ಒಮ್ಮೆ ಚಾರ್ಜ್ ಮಾಡಿದರೆ 303 ಕಿ.ಮೀ. ಓಡುತ್ತೆ ಈ ಕಾರು – ಎಂಜಿ ಮೋಟಾರ್ ಕಂಪನಿಯ ಹೊಸ ಕಾರ್ ಹೇಗಿದೆ ಗೊತ್ತಾ..!?
- ಆಟೋ ನ್ಯೂಸ್
- May 12, 2023
- No Comment
- 405
ನ್ಯೂಸ್ ಆ್ಯರೋ : ಸದ್ಯ ಜಾಗತಿಕವಾಗಿ ಎಲೆಕ್ಟ್ರಿಕ್ ವಾಹನಗಳಿಗೆ ಭಾರೀ ಬೇಡಿಕೆ ಸೃಷ್ಟಿಯಾಗಿದೆ. ಅದಕ್ಕೆ ತಕ್ಕಂತೆ ವಿವಿಧ ಕಂಪೆನಿಗಳು ಎಲೆಕ್ಟ್ರಿಕ್ ವಾಹನ ತಯಾರಿಸಲು ಮುಂದಾಗುತ್ತಿವೆ. ಈಗ ಜಾಗತಿಕ ಬೆಸ್ಟ್ ಸೆಲ್ಲರ್ ಆಗಿ ಸುಜುಕಿ ಜಿಮ್ನಿ ಮಾರಾಟವಾಗುತ್ತಿದ್ದು, ಪೈಪೋಟಿ ನೀಡಲು ಎಂಜಿ ಮೋಟಾರ್ ಕಂಪನಿಯು ಹೊಸ ಎಲೆಕ್ಟ್ರಿಕ್ ಎಸ್ಯುವಿಯನ್ನು ಬಿಡುಗಡೆಗೊಳಿಸಲು ಸಜ್ಜಾಗಿದೆ.
SAIC-GM-Wuling Baojun Yep ಮಿನಿ ಎಲೆಕ್ಟ್ರಿಕ್ ಕಾರನ್ನು ಎಂಜಿ ಮೋಟಾರ್ ಅನಾವರಣಗೊಳಿಸಿದೆ. ಇದು ನಾಲ್ಕು ಪ್ರಯಾಣಿಕರು ಕುಳಿತುಕೊಳ್ಳುವ ಸಾಮರ್ಥ್ಯ ಹೊಂದಿದೆ. ಇದು ಆಫ್-ರೋಡ್ ಗಳಿಗೂ ಸೂಕ್ತ ಎನ್ನಲಾಗಿದ್ದು, ವಿವರ ಇನ್ನಷ್ಟೇ ಬಹಿರಂಗವಾಗಬೇಕಿದೆ. ಬಾಜುನ್ ಯೆಪ್ ಮಿನಿ-ಇವಿ ಮತ್ತು 3-ಡೋರ್ ಜಿಮ್ನಿಯ ನಡುವೆ ವಿವಿಧ ಹೋಲಿಕೆಗಳಿವೆ.
ಜಿಮ್ನಿಯ ಬಾಡಿಗೆ ಹೋಲಿಸಿದರೆ ಬಾಜುನ್ ಯೆಪ್ ನ ಬಾಡಿ ರಚನೆಯು ಕರ್ವಿಯರ್ ಮತ್ತು ಏರೋಡೈನಾಮಿಕ್ ಆಗಿ ಕಾಣುತ್ತದೆ. ಜಿಮ್ನಿಯ ರೌಂಡ್ ಹೆಡ್ಲ್ಯಾಂಪ್ಗಳಿಗೆ ಹೋಲಿಸಿದರೆ ಬಾಜುನ್ ಯೆಪ್ ಫ್ಯೂಚರಿಸ್ಟಿಕ್-ಲುಕಿಂಗ್ ಹೆಡ್ಲ್ಯಾಂಪ್ಗಳನ್ನು ಹೊಂದಿದೆ. ರೂಫ್ ವಿಭಾಗವು ಎರಡೂ ಕಾರುಗಳಲ್ಲಿ ವಿಶಿಷ್ಟವಾಗಿದೆ. ಬಾಜುನ್ ಯೆಪ್ ವಿಶಿಷ್ಟವಾದ ಹಿಂಬದಿಯ ಪ್ರೊಫೈಲ್ ಹೊಂದಿದೆ.
ಬಾಜುನ್ ಯೆಪ್ ಐದು ಅತ್ಯಾಕರ್ಷಕ ಬಣ್ಣ ಆಯ್ಕೆಗಳಲ್ಲಿ ಲಭ್ಯ. ಈ ಕಾರು ದೊಡ್ಡದಾದ ಸ್ಟೀರಿಂಗ್ ಚಕ್ರವನ್ನು ಹೊಂದಿದೆ. ಇದು 28.1 kWh LFP ಬ್ಯಾಟರಿಯನ್ನು ಹೊಂದಿದ್ದು 68 hp ಪವರ್ ಮತ್ತು 140 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದರ ಟಾಪ್ ಸ್ಪೀಡ್ 100 ಕಿ.ಮೀ. ಒಮ್ಮೆ ಚಾರ್ಜ್ ಮಾಡಿದರೆ ಸಂಪೂರ್ಣ 303 ಕಿ.ಮೀ. ಪ್ರಯಾಣಿಸುತ್ತದೆ ಎನ್ನಲಾಗಿದೆ.