Dr. Bro : ವಿದೇಶ ಸುತ್ತೋದು ಬಿಟ್ಟು ಹೊಸ ಕೆಲಸಕ್ಕೆ ಕೈ ಹಾಕಿದ ಗಗನ್ – ವಿಶ್ವಕಪ್ ಟೈಂ ನಲ್ಲಿ ಗಗನ್ ಏನ್ಮಾಡ್ತಿದಾರೆ ಗೊತ್ತಾ?
- ಮನರಂಜನೆ
- October 12, 2023
- No Comment
- 220
ನ್ಯೂಸ್ ಆ್ಯರೋ : ಸಣ್ಣ ಹಳ್ಳಿಯಲ್ಲಿದ್ದರೂ ಸುದ್ದಿ, ದೆಲ್ಲಿಯ ಗಲ್ಲಿ ಸುತ್ತಿದರೂ ಸುದ್ದಿ… ಒಟ್ಟಿನಲ್ಲಿ ಈಗ ಏನಿದ್ದರೂ ಯೂಟ್ಯೂಬರ್ ಗಳದ್ದೇ ಹವಾ. ಸಾಮಾಜಿಕ ಜಾಲತಾಣವನ್ನು ಸರಿಯಾಗಿ ಬಳಸಿಕೊಂಡರೆ ನಾವು ಸ್ಟಾರ್ ಆಗಬಹುದು. ಈಗ ಬಹುತೇಕ ಮಂದಿ ಇದರಿಂದಲೇ ಗುರುತಿಸಿಕೊಳ್ಳುತ್ತಿದ್ದಾರೆ. ಇವರಲ್ಲಿ ಕನ್ನಡಿಗರ ನೆಚ್ಚಿನ ಸ್ಟಾರ್ ಯೂಟ್ಯೂಬರ್ ಡಾ. ಬ್ರೋ (Dr Bro) ಅಲಿಯಾಸ್ ಗಗನ್ ಶ್ರೀನಿವಾಸ್ ಇತ್ತೀಚೆಗೆ ಬಾರಿ ಸುದ್ದಿ ಮಾಡುತ್ತಿದ್ದಾರೆ.
ಸಣ್ಣ ವಯಸ್ಸಿನಲ್ಲೇ ಯೂಟ್ಯೂಬ್ ವಿಡಿಯೋ ಮೂಲಕ ದೇಶ ವಿದೇಶಗಳನ್ನು ಸುತ್ತಿರುವ ಇವರು ಸರಿಸುಮಾರು ಮಿಲಿಯನ್ ನಷ್ಟು ಅಭಿಮಾನಿಗಳನ್ನು ಹೊಂದಿದ್ದಾರೆ.
ಸಾಕಷ್ಟು ದೇಶಗಳನ್ನು ಕನ್ನಡಿಗರಿಗೆ ಪರಿಚಯಿಸಿರುವ ಡಾ ಬ್ರೋ ಬೇರೆಬೇರೆ ದೇಶಗಳ ಜೀವನ ಶೈಲಿ, ಆಹಾರ, ಭಾಷೆ ಮೊದಲಾದವುಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ. ಹೆಚ್ಚಿನ ಸಂಖ್ಯೆಯ ಅಭಿಮಾನಿ ಬಳಗವನ್ನು ಹೊಂದಿರುವ ಇವರು ಕನ್ನಡಿಗರಿಗೆ ಅದೆಷ್ಟೋ ವಿಷಯಗಳನ್ನು ಹಂಚಿಕೊಂಡಿದ್ದಾರೆ.
ನಮಸ್ಕಾರ್ ದೇವ್ರು ಎನ್ನುವ ಡೈಲಾಗ್ ನಿಂದಲೇ ಕನ್ನಡಿಗರ ಮನ ಗೆದ್ದಿರುವ ಡಾ ಬ್ರೋ ಕೆಲವು ದಿನಗಳ ಹಿಂದೆಯಷ್ಟೇ ಸೊಮಾಲಿಯಾದಲ್ಲಿದ್ದರು. ಇದೀಗ ಬೆಂಗಳೂರಿಗೆ ಮರಳಿದ್ದಾರೆ.
ಸದಾ ಒಂದಲ್ಲ ಒಂದು ಕಾರಣಕ್ಕೆ ಸುದ್ದಿಯಲ್ಲಿರುವ ಇವರು ಈ ಬಾರಿ ಹೊಸ ಪ್ರಯೋಗಕ್ಕೆ ಕೈ ಹಾಕಿದ್ದಾರೆ. ಇವರ ಈ ಸಾಧನೆಗೆ ಸಾಮಾಜಿಕ ಜಾಲತಾಣದಲ್ಲಿ ಮೆಚ್ಚುಗೆಯ ಸುರಿಮಳೆಯೇ ಹರಿದು ಬಂದಿದೆ.
ಈಗ ದೇಶದಲ್ಲಿ ಐಸಿಸಿ ವಿಶ್ವ ಕಪ್ ಹವಾ ಜೋರಾಗಿದೆ. ಇದನ್ನು ಮತ್ತಷ್ಟು ರಂಗೇರಿಸಿದ್ದಾರೆ ಡಾ. ಬ್ರೋ. ಅಕ್ಟೋಬರ್ 8 ರಂದು ನಡೆದ ಇಂಡಿಯಾ ಮತ್ತು ಆಸ್ಟ್ರೇಲಿಯಾ ಪಂದ್ಯದ ವೀಕ್ಷಕ ವಿವರಣೆಯನ್ನು ನೀಡಿ ಕನ್ನಡಿಗರ ಮನ ಗೆದ್ದಿದ್ದಾರೆ.
ಸ್ಟಾರ್ ಸ್ಪೋರ್ಟ್ಸ್ ಕನ್ನಡದೊಂದಿಗೆ ಕೈಜೋಡಿಸಿ ಇವರು ಮಾಡಿರುವ ಹೊಸ ವಿಡಿಯೋ ಅಭಿಮಾನಿಗಳಿಗೂ ಸಾಕಷ್ಟು ಖುಷಿ ಕೊಟ್ಟಿದ್ದು, ಸಾಕಷ್ಟು ಮೆಚ್ಚುಗೆಯೂ ವ್ಯಕ್ತವಾಗಿದೆ.