LIC Policy: Super policy from LIC, if you pay for 5 years, lifetime income!

LIC ಯಿಂದ ಸೂಪರ್ ಪಾಲಿಸಿಯ ಬಗ್ಗೆ ನ ನಿಮಗ್ಗೊತ್ತಾ? – 5 ವರ್ಷ ಕಟ್ಟಿದ್ರೆ ಜೀವನ ಪೂರ್ತಿ ಆದಾಯ!

ನ್ಯೂಸ್ ಆ್ಯರೋ : ಲೈಫ್ ಇನ್ಶುರೆನ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (LIC) ವಿವಿಧ ವರ್ಗಗಳಿಗೆ ವಿವಿಧ ರೀತಿಯ ವಿಮಾ ಪಾಲಿಸಿಗಳನ್ನು ನೀಡುತ್ತದೆ. ಮಕ್ಕಳು, ಮಹಿಳೆಯರು, ಹಿರಿಯ ನಾಗರಿಕರಿಗಾಗಿ ವಿಶೇಷ ಪಾಲಿಸಿಗಳನ್ನು ನೀಡುತ್ತಿರು ಎಲ್ಐಸಿಯ ಕೆಲವು ಪಾಲಿಸಿಗಳು ಜನಪ್ರಿಯವಾಗಿವೆ. ಆ ಯೋಜನೆಗಳಲ್ಲಿ ರಿಟರ್ನ್ಸ್ ಹೆಚ್ಚು ಇರುವುದರಿಂದ ಹೆಚ್ಚಿನ ಜನರು ಆ ಎಲ್ಐಸಿ ಪಾಲಿಸಿಗಳನ್ನು ತೆಗೆದುಕೊಳ್ಳಲು ಆಸಕ್ತಿ ತೋರಿಸುತ್ತಾರೆ. ಇದೀಗ ಹೊಸದೊಂದು ಪಾಲಿಸಿ ಜಾರಿಯಾಗಿದ್ದು, ಕೇವಲ 5 ವರ್ಷ ಕಟ್ಟಿದ್ರೆ ಜೀವನ ಪೂರ್ತಿ ಆದಾಯ ಪಡೆಯಬಹುದು. ಈ ಬಗೆಗಿನ ಕಂಪ್ಲೀಟ್ ಡೀಟೈಲ್ಸ್ ಇಲ್ಲಿದೆ.

ಯಾವಾ ಪಾಲಿಸಿ, ಎಷ್ಟು ವಯೋಮಿತಿ?

ಎಲ್ಐಸಿ ಹೊಸ ಪಾಲಿಸಿ ಆರಂಭಿಸಿದ್ದು, ಅದಕ್ಕೆ ‘ಜೀವನ್ ಉತ್ಸವ್’ ಎಂಬ ಹೆಸರಿಡಲಾಗಿದೆ. ಇದನ್ನು ನವೆಂಬರ್ 29 ರಿಂದ ಲಭ್ಯಗೊಳಿಸಲಾಗಿದೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ. ಅಪ್ರಾಪ್ತ ವಯಸ್ಕರು, ಪುರುಷ ಮತ್ತು ಮಹಿಳೆಯರು ಈ ಪಾಲಿಸಿಯನ್ನು ತೆಗೆದುಕೊಳ್ಳಬಹುದು. ಪಾಲಿಸಿಯನ್ನು ತೆಗೆದುಕೊಳ್ಳುವ ಕನಿಷ್ಠ ವಯಸ್ಸು 90 ದಿನಗಳು. ಗರಿಷ್ಠ ವಯಸ್ಸು 65 ವರ್ಷಗಳು. ಪಾಲಿಸಿ ಪಾವತಿಗೆ ಗರಿಷ್ಠ ವಯಸ್ಸು 75 ವರ್ಷಗಳು.

5 ವರ್ಷದಿಂದ 16 ವರ್ಷಗಳವರೆಗೆ ಪ್ರೀಮಿಯಂ ಪಾವತಿಸಬೇಕು. ಕನಿಷ್ಠ ವಿಮಾ ಮೊತ್ತ ರೂ.5 ಲಕ್ಷಗಳು. ಕಾಯುವ ಅವಧಿಯು ಆಯ್ಕೆಮಾಡಿದ ಅವಧಿಯನ್ನು ಅವಲಂಬಿಸಿರುತ್ತದೆ. ನೀವು ಐದು ವರ್ಷಗಳ ಪ್ರೀಮಿಯಂ ಪಾವತಿ ಅವಧಿಯನ್ನು ಆರಿಸಿದರೆ ನೀವು 5 ವರ್ಷಗಳವರೆಗೆ ಕಾಯಬೇಕಾಗುತ್ತದೆ.

ಪ್ರತಿ ವರ್ಷ 10% ಲಾಭಾಂಶ ಲಭ್ಯ!

ಪ್ರೀಮಿಯಂ ಅವಧಿಯನ್ನು ಪೂರ್ಣಗೊಳಿಸಿದ ನಂತರ, ನಾವು ಇನ್ನೂ ಐದು ವರ್ಷಗಳವರೆಗೆ ಕಾಯಬೇಕಾಗಿದೆ. ಮುಂದಿನ ವರ್ಷದಿಂದ, ಅಂದರೆ ನೀವು ಪಾಲಿಸಿಯನ್ನು ತೆಗೆದುಕೊಂಡ 11 ನೇ ವರ್ಷದಿಂದ, ನೀವು ಪ್ರತಿ ವರ್ಷ ವಿಮಾ ಮೊತ್ತದ 10 ಪ್ರತಿಶತವನ್ನು ಪಡೆಯುತ್ತೀರಿ. ನೀವು ರೂ. 5 ಲಕ್ಷ ಪಾಲಿಸಿ ಆದ್ದರಿಂದ ಅದರಲ್ಲಿ ಪ್ರತಿ ವರ್ಷ 50 ಸಾವಿರ ನಿಮಗೆ ಬರುತ್ತದೆ.

ಈ ಮೊತ್ತವು ನೀವು ಬದುಕಿರುವವರೆಗೆ ಬರುತ್ತದೆ. ಇದನ್ನು ಪ್ರತಿ ವರ್ಷ ವರ್ಷದ ಕೊನೆಯಲ್ಲಿ ಹಿಂಪಡೆಯಬಹುದು. ಈ ಮೊತ್ತವನ್ನು ಎಲ್ಐಸಿಯಲ್ಲಿ ಇರಿಸಿದರೆ, ಚಕ್ರಬಡ್ಡಿಯು ಶೇಕಡಾ 5.5 ರ ದರದಲ್ಲಿ ಸೇರಿಕೊಳ್ಳುತ್ತದೆ. ಈ ಮೊತ್ತವನ್ನು ಡ್ರಾ ಮಾಡದೆ ಬಿಟ್ಟರೆ, ಚಕ್ರಬಡ್ಡಿಯ ಪರಿಣಾಮದ ಅಡಿಯಲ್ಲಿ ದೊಡ್ಡ ಪ್ರಮಾಣದ ಹಣವನ್ನು ಸಂಗ್ರಹಿಸಲು ಸಹಾಯ ಮಾಡುತ್ತದೆ.

ಇದೆಲ್ಲದರ ಹೊರತು ಪಾಲಿಸಿದಾರ ಮರಣ ಹೊಂದಿದರೆ ಸಂಚಿತ ಮೊತ್ತ ಮತ್ತು ಮರಣದ ಪ್ರಯೋಜನಗಳನ್ನು ನಾಮಿನಿಗೆ ಪಾವತಿಸಲಾಗುತ್ತದೆ. ಒಟ್ಟಾರೆಯಾಗಿ ಎಲ್ಐಸಿಯು ಜೀವನಕ್ಕೆ ಉತ್ಸಾಹ ನೀಡುವಂತಹ ‘ಜೀವನ್ ಉತ್ಸವ್’ ಎಂಬ ಪಾಲಿಸಿ ಆರಂಭಿಸಿದ್ದು, ನಿಜಕ್ಕೂ ಜನರ ಪಾಲಿಗೆ ಲಾಭದಾಯಕವಾಗಿದೆ.