ಕೊನೆಗೂ ಬಹುನಿರೀಕ್ಷಿತ ಮಹೀಂದ್ರಾ ಥಾರ್ 5 ಡೋರ್ ಕಾರು ಬಿಡುಗಡೆಗೆ ಸಿದ್ದತೆ – ಹೇಗಿದೆ ಗೊತ್ತಾ ಇದರ ಫೀಚರ್ಸ್?

ನ್ಯೂಸ್ ಆ್ಯರೋ‌ : ಮಹೀಂದ್ರಾ ಕಾರು ಪ್ರಿಯರಿಗೆ ಸಂತಸದ ಸುದ್ದಿಯೊಂದಿದೆ. ಅದೇನೆಂದರೆ ಬಹು ನಿರೀಕ್ಷಿತ ಮಹೀಂದ್ರಾ ತನ್ನ 5 ಡೋರ್ ನ ಥಾರ್ ಕಾರನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಈ ವರ್ಷ ಗ್ರಾಹಕರ ಕೈ ಸೇರುವ ಸಾಧ್ಯತೆ ಇದೆ.

ವಿಶೇಷತೆ

ಮಹೀಂದ್ರಾ ಕಂಪೆನಿಯ ಹೊಸ ರೂಪಾಂತರದ ಕಾರು 5 ಡೋರ್ ಹೊಂದಿದ್ದು, ಬೇಡಿಕೆ ಹೆಚ್ಚುವ ಸಾಧ್ಯತೆ ಇದೆ. ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ನ ಎರಡು ಆವೃತ್ತಿಗಳಲ್ಲಿ ಈ ಕಾರು ಬಿಡುಗಡೆಯಾಗಲಿದೆ.

ಮಾರುತಿ ಜಿಮ್ನಿ ಕಾರಿಗಿಂತ ಮಹೀಂದ್ರಾ ಥಾರ್ ಹೆಚ್ಚಿನ ಉದ್ದ ಹೊಂದಿರಲಿದೆ. ಇದು 1,820 ಎಂ.ಎಂ. ಅಗಲ ಮತ್ತು 1,850 ಎಂ.ಎಂ. ಎತ್ತರ ಹೊಂದಿದೆ. ಕಾರಿನ ದರದ ಬಗ್ಗೆ ಕಂಪೆನಿ ಮಾಹಿತಿ ಹಂಚಿಕೊಂಡಿಲ್ಲ.

ಒಳಾಂಗಣ ವಿನ್ಯಾಸದ ಬಗ್ಗೆ ಹೇಳುವುದಾದರೆ ಇದು 3 ಡೋರ್ ನ ಥಾರ್ ಅನ್ನೇ ಹೋಲುತ್ತದೆ. ಹೊಸದಾಗಿ ಹಲವು ವೈಶಿಷ್ಟ್ಯಗಳನ್ನು ಪರಿಚಯಿಸಲಾಗಿದೆ. ಉತ್ತಮ ಇನ್ಫೋಟೈನ್ ಮೆಂಟ್ ಸ್ಕ್ರೀನ್, ಫ್ರಂಟ್ ಸೆಂಟರ್ ಆರ್ಮ್ ರೆಸ್ಟ್, ಸನ್ ಗ್ಲಾಸ್ ಹೋಲ್ಡರ್ ನಂತಹ ವೈಶಿಷ್ಟ್ಯ ಗಳನ್ನು ಹೊಂದಿದೆ.