ಹಾಲಿವುಡ್ ಸಿನಿಮಾದಲ್ಲಿ ಪಬ್ಲಿಕ್ ಟಿವಿಯ ಮುಖ್ಯಸ್ಥ ರಂಗನಾಥ್ – ಫಾಸ್ಟ್ & ಫ್ಯೂರಿಯಸ್ 10 ಚಿತ್ರದಲ್ಲಿ ರಂಗಣ್ಣ ನಟನೆ

ನ್ಯೂಸ್ ಆ್ಯರೋ‌ : ಈ ಹಿಂದೆ ಸಾಬು ದಸ್ತಗಿರಿ ಹಲವು ಹಾಲಿವುಡ್ ಸಿನಿಮಾಗಳಲ್ಲಿ ನಟಿಸಿದ್ದರು. ಆ ಮೂಲಕ ವಿದೇಶಿ ಭಾಷೆಯಲ್ಲಿ ಕಾಣಿಸಿಕೊಂಡ ಮೊದಲ ಮೈಸೂರಿನ ವ್ಯಕ್ತಿ ಎನಿಸಿಕೊಂಡಿದ್ದರು. ಅದಾದ ಹಲವು ವರ್ಷಗಳ ಬಳಿಕ ಇನ್ನೊಬ್ಬ ಮೈಸೂರು ಮೂಲದ ವ್ಯಕ್ತಿಯೊಬ್ಬರು ಹಾಲಿವುಡ್ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ದೈನಂದಿನ ಸುದ್ದಿಗಳನ್ನು ಬಿಗ್ ಬುಲೆಟಿನ್ ಮೂಲಕ ಕನ್ನಡಿಗರಿಗೆ ತಲುಪಿಸುವ ಪಬ್ಲಿಕ್ ಟಿವಿ ಮುಖ್ಯಸ್ಥ ಎಚ್.ಆರ್.ರಂಗನಾಥ್ ಇದೀಗ ಹಾಲಿವುಡ್ ಸಿನಿಮಾಗೆ ಸಾಥ್ ನೀಡಿದ್ದು, ಈ ಕುರಿತಾದ ವೀಡಿಯೋ ವೈರಲ್ ಆಗಿದೆ.

ಹಾಲಿವುಡ್ ನ ‘ಫಾಸ್ಟ್ & ಫ್ಯೂರಿಯಸ್ 10’ ಸಿನಿಮಾ ರಿಲೀಸ್‌ಗೂ (ಮೇ 19) ಮುನ್ನವೇ ಇದರ ಭಾಗವಾಗಿರುವ ಎಚ್.ಆರ್.ರಂಗನಾಥ್ ಅವರನ್ನೊಳಗೊಂಡ ವೀಡಿಯೋವೊಂದು ಹರಿದಾಡುತ್ತಿದೆ. ರೋಮ್‌ನಲ್ಲಿ ಬಾಂಬ್ ಬ್ಲಾಸ್ಟ್ ಆಗಿರುವ ಸುದ್ದಿಯನ್ನು ರಂಗನಾಥ್ ಈ ಚಿತ್ರದ ಮೂಲಕ‌ ಪ್ರಸ್ತುತ ಪಡಿಸಿದ್ದಾರೆ.

ಈ ಸುದ್ದಿ ಪಬ್ಲಿಕ್ ಟಿವಿ ಆಫೀಸಿನಲ್ಲಿ ಚಿತ್ರೀಕರಣವಾಗಿದೆ. ಈ ಮೂಲಕ ಹಾಲಿವುಡ್‌ಗೆ ಹಾರಿದ ಮೈಸೂರಿನ ಎರಡನೇ‌ ವ್ಯಕ್ತಿ ಇವರಾಗಿದ್ದಾರೆ. ಸದ್ಯ ಈ ವೈರಲ್ ವೀಡಿಯೋದ ಕುರಿತಾದ ಚರ್ಚೆ ಜೋರಾಗಿ ನಡೆಯುತ್ತಿದೆ.