ದುಬಾರಿ ಕಾರು ಖರೀದಿ ಮಾಡಿದ ನಟಿ ರಚಿತಾ ಮಹಾಲಕ್ಷ್ಮೀ – ಬಿಗ್ ಬಾಸ್ ಸ್ಪರ್ಧಿಯ ಕಾರ್ ಪೋಟೋಸ್ ವೈರಲ್…!!
- ಮನರಂಜನೆ
- April 17, 2023
- No Comment
- 713
ನ್ಯೂಸ್ ಆ್ಯರೋ : ಇತ್ತೀಚೆಗೆ ತಮಿಳು ಬಿಗ್ ಬಾಸ್ ಸೀಸನ್ 6ರಲ್ಲಿ ಭಾಗಿಯಾಗಿದ್ದ ಕನ್ನಡದ ನಟಿ ರಚಿತಾ ಮಹಾಲಕ್ಷ್ಮೀ ಅವರು ಹೊಸ ದುಬಾರಿ ಕಾರನ್ನು ಖರೀದಿಸಿದ್ದು, ಆ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಈ ಸಂಭ್ರಮದಲ್ಲಿ ಅವರ ಸ್ನೇಹಿತರು ಭಾಗಿಯಾಗಿದ್ದರು. ಈಚೆಗೆ ಅವರು ಬಿಗ್ ಬಾಸ್ ತಮಿಳು ಸೀಸನ್ 6 ಶೋನಲ್ಲಿ ಭಾಗಿಯಾಗಿದ್ದರು. 91 ದಿನಗಳ ಕಾಲ ಅವರು ಈ ಶೋನಲ್ಲಿ ಕಾಲ ಕಳೆದಿದ್ದರು. ಆರಂಭದಲ್ಲಿ ಕನ್ನಡ ಧಾರಾವಾಹಿಗಳಲ್ಲಿ ನಟಿಸುತ್ತಿದ್ದ ರಚಿತಾ ಲಕ್ಷ್ಮೀ ಅವರು ತಮಿಳು, ತೆಲುಗು ಭಾಷೆಯ ಸೀರಿಯಲ್ಗಳಲ್ಲಿ ನಟಿಸಿದ್ದಾರೆ.
‘ಸಾಗುತ ದೂರ ದೂರ’, ‘ಸೂರ್ಯಕಾಂತಿ’, ‘ಮೇಘ ಮಂದಾರ’, ‘ಸವಿಗನಸು’, ‘ಬಂದೆ ಬರತವ್ವ ಕಾಲ’, ‘ಪಿರಿವೊಮ್ ಸಂತಿಪ್ಪೊಮ್’, ‘ಸುಪ್ರಭಾತ’, ‘ಜ್ಯೂನಿಯರ್ ಸೀನಿಯರ್’, ‘ಜ್ಯೂನಿಯರ್ ಸೂಪರ್ ಸ್ಟಾರ್ 3.0’, ‘ಮನೆಯೊಂದು ಮೂರು ಬಾಗಿಲು’, ‘ಮಸಾಲ ಕುದುಂಬಮ್’, ‘ಗೀತಾಂಜಲಿ’, ‘ನಚಿವರಪುರಂ’, ‘ಇಲ್ಲವರಸಿ’, ‘ಉಪ್ಪು ಕರುವಾಡು’, ‘ಸ್ವಾತಿ ಚಿಂಕುಲು’, ‘ಮಾ ನನ್ನ’, ‘ಸರವಣ್ ಮೀನಾಚಿ ಸೀಸನ್ 2’, ‘ಮಿಸ್ಟರ್ & ಮಿಸ್ಸ್ ಕಿಲಾಡಿಸ್’, ‘ಸರವಣ್ ಮೀನಾಚಿ ಸೀಸನ್ 3’ ಮುಂತಾದ ಧಾರಾವಾಹಿಗಳಲ್ಲಿ ರಚಿತಾ ಮಹಾಲಕ್ಷ್ಮೀ ಅವರು ನಟಿಸಿದ್ದಾರೆ.
ಬಿಗ್ ಬಾಸ್ ಶೋನಲ್ಲಿ ಭಾಗಿಯಾಗಿದ್ದ ವೇಳೆ ರಚಿತಾ ಅವರ ದಾಂಪತ್ಯದಲ್ಲಿ ಬಿರುಕು ಕಾಣಿಸಿಕೊಂಡಿದ್ದು, ಪತಿಯಿಂದ ದೂರವಾಗಲಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು.
ಇದೀಗ ತಮ್ಮ ಮನೆಗೆ ಹೊಸ ಕಾರನ್ನು ಸ್ವಾಗತಿಸಿರುವ ನಟಿ ಸಂತೋಷದಲ್ಲಿ ಕೆಲ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಅಭಿಮಾನಿಗಳು ಶುಭಕೋರಿ, ಆರಾಮಾಗಿ ಗಾಡಿಯನ್ನು ಓಡಿಸಿ ಎಂದು ಬರೆದಿದ್ದಾರೆ.