You don't have to get married. Katrina Kaif threatened the famous actor before marriage

ವಿಕ್ಕಿ ಕೌಶಲ್ ಗೆ ‘ನನ್ನನ್ನು ನೀನು ಮದ್ವೆಯಾಗ್ಲೇಬೇಡ’ ಎಂದಿದ್ರಂತೆ ಕತ್ರೀನಾ..! – ವಿಕ್ಕಿ ಮೇಲೆ ಸಿಟ್ಟಾಗಿದ್ಯಾಕೆ ಕ್ಯಾಟ್?

ನ್ಯೂಸ್ ಆ್ಯರೋ : ಬಾಲಿವುಡ್ ನಲ್ಲಿ ಕೆಲವು ಸೆಲೆಬ್ರೆಟಿಗಳು ತಮ್ಮದೇ ರೀತಿಯಲ್ಲಿ ಸಿನಿಮಾ ರಂಗದಲ್ಲಿ ಕೆಲಸ ಮಾಡುವ ಸೆಲೆಬ್ರೆಟಿಗಳನ್ನು ವಿವಾಹವಾಗಿ ಅತ್ಯಂತ ಬ್ಯೂಟಿಫುಲ್ ಆಗಿ ಜೀವನ ಸಾಗಿಸುತ್ತಿದ್ದಾರೆ. ಕೆರಿಯರ್ ಕೂಡಾ ತಮ್ಮ ವೈಯಕ್ತಿಕ ಬದುಕಿನ ಜೊತೆಗೆ ಸರಿದೂಗಿಸಿಕೊಂಡು ಹೋಗುತ್ತಿದ್ದಾರೆ. ಬಾಲಿವುಡ್ ನ ಕೆಲವು ಕ್ಯೂಟ್ ಜೋಡಿಯ ಪಟ್ಟಿಯಲ್ಲಿ ಕತ್ರಿನಾ ಕೈಫ್- ವಿಕ್ಕಿ ಕೌಶಲ್ ಅವರ ಜೋಡಿಯೂ ಒಂದು. ಇದೀಗ ಅವರ ವಿವಾಹ ಜೀವನದ ಬಗ್ಗೆ ವಿಕ್ಕಿ ಕೌಶಲ್ ಇಂಟ್ರೆಸ್ಟಿಂಗ್ ವಿಷಯವೊಂದನ್ನು ಬಹಿರಂಗಗೊಳಿಸಿದ್ದಾರೆ.

ಸದ್ಯ ಸಾಲು ಸಾಲು ಸಿನಿಮಾಗಳಲ್ಲಿ ವಿಕ್ಕಿ ಕತ್ರೀನಾ ಬ್ಯುಸಿಯಾಗಿದ್ದಾರೆ. ಈ ನಡುವೆ ಸಂದರ್ಶನವೊಂದರಲ್ಲಿ ವಿಕ್ಕಿ ತನ್ನ ಪತ್ನಿಯ ಬಗ್ಗೆ ಹೇಳಿರುವ ಮಾತೊಂದು ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗಿದೆ.

ವಿವಾಹಕ್ಕೂ ಮುನ್ನ ನನ್ನ ಮದ್ವೆಯಾಗಬೇಡ ಅಂದಿದ್ರಂತೆ ಕತ್ರಿನಾ…!

ವಿವಾಹಕ್ಕೂ ಮುನ್ನ ವಿಕ್ಕಿಗೆ ಕತ್ರೀನಾ ಮದುವೆಯಾಗಲೇ ಬೇಡ ಅಂತ ಹೇಳಿದ್ದರಂತೆ. ಈ ಕುರಿತು ಇಂಟ್ರೆಸ್ಟಿಂಗ್‌ ವಿಚಾರವನ್ನು ನಟ ಬಿಚ್ಚಿಟ್ಟಿದ್ದಾರೆ. ನಮ್ಮ ಮದುವೆಗೂ ಮೊದಲು ಸಿನಿಮಾ ಶೂಟಿಂಗ್ ಅರ್ಧ ಆಗಿತ್ತು. ಮದುವೆಗಾಗಿ ನಾನು ರಜೆ ತೆಗೆದುಕೊಂಡಿದ್ದೆ. ವಿವಾಹ ಮುಗಿದ ಎರಡು ದಿನದಲ್ಲೇ ಮತ್ತೆ ಸೆಟ್​ನಲ್ಲಿರಬೇಕಾಗಿತ್ತು. ಈ ವೇಳೆ ಕತ್ರೀನಾ ನನಗೆ ಬೆದರಿಕೆ ಹಾಕಿದ್ದರು ಎಂದ ಹೇಳಿಕೊಂಡಿದ್ದಾರೆ.

ಘಟನೆ ಕುರಿತು ವಿವರವಾಗಿ ಹೇಳಿರುವ ಕೌಶಲ್‌, ಮದುವೆಯಾಗಿ ಎರಡು ದಿನದಲ್ಲಿ ಸೆಟ್​ಗೆ ಹೋಗಬೇಕೆಂದರೆ ಮದುವೆಯಾಗಲೇ ಬೇಡ ಅಂತ ಕತ್ರೀನಾ ಹೇಳಿದ್ದರಂತೆ. ಹಾಗಾಗಿ 2 ದಿನ ಇದ್ದ ರಜೆಯನ್ನು 5ಕ್ಕೆ ಮುಂದೂಡಿದೆ ಅಂತ ಹೆಂಡತಿ ಬಗ್ಗೆ ಹೇಳಿಕೊಂಡಿದ್ದಾರೆ.

2021 ಡಿಸೆಂಬರ್‌ 9ರಂದು ವಿಕ್ಕಿ ಮತ್ತು ಕತ್ರೀನಾ ಅದ್ಧೂರಿಯಾಗಿ ಮದುವೆಯಾಗಿದ್ದರು. ಭಾರತೀಯ ಸಿನಿ ನಟರಿಂದ ಹಿಡಿದು ರಾಜಕಾರಣಿಗಳು, ಇಬ್ಬರ ಅಭಿಮಾನಿಗಳು ಜೋಡಿಗೆ ಶುಭ ಹಾರೈಸಿದ್ದರು. ಇಂದಿಗೂ ಈ ಸ್ಟಾರ್‌ ಬಹಲ ಅನ್ಯೋನ್ಯವಾಗಿದ್ದಾರೆ. ಸದ್ಯ ಅಭಿಮಾನಿಗಳು, ಈ ಜೋಡಿ ಯಾವಾಗ ಗುಡ್​ನ್ಯೂಸ್ ಕೊಡುತ್ತಾರೆ ಅಂತ ಕಾಯುತ್ತಿದ್ದಾರೆ.

ಈ ದಂಪತಿಯ ಸಿನಿಮಾ ಬಗ್ಗೆ ಹೇಳೋದಾದ್ರೆ….

ಸಿನಿಮಾ ವಿಚಾರವಾಗಿ ಹೇಳುವುದಾದರೆ, ಕತ್ರೀನಾ ಕೈಫ್ ಅಭಿನಯದ ಟೈಗರ್ 3 ಸಿನಿಮಾ ಇತ್ತೀಚೆಗಷ್ಟೇ ರಿಲೀಸ್ ಆಗಿದ್ದು ಉತ್ತಮ ಪ್ರದರ್ಶನ ಕಾಣುತ್ತಿದೆ. ಅಲ್ಲದೆ, ಬಾಕ್ಸ್‌ ಆಫೀಸ್‌ನಲ್ಲಿ ಸಖತ್‌ ಸೌಂಡ್‌ ಮಾಡುತ್ತಿರುವ ಸಿನಿಮಾ ಈಗಾಲೇ 400 ಕೋಟಿ ಗಳಿಸಿದೆ. ವಿಕ್ಕಿ ಕೌಶಲ್ ಕೂಡಾ ಹಲವು ಸಿನಿಮಾಗಳ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ.