ಇನ್ನು ಮುಂದೆ ಟ್ರಕ್ ಗಳಲ್ಲಿ ಎಸಿ ಕಡ್ಡಾಯ -ಕಾರಣವೇನು ಗೊತ್ತಾ?
- ಆಟೋ ನ್ಯೂಸ್
- June 21, 2023
- No Comment
- 204
ನ್ಯೂಸ್ ಆ್ಯರೋ : ಕೇಂದ್ರ ಸರಕಾರ ಟ್ರಕ್ ಡ್ರೈವರ್ ಗಳಿಗೆ ಗುಡ್ ನ್ಯೂಸ್ ನೀಡಿದೆ. ಎಲ್ಲಾ ಟ್ರಕ್ ಗಳಲ್ಲಿ 2025ರಿಂದ ಎಸಿ ಕ್ಯಾಬಿನ್ ಕಡ್ಡಾಯವಾಗಿರಬೇಕು ಎಂದು ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಹೇಳಿದ್ದಾರೆ.
ಚಾಲಕರಿಗೆ ಅನುಕೂಲ
ಕೆಲವೊಮ್ಮೆ ಟ್ರಕ್ ಚಾಲಕರು ಸುಮಾರು 11-12 ಗಂಟೆ ಕೆಲಸ ಮಾಡುತ್ತಾರೆ. ಬಿಸಿಲಿಗೆ ಇಷ್ಟು ಹೊತ್ತು ಕಾರ್ಯ ನಿರ್ವಹಿಸುವುದು ಕಷ್ಟ. ಹೀಗಾಗಿ ಕೆಲವೊಮ್ಮೆ ಅಪಘಾತ ಸಂಭವಿಸುತ್ತದೆ. ಆದ್ದರಿಂದ ಎಸಿ ಕಡ್ಡಾಯಗೊಳಿಸುವುದರಿಂದ ಚಾಲಕರಿಗೆ ಅನುಕೂಲವಾಗಲಿದೆ ಎಂದು ನಿತಿನ್ ಗಡ್ಕರಿ ತಿಳಿಸಿದ್ದಾರೆ.
ಈಗಾಗಲೇ ವೋಲ್ವೋ, ಸ್ಕ್ಯಾನಿಯಾ ಕಂಪೆನಿಯ ಟ್ರಕ್ ಗಳಲ್ಲಿ ಎಸಿ ಅಳವಡಿಕೆಯಾಗಿದೆ. ಟಾಟಾ, ಅಶೋಕ್ ಲೈಲ್ಯಾಂಡ್ ಟ್ರಕ್ ಗಳಲ್ಲಿ ಎಸಿ ಅಳವಡಿಕೆ ಇನ್ನೂ ಬಾಕಿ ಇದೆ ಎಂದು ಸಚಿವರು ಹೇಳಿದರು.
ದೇಶದಲ್ಲಿ ಕೆಲವೊಮ್ಮೆ ಉಷ್ಣಾಂಶ 43ರಿಂದ 47 ಡಿಗ್ರಿ ಸೆಲ್ಸಿಯಸ್ ವರೆಗೂ ಇರುತ್ತದೆ. ಎಸಿ ಅಳವಡಿಸಿದರೆ ಚಾಲಕರಿಗೆ ಅನುಕೂಲವಾಗಲಿದೆ. ಇದಕ್ಕಾಗಿ 10ರಿಂದ 20 ಸಾವಿರ ರೂ. ಖರ್ಚು ಅಗುವ ಸಾಧ್ಯತೆ ಇದೆ. ಈಗಾಗಲೇ ಕಡತಕ್ಕೆ ಸಹಿ ಮಾಡಿದ್ದೇವೆ ಎಂದು ಗಡ್ಕರಿ ಹೇಳಿದರು.