ಸಾವಿರಕ್ಕೂ ಅಧಿಕ ಉದ್ಯೋಗಿಗಳನ್ನು ವಜಾಗೊಳಿಸಿದ ಬೈಜುಸ್ – ನಷ್ಟದಲ್ಲಿರುವ ಕಂಪನಿ ಸಿಬ್ಬಂದಿ ವಜಾಕ್ಕೆ ಮನಮಾಡಿತೇ…!?

ನ್ಯೂಸ್ ಆ್ಯರೋ : ಭಾರತೀಯ ಕ್ರಿಕೆಟ್ ತಂಡದ ಪ್ರಾಯೋಜಕನಾಗಿರುವ ಎಡ್ಟೆಕ್ ಯೂನಿಕಾರ್ನ್ ಬೈಜುಸ್ 1,000ಕ್ಕೂ ಹೆಚ್ಚು ಉದ್ಯೋಗಿಗಳನ್ನ ವಜಾಗೊಳಿಸಿದ್ದು, ಅಚ್ಚರಿಗೆ ಕಾರಣವಾಗಿದೆ‌.

ಕಂಪನಿಯ ಎಂಜಿನಿಯರಿಂಗ್ ತಂಡದಲ್ಲಿ ಕೆಲಸ ಮಾಡುವ ಉದ್ಯೋಗಿಯೊಬ್ಬರು ಈ ಬಗ್ಗೆ ಮಾಹಿತಿ ನೀಡಿದ್ದು, ‘ಇಂದು ಬೆಳಿಗ್ಗೆ, ಪ್ರತಿ ಟೆಕ್ ತಂಡದಲ್ಲಿ ಹಲವು ಜನರನ್ನ ಕೆಲಸದಿಂದ ವಜಾಗೊಳಿಸಲಾಗಿದೆ. ನನ್ನ ತಂಡದಲ್ಲೂ ಕಡಿತಗಳು ಸಂಭವಿಸಿದವು. ಒಟ್ಟಾರೆಯಾಗಿ, ಎಲ್ಲಾ ಎಂಜಿನಿಯರಿಂಗ್ ತಂಡಗಳಲ್ಲಿ 15 ಪ್ರತಿಶತದಷ್ಟು ಜನರನ್ನ ಕೆಲಸದಿಂದ ತೆಗೆದುಹಾಕಲಾಗಿದೆ. 1,000ಕ್ಕೂ ಹೆಚ್ಚು ಉದ್ಯೋಗಿಗಳು ಕೆಲಸ ಕಳೆದುಕೊಂಡಿದ್ದಾರೆ’ ಎಂದಿದ್ದಾರೆ.

ಕಂಪನಿಯು ಎಲ್ಲಾ ಫ್ರೆಶರ್ಗಳನ್ನ ಕೆಲಸದಿಂದ ವಜಾಗೊಳಿಸಿದೆ ಎಂದು ಹೇಳಿದ್ದು, ‘ಈ ವಜಾದಲ್ಲಿ ಎಲ್ಲಾ ಫ್ರೆಶರ್ಗಳನ್ನ ಬೈಜುಸ್ ವಜಾಗೊಳಿಸಿದೆ’ ಎಂದು ಹೇಳಿದ್ದಾರೆ.

ಈಗಾಗಲೇ ಬೈಜುಸ್ ಕಂಪನಿ ನಷ್ಟದ ಹಾದಿಯಲ್ಲಿದ್ದು, ಸಾವಿರಾರು ಕೋಟಿಯ ಉದ್ಯಮವಾಗಿದ್ದರೂ ಸಾಲದ ಹಾದಿ ಹಿಡಿದಿದೆ. ಈ ಹಿನ್ನೆಲೆಯಲ್ಲಿ ಸಿಬ್ಬಂದಿಗಳ ವಜಾ ಪ್ರಕ್ರಿಯೆ ನಡೆದಿದೆ ಎನ್ನಲಾಗುತ್ತಿದೆಯಾದರೂ ಬೈಜುಸ್ ಈ ಬಗ್ಗೆ ಯಾವುದೇ ಹೇಳಿಕೆ ಬಿಡುಗಡೆ ಮಾಡಿಲ್ಲ.