ಕ್ಯಾನ್ಸರ್ ಶಸ್ತ್ರಚಿಕಿತ್ಸೆಗೆ ಒಳಗಾದ ನವಜೋತ್ ಸಿಧು ಪತ್ನಿ – ಗಂಡ ಜೈಲಲ್ಲಿರುವುದನ್ನು ನೆನೆದು ಭಾವನಾತ್ಮಕ ಪೋಸ್ಟ್
- ಮನರಂಜನೆ
- March 24, 2023
- No Comment
- 138
ನ್ಯೂಸ್ ಆ್ಯರೋ : ಸ್ತನದ ಕ್ಯಾನ್ಸರ್ ನ ಶಸ್ತ್ರಚಿಕಿತ್ಸೆಗೆ ಒಳಗಾಗಿರುವ ನವಜೋತ್ ಕೌರ್ ಸಿಧು ಅವರು ಈ ಸಂದರ್ಭ ಗಂಡ ಮಾಜಿ ಕ್ರಿಕೆಟಿಗ, ಪಂಜಾಬ್ ಪ್ರದೇಶ ಕಾಂಗ್ರೆಸ್ ಸಮಿತಿಯ ಮಾಜಿ ಅಧ್ಯಕ್ಷ ನವಜೋತ್ ಸಿಂಗ್ ಸಿಧು ಅವರು ಜೈಲಲ್ಲಿ ಇರುವುದನ್ನು ನೆನೆದು ಭಾವನಾತ್ಮಕವಾಗಿ ಬರೆದುಕೊಂಡಿದ್ದಾರೆ.
ಪೋಸ್ಟ್ ನಲ್ಲಿ ಏನಿದೆ?
ಪದೇ ಪದೇ ನಿಮಗೆ ನ್ಯಾಯ ಸಿಗದಿರುವುದನ್ನು ಕಾಣುತ್ತಲೇ ನಿಮಗಾಗಿ ಕಾಯುತ್ತಿರುವೆ. ಸತ್ಯವು ಅತ್ಯಂತ ಪ್ರಬಲವಾದುದು, ಅದು ನಿಮ್ಮ ಪರೀಕ್ಷೆಗೆ ಒಳಪಡಿಸುವ ಮೂಲಕ ಸಮಯ ತೆಗೆದುಕೊಳ್ಳುತ್ತದೆ. ಇದು ಕಲಿಯುಗ. ಆದರೆ, ಕ್ಷಮಿಸಿ ನನ್ನಿಂದ ನಿಮ್ಮನ್ನು ಕಾಣಲು ಕಾಯಲು ಆಗುತ್ತಿಲ್ಲ, ಏಕೆಂದರೆ, ಇದು ಎರಡನೇ ಹಂತದ ಸ್ತನ ಕ್ಯಾನ್ಸರ್ ಗೆ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದೇನೆ. ಇದಕ್ಕೆ ಯಾರನ್ನೂ ದೂಷಿಸಲು ಸಾಧ್ಯವಿಲ್ಲ, ಇದೆಲ್ಲ ದೇವರ ಯೋಜನೆ’ ಎಂದು ತಮ್ಮ ನೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಈ ಸಂಬಂಧ ಟ್ವೀಟ್ ಮಾಡಿದ ಪಂಜಾಬ್ ಕಾಂಗ್ರೆಸ್ ಅಧ್ಯಕ್ಷ ಅಮರಿಂದರ್ ಸಿಂಗ್ ರಾಜಾ ವಾರಿಂಗ್ ಅವರು ಟ್ವೀಟಿಸಿ, ”ನೀವು ಶಸ್ತ್ರಚಿಕಿತ್ಸೆಗೆ ಒಳಗಾಗುತ್ತಿರುವುದು ವಿಷಾದನೀಯ. ಆದರೆ, ಸರಿಯಾದ ಸಮಯಕ್ಕೆ ಅದು ಪತ್ತೆಯಾಗಿದೆ. ಶೀಘ್ರ ಗುಣಮುಖವಾಗುವಂತೆ ಪ್ರಾರ್ಥಿಸುತ್ತೇನೆ” ಎಂದು ಹಾರೈಸಿದ್ದಾರೆ.
1988ರ ಪ್ರಕರಣದಲ್ಲಿ ನವಜೋತ್ ಸಿಂಗ್ ಸಿಧು ಅವರಿಗೆ ಒಂದು ವರ್ಷದ ಶಿಕ್ಷೆಯಾಗಿದ್ದು, ಅವರನ್ನು ಪಟಿಯಾಲಾದ ಸೆಂಟ್ರಲ್ ಜೈಲಿನಲ್ಲಿ ಇರಿಸಲಾಗಿದೆ.