Samantha Ruth Prabhu : ‘ಮತ್ತೆ ಮ್ಯಾರೇಜ್ ಆಗ್ತಾರಾ’ ಸಮಂತಾ..? – ನೆಟ್ಟಿಗರು ಕೇಳಿದ ಪ್ರಶ್ನೆಗೆ ಸ್ಯಾಮ್ ಏನು ಉತ್ತರ ಕೊಟ್ರು ಗೊತ್ತಾ..?

ನ್ಯೂಸ್ ಆ್ಯರೋ : ಸಮಂತಾ ಚಿತ್ರರಂಗದಲ್ಲಿ ಹೆಸರು ಗಳಿಸಿರುವ ಒಬ್ಬ ಅದ್ಭುತ ನಟಿ. ನಟ ನಾಗಚೈತನ್ಯ ಜೊತೆಗೆ ಡಿವೋರ್ಸ್ ಪಡೆದ ನಂತರ ಸಮಂತಾ ಅವರ ಜೀವನದಲ್ಲಿ ಅನೇಕ ರೀತಿಯ ಏರಿಳಿತ ಕಂಡುಬಂದಿತ್ತು. ಅನಾರೋಗ್ಯಕ್ಕೀಡಾಗಿದ್ದ ಇವರು ಇದೀಗ ಸಿನಿಮಾ ವಿಚಾರದಲ್ಲೂ ಬ್ರೇಕ್ ಪಡೆದುಕೊಂಡಿದ್ದಾರೆ. ಇದೀಗ ನೆಟ್ಟಿಗರು ಕೇಳಿರುವ ಇಂಟ್ರೆಸ್ಟಿಂಗ್ ಪ್ರಶ್ನೆಗೆ ಸ್ಯಾಮ್ ಸೋಷಿಯಲ್ ಮೀಡಿಯಾದಲ್ಲಿ ಉತ್ತರ ನೀಡಿದ್ದಾರೆ.

ಬಹುದಿನಗಳ ನಂತರ ಸಮಂತಾ ನೆಟಿಜನ್‌ಗಳೊಂದಿಗೆ ಸಂವಾದ ನಡೆಸಿದ್ದಾರೆ.. ಸಂಡೇ ಸ್ಪೆಷಲ್‌ ಎನ್ನುವ ಹಾಗೇ ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಪ್ರಶ್ನೆಗಳನ್ನು ಕೇಳಿದರೆ, ಅದಕ್ಕೆ ಉತ್ತರಿಸುತ್ತೇನೆ ಎಂದು ಬರೆದುಕೊಂಡಿದ್ದರು.

ಇದರೊಂದಿಗೆ ನೆಟಿಜನ್‌ಗಳು ತಮ್ಮ ಪ್ರಶ್ನೆಗಳನ್ನು ಕೇಳಿದರು ಮತ್ತು ಆ ಪ್ರಶ್ನೆಗಳಿಗೆ ಸ್ಯಾಮ್ ಉತ್ತರಿಸಿದರು. ಆದರೆ ಅದೇ ವೇಳೆ ನೆಟ್ಟಿಗರೊಬ್ಬರು ಸಮಂತಾಗೆ ಮತ್ತೆ ಮದುವೆಯಾಗುವ ಸಾಧ್ಯತೆಗಳಿವೆಯೇ ಎಂದು ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿದ ಸಮಂತಾ, ಮರುಮದುವೆ ಕೆಟ್ಟ ಹೂಡಿಕೆ ಎಂದು.. ಕೀ ಡೈವೋರ್ಸ್ ಸ್ಟ್ಯಾಟಿಸ್ಟಿಕ್ಸ್ ಎಂಬ ವರದಿಯನ್ನು ಹಂಚಿಕೊಂಡಿದ್ದಾರೆ.

ಅವರು ಹಂಚಿಕೊಂಡ ವರದಿಯಲ್ಲಿ, ಮೊದಲ ಬಾರಿಗೆ ಮದುವೆಯಾಗುವವರಿಗೆ ವಿಚ್ಛೇದನ ಪಡೆಯುವ ಸಾಧ್ಯತೆ 50 ಪ್ರತಿಶತವಿದೆ. ಮರುಮದುವೆಯಾದವರಿಗೆ ವಿಚ್ಛೇದನದ ಸಾಧ್ಯತೆ 67 ಪ್ರತಿಶತ. ಮೂರನೇ ಬಾರಿಗೆ ಮದುವೆಯಾಗುವವರಿಗೆ ವಿಚ್ಛೇದನದ ಸಾಧ್ಯತೆ ಶೇಕಡ 70 ರಷ್ಟು ಇರುತ್ತದೆ ಎಂದು ಹೇಳಲಾಗಿದೆ.

ಈ ಮೂಲಕ ಸಮಂತಾ ಮತ್ತೆ ಮದುವೆಯಾಗುವುದಿಲ್ಲ ಎಂದು ಪರೋಕ್ಷವಾಗಿ ಸ್ಪಷ್ಟನೆ ನೀಡಿದ್ದಾರೆ. ಇನ್ನು ಮುಂದೆ ಸಮಂತಾ ಮತ್ತೆ ಮದುವೆಯಾಗದೇ ಹೀಗೆ ಇರುತ್ತಾರಾ ಅಥವಾ ಭವಿಷ್ಯದಲ್ಲಿ ಮುಂದೆ ಯಾರನ್ನಾದರೂ ವರಿಸುತ್ತಾರಾ..? ನೋಡಬೇಕು. ಆದರೆ ಇದೀಗ ಸಮಂತಾ ಪೋಸ್ಟ್ ಮಾತ್ರ ಸಖತ್ ವೈರಲ್ ಆಗಿದೆ.