ಜೂನ್ ತ್ರೈ ಮಾಸಿಕದಲ್ಲಿ ಭರ್ಜರಿ ಆದಾಯ ಗಳಿಸಿದ ಎಲ್ಐಸಿ – ಕಳೆದ ವರ್ಷಕ್ಕಿಂತ 14 ಪಟ್ಟು ಅಧಿಕವಾಯ್ತು ನಿವ್ವಳ ಲಾಭ
- ವಾಣಿಜ್ಯ ಸುದ್ದಿ
- August 14, 2023
- No Comment
- 70
ನ್ಯೂಸ್ ಆ್ಯರೋ : ದೇಶದ ಅತಿ ದೊಡ್ಡ ವಿಮಾ ಕಂಪೆನಿ ಭಾರತೀಯ ಜೀವ ವಿಮಾ ನಿಗಮ (ಎಲ್.ಐ.ಸಿ.) ಜೂನ್ ತ್ರೈ ಮಾಸಿಕದಲ್ಲಿ ಬರೋಬ್ಬರಿ 9,544 ಕೋಟಿ ರೂ. ನಿವ್ವಳ ಲಾಭ ಗಳಿಸಿದೆ.
14 ಪಟ್ಟು ಏರಿಕೆ
ಕಳೆದ ವರ್ಷದ ಈ ಅವಧಿಗೆ ಹೋಲಿಸಿದರೆ ಲಾಭದ ಪ್ರಮಾಣ 14 ಪಟ್ಟು ಏರಿಕೆಯಾಗಿದೆ. ಕಳೆದ ವರ್ಷ 682 ಕೋಟಿ ನಿವ್ವಳ ಲಾಭ ದಾಖಲಿಸಿತ್ತು. ಎಪ್ರಿಲ್-ಜೂನ್ ಅವಧಿಯಲ್ಲಿ ಎಲ್.ಐ.ಸಿ. ಹೂಡಿಕೆಗಳಿಂದ 90,309 ಕೋಟಿ ರೂ. ಆದಾಯ ಗಳಿಸಿದೆ.
ಅದಾಗ್ಯೂ ಸಂಸ್ಥೆಯ ಮೊದಲ ವರ್ಷದ ಪ್ರೀಮಿಯಂ ಮೊತ್ತ ಶೇ. 8.3ರಷ್ಟು ಕುಸಿತ ಕಂಡು 6,810 ಕೋಟಿ ರೂ.ಗೆ ಇಳಿಕೆಯಾಗಿದೆ. ಕಳೆದ ವರ್ಷ ಈ ಅವಧಿಯಲ್ಲಿ 7,429 ಕೋಟಿ ರೂ. ಪ್ರೀಮಿಯಂ ಮೊತ್ತ ಇತ್ತು.
ಜೂನ್ ತ್ರೈ ಮಾಸಿಕದಲ್ಲಿ ಎಲ್.ಐ.ಸಿ.ಯ ಒಟ್ಟು ಆದಾಯ 1,88,749 ಕೋಟಿ ರೂ.ಗೆ ಏರಿಕೆಯಾಗಿದ್ದು, ಹಿಂದಿನ ವರ್ಷ 1,68,881 ಕೋಟಿ ರೂ. ಇತ್ತು.