ಹೊಸ ಉದ್ಯೋಗಿಗಳನ್ನು ಏಕಾಏಕಿ ವಜಾಗೊಳಿಸಿದ ವಿಪ್ರೊ – 400 ಉದ್ಯೋಗಿಗಳಿಗೆ ಗೇಟ್ ಪಾಸ್..!!

ನ್ಯೂಸ್ ಆ್ಯರೋ : ಸದ್ಯ ಪ್ರಪಂಚದಾದ್ಯಂತ ದೈತ್ಯ ಟೆಕ್ ಕಂಪೆನಿಗಳು ತಮ್ಮ ಕಂಪೆನಿ ಉದ್ಯೋಗಿಗಳನ್ನು ವಜಾಗೊಳಿಸುವಲ್ಲಿ ನಿರತವಾಗಿದೆ‌. ಅಮೇರಿಕಾದ ಕಂಪೆನಿಯೊಂದರಿಂದ ಆರಂಭಗೊಂಡ ಈ ನೂತನ ಟ್ರೆಂಡ್ ಇನ್ನೂ ನಿಂತಿಲ್ಲ.‌ ಇತ್ತೀಚೆಗಷ್ಟೆ ಮೈಕ್ರೋಸಾಫ್ಟ್ 11000 ಉದ್ಯೋಗಿಗಳನ್ನು, ಗೂಗಲ್ ಕಂಪನಿ 12000 ಉದ್ಯೋಗಿಗಳನ್ನು ವಜಾಗೊಳಿಸಿತ್ತು. ಇದೀಗ ವಿಪ್ರೋ ಸಂಸ್ಥೆ ಸುಮಾರು 400 ಜನ ಹೊಸಾ ಉದ್ಯೋಗಿಗಳಿಗೆ ಗೇಟ್ ಪಾಸ್ ನೀಡಿದೆ.

ವಿಪ್ರೋ ಕಂಪೆನಿಗೆ ಹೊಸದಾಗಿ ನೇಮಕಗೊಂಡಿರುವ ಉದ್ಯೋಗಿಗಳಿಗೆ ನಿರಂತರ ತರಬೇತಿ ನೀಡಲಾಗುತ್ತಿತ್ತು, ಆದರೆ ಅನಂತರವೂ ಮೌಲ್ಯ ಮಾಪನದಲ್ಲಿ ಕಳಪೆ ಪ್ರದರ್ಶನ ನೀಡಿದಕ್ಕಾಗಿ ಉದ್ಯೋಗಿಗಳನ್ನು ವಜಾಗೊಳಿಸಿದೆ‌ ಎಂದು ತಿಳಿದು ಬಂದಿದೆ‌.

ಈ ಬಗ್ಗೆ ಮಾಹಿತಿ‌ ನೀಡಿರುವ ಕಂಪೆನಿ ‘ನಮ್ಮ ಸಂಸ್ಥೆಯಲ್ಲಿ ಯಾವಾಗಲೂ ಉತ್ಕೃಷ್ಟ ಮಟ್ಟದ ಮಾನದಂಡಗಳನ್ನು ಕಾಪಾಡಿಕೊಳ್ಳಲು ನಾವು ಪ್ರಯತ್ನಿಸುತ್ತೆವೆ, ಕಂಪೆನಿ ಕೆಲಸಕ್ಕೆ ನೇಮಕಗೊಂಡ ಪ್ರತಿಯೊಬ್ಬ ಉದ್ಯೋಗಿಯೂ ಕೂಡ ತಮ್ಮ ಕಾರ್ಯಕ್ಷೇತ್ರದಲ್ಲಿ ಉತ್ತಮ ಕೌಶಲ್ಯತೆ ಹೊಂದಿರಬೇಕು ಎಂದು ನಾವು ಬಯಸುತ್ತೆವೆ.

ಆದರೆ ಕಂಪೆನಿಯ ಮೂಲ ಉದ್ದೇಶ ಹಾಳಾಗಬಾರದು ಎಂಬ ನಿಟ್ಟಿನಲ್ಲಿ‌ ಸದ್ಯ, ತರಬೇತಿಯ ನಂತರವೂ ಕಳಪೆ ಪ್ರದರ್ಶನ ನೀಡಿರುವ 450 ಉದ್ಯೋಗಿಗಳನ್ನು ವಜಾ ಮಾಡುತ್ತಿದ್ದೆವೆ‌, ಇದು ಅನಿವಾರ್ಯವೂ ಕೂಡ’ ಎಂದಿದೆ‌.