ಒಂದೇ ಕಂಪನಿಯ ಷೇರಿನಿಂದ ಎರಡೇ ತಿಂಗಳಲ್ಲಿ 2400 ಕೋಟಿ ಗಳಿಸಿದ ಭಾರತೀಯ ಮಹಿಳೆ – ಅಷ್ಟೊಂದು ಲಾಭ ತಂದುಕೊಟ್ಟ ಆ ಕಂಪನಿ ಯಾವುದು ?

Rekha Junjunwala : ಷೇರು ವಹಿವಾಟು ಕೆಲವರಿಗೆ ನಷ್ಟ ತಂದಿಟ್ಟರೆ ಹಲವರಿಗೆ ಹಣದ ಮಳೆಯನ್ನೇ ಸುರಿಸುತ್ತದೆ. ಅದೇ ರೀತಿ ಭಾರತದ ಶ್ರೀಮಂತ ಮಹಿಳೆಯೊಬ್ಬರು ಷೇರು ಮಾರುಕಟ್ಟೆಯ ಮೂಲಕ ಎರಡು ತಿಂಗಳಲ್ಲಿ ಬರೋಬ್ಬರಿ 2,400 ಕೋಟಿ ರೂ. ಗಳಿಸಿದ್ದಾರೆ. ಅಂದರೆ ದಿನದಲ್ಲಿ 40 ಕೋಟಿ ರೂ! ಯಾರು ಆ ಮಹಿಳೆ? ಅವರ ಯಶಸ್ಸಿನ ಗುಟ್ಟೇನು ಎನ್ನುವುದರ ವಿವರ ಇಲ್ಲಿದೆ.

ರೇಖಾ ಜುಂಜುನ್ ವಾಲ ಹೆಸರು ಗೊತ್ತಾ!

ಈ ರೀತಿ ಭರ್ಜರಿ ಲಾಭ ಗಳಿಸಿದವರು ಖ್ಯಾತ ಹೂಡಿಕೆದಾರರಾಗಿದ್ದ ದಿ. ರಾಕೇಶ್ ಜುಂಜುನ್ ವಾಲಾ ಅವರ ಪತ್ನಿ ರೇಖಾ ಜುಂಜುನ್ ವಾಲಾ. ರೇಖಾ 2 ತಿಂಗಳಿನಲ್ಲಿ ಟೈಟಾನ್ ಷೇರ್ ಒಂದರಿಂದಲೇ 2,400 ಕೊಟಿ ರೂ. ಆದಾಯ ಗಳಿಸಿದ್ದಾರೆ.

ರೇಖಾ ಟೈಟಾನ್ ಕಂಪೆನಿಯಲ್ಲಿ 4,69,45,970 ಷೇರು ಹೊಂದಿದ್ದಾರೆ. ಅಂದರೆ ಕಂಪೆನಿಯಲ್ಲಿ ಸುಮಾರು ಶೇ. 5.29ರಷ್ಟು ಪಾಲು. ಕೆಲವು ದಿನಗಳಿಂದ ಟೈಟಾನ್ ಷೇರುಗಳು 5012 ರೂ. ತಲುಪಿವೆ.

ಕಳೆದ ವರ್ಷ ರಾಕೇಶ್ ಜುಂಜುನ್ ವಾಲಾ ನಿಧನ ಹೊಂದಿನ ಬಳಿಕ ಅವರು ಷೇರುಗಳು ರೇಖಾ ಅವರಿಗೆ ವರ್ಗಾವಣೆಗೊಂಡಿದ್ದವು. ಸದ್ಯ ರೇಖಾ 47,650 ಕೋಟಿ ರೂ. ಮೌಲ್ಯದ ಆಸ್ತಿ ಹೊಂದಿದ್ದಾರೆ. ಆ ಮೂಲಕ ದೇಶದ ಶ್ರೀಮಂತ ಮಹಿಳೆಯರ ಪೈಕಿ ಒಬ್ಬರಾಗಿದ್ದಾರೆ.