ಹಂಪಿ ವಿವಿಯಲ್ಲಿ ಪಿಎಚ್ಡಿ ಪ್ರವೇಶ ಪರೀಕ್ಷೆ ಬರೆದ ಪವಿತ್ರಾ ಲೋಕೇಶ್ – ನಟ ನರೇಶ್ ಸಾಥ್, ನಟನೆ ತೊರೆಯುತ್ತಾರಾ ನಟಿ?
- ಮನರಂಜನೆ
- May 31, 2023
- No Comment
- 112
ನ್ಯೂಸ್ ಆ್ಯರೋ : ಪ್ರತಿಭಾನ್ವಿತ ನಟಿ ಪವಿತ್ರಾ ಲೋಕೇಶ್ ಇತ್ತೀಚೆಗೆ ಸಿನಿಮಾಗಳಿಗಿಂತ ವೈಯಕ್ತಿಕ ವಿಚಾರಕ್ಕೇ ಸುದ್ದಿಯಾದದ್ದು ಹೆಚ್ಚು. ತೆಲುಗು ನಟ ವಿ.ಕೆ.ನರೇಶ್ ಜೊತೆಗಿನ ಸಂಬಂಧ ವಿಚಾರವಾಗಿ ಅವರು ಸುದ್ದಿಯಲ್ಲಿದ್ದಾರೆ. ಈ ಮಧ್ಯೆ ಪವಿತ್ರಾ ಲೋಕೇಶ್ ಪಿಎಚ್ಡಿ ಪಡೆಯಲು ಮುಂದಾಗಿದ್ದಾರೆ.
ಕಳೆದ ವಾರ ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಅಭಿನಯದ ‘ಮಳ್ಳಿ ಪೆಳ್ಳಿ’ ಸಿನಿಮಾ ಬಿಡುಗಡೆಯಾಗಿದೆ. ಇವರಿಬ್ಬರ ಜೀವನವನ್ನು ಆಧರಿಸಿದ ಕಥೆ ಇದು ಎನ್ನಲಾಗಿದ್ದು, ಈ ಚಿತ್ರಕ್ಕೆ ವಿಮರ್ಶಕರು ಮಿಶ್ರ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದರು. ಇದೀಗ ಚಿತ್ರರಂಗದ ಗುಂಗಿನಿಂದ ಸ್ವಲ್ಪ ಈಚೆ ಬಂದಿರುವ ಪವಿತ್ರಾ ಲೋಕೇಶ್ ಹಂಪಿ ವಿಶ್ವವಿದ್ಯಾನಿಲಯದಲ್ಲಿ ಪಿಎಚ್ಡಿ ಪ್ರವೇಶ ಪರೀಕ್ಷೆ ಬರೆದಿದ್ದಾರೆ.
ಕನ್ನಡ ಸಾಹಿತ್ಯ ಕ್ಷೇತ್ರದಲ್ಲಿ ಸಾಧನೆ ಮಾಡುವುದಕ್ಕೆ ಪವಿತ್ರಾ ಲೋಕೇಶ್ ಮುಂದಾಗಿದ್ದಾರೆ. ಹಂಪಿ ವಿಶ್ವವಿದ್ಯಾನಿಲಯದಲ್ಲಿ ಕನ್ನಡ ಸಾಹಿತ್ಯ ವಿಚಾರವಾಗಿ ಪಿಎಚ್ಡಿ ಪ್ರವೇಶ ಪರೀಕ್ಷೆ ಬರೆದಿದ್ದು, ಈ ವೇಳೆ ನರೇಶ್ ಕೂಡ ಜೊತೆಯಲ್ಲಿದ್ದರು.
ಚಿತ್ರರಂಗ ತೊರೆಯುತ್ತಾರಾ ಪವಿತ್ರಾ ಲೋಕೇಶ್?
ಹೀಗೊಂದು ಪ್ರಶ್ನೆ ಈಗ ಅವರ ಅಭಿಮಾನಿಗಳನ್ನು ಕಾಡುತ್ತಿದೆ. ನರೇಶ್ ಹಾಗೂ ಪವಿತ್ರಾ ಲೋಕೇಶ್ ವಿಷಯ ಹೊರಬೀಳುತ್ತಿದ್ದಂತೆ ಟಾಲಿವುಡ್ ಹಾಗೂ ಸ್ಯಾಂಡಲ್ವುಡ್ನಲ್ಲಿ ಚರ್ಚೆಯೇ ನಡೆದಿತ್ತು. ಮಾತ್ರವಲ್ಲ ಪವಿತ್ರಾ ಲೋಕೇಶ್ಗೆ ಟಾಲಿವುಡ್ನಲ್ಲಿ ಆಫರ್ಗಳು ಕಡಿಮೆಯಾಗಿವೆ ಎಂದು ಸುದ್ದಿಯಾಗಿತ್ತು. ನರೇಶ್ ಪತ್ನಿ ರಮ್ಯಾ ರಘುಪತಿ ಆರೋಪ ಮಾಡಿದ್ದಲ್ಲಿಂದ ಪವಿತ್ರಾ ಲೋಕೇಶ್ ಸಿನಿಮಾದಲ್ಲಿ ಕಾಣಿಸಿಕೊಳ್ಳುವುದು ಕೂಡ ಕಡಿಮೆಯಾಗಿದೆ. ಇತ್ತ ಪಿಎಚ್ಡಿ ಪ್ರವೇಶ ಪರೀಕ್ಷೆ ಬೇರೆ ಬರೆದಿದ್ದಾರೆ. ಹೀಗಾಗಿ ಚಿತ್ರರಂಗದಿಂದ ದೂರ ಉಳಿಯಲು ಪವಿತ್ರಾ ಲೋಕೇಶ್ ನಿರ್ಧರಿಸಿದ್ದಾರಾ? ಸಿನಿಮಾ ಗುಡ್ ಬೈ ಹೇಳಿ ಡಾಕ್ಟರೇಟ್ ಪದವಿ ಪಡೆಯುತ್ತಾರಾ? ಎನ್ನುವ ಅನುಮಾನ ಆರಂಭವಾಗಿದೆ.