ಐ ಪ್ಯಾಡ್, ಲ್ಯಾಪ್ ಟಾಪ್, ಮೊಬೈಲ್ ಫೋನ್, ಪಾನ್ ಕಾರ್ಡ್, ರೇಷನ್ ಕಾರ್ಡ್, ಮಾರ್ಕ್ಸ್ ಕಾರ್ಡ್, ಬ್ಯಾಂಕ್ ಪಾಸ್ ಬುಕ್.