ನೂತನ ಮುಖ್ಯಮಂತ್ರಿ ಸ್ವಾಗತಿಸಲು ಸಿದ್ಧವಾಯ್ತು ಹೊಸ ಕಾರು – ಇದರ ಬೆಲೆ ಎಷ್ಟು?

ನ್ಯೂಸ್ ಆ್ಯರೋ‌ : ಪೂರ್ಣ ಬಹುಮತದೊಂದಿಗೆ ರಾಜ್ಯದಲ್ಲಿ ಅಧಿಕಾರಕ್ಕೆ ಬಂದ ಕಾಂಗ್ರೆಸ್ ನಲ್ಲಿ ಮೂರ್ನಾಲ್ಕು ದಿನ ಮುಖ್ಯಮಂತ್ರಿ ಆಯ್ಕೆ ಕಗ್ಗಂಟು ಎದುರಾಗಿತ್ತು. ಈಗ ಸಮಸ್ಯೆಗಳೆಲ್ಲ ಬಗೆಹರಿದು ಸಿದ್ದರಾಮಯ್ಯ ಸಿಎಂ ಆಗಿ ಆಯ್ಕೆಯಾಗಿದ್ದಾರೆ. ಇದೀಗ ಮುಖ್ಯಮಂತ್ರಿಗಾಗಿ ಸರಕಾರ ಹೊಸ ಕಾರು ಖರೀದಿಸಿದೆ. ಅದರ ವಿವರ ಇಲ್ಲಿದೆ.

ಟೊಯೋಟೊ ವೆಲ್ಫೇರ್ ಕಾರನ್ನು ನೂತನ ಮುಖ್ಯಮಂತ್ರಿಗಾಗಿ ಖರೀದಿಸಲಾಗಿದ್ದು, ಇದರ ಬೆಲೆ ಬರೋಬ್ಬರಿ 1 ಕೋಟಿ ರೂ. ಎಂಬ ಮಾಹಿತಿ ಲಭ್ಯವಾಗಿದೆ.

ಮೂಲಗಳ ಪ್ರಕಾರ, ರಾಜ್ಯ ಸರಕಾರದ ಆಡಳಿತ ಮತ್ತು ಸುಧಾರಣ ಇಲಾಖೆಯಿಂದ ಕಾರನ್ನು ಖರೀದಿಸಲಾಗಿದೆ. ಇನ್ನು ಮುಂದೆ ಸಿದ್ದರಾಮಯ್ಯ ಈ ಹೊಸ ಕಾರಿನಲ್ಲೇ ಓಡಾಡಲಿದ್ದಾರೆ.

ನಾಳೆ(ಶನಿವಾರ) ಮಧ್ಯಾಹ್ನ ಪ್ರಮಾಣ ವಚನ ಸ್ವೀಕಾರ ಸಮಾರಂಭ ಆಯೋಜಿಸಲಾಗಿದೆ. ಸಿದ್ದರಾಮಯ್ಯ 24ನೇ ಮುಖ್ಯಮಂತ್ರಿಯಾಗಿ ಎರಡನೇ ಬಾರಿ ಅಧಿಕಾರ ಸ್ವೀಕರಿಸಲಿದ್ದಾರೆ. ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಉಪಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ.